#Title

திருப்பூரில் அதிகரிக்கும் பாலியல் தொல்லை! சிங்கப்பெண் சிறப்பு பாதுகாப்புப் படை பற்றாக்குறை! பெண் தொழிலாளர்களின் பாதுகாப்பு கேள்விக்குறி!

திருப்பூர், ஜூன் 19 –

திருப்பூரில் அதிகரிக்கும் பாலியல்தொல்லை, சிங்கப்பெண் படை பற்றாக்குறையால் பெண் தொழிலாளர்களின் பாதுகாப்பு கேள்விக்குறியாகிவுள்ளது. சமீபத்தில் தமிழக அரசால் பெண்களுக்கு எதிரான குற்றங்களை தடுக்கசிங்கப் பெண்கள் சிறப்பு பாதுகாப்புபடை அமைக்கப்பட்டிருந்தாலும், பரந்து விரிந்த திருப்பூர் மாநகர பகுதிக்கு வெறும் 2 படைகள் (16 பெண் காவலர்கள்) மட்டுமே ஒதுக்கீடு செய்யப்பட்டுள்ளது.

திருப்பூர் மாநகரில் பின்னலாடை உற்பத்தி மட்டுமன்றி அதனைச் சார்ந்த நிறுவனங்கள், பல்லடத்தில் கோழிப் பண்ணைகள், அவிநாசி மற்றும் மங்களம் பகுதியில் விசைத்தறிகள், காங்கேயம் மற்றும் உடுமலைப்பேட்டையில் தேங்காய் எண்ணெய் ஆலைகள், கொப்பரை நிலையங்கள் ஆகியவற்றில் பணி புரிவதற்காக வெளி மாவட்டங்கள் மற்றும் பிற மாநிலங்களை சேர்ந்த பெண்கள் உட்பட லட்சக்கணக்கான தொழிலாளர்கள் தினமும் திருப்பூருக்கு வந்த வண்ணம் உள்ளனர்.

குறிப்பாக, மற்ற மாவட்டங்களை காட்டிலும் திருப்பூரில் தான் 80 சதவீதத்திற்கும் அதிகமான பெண்கள் வேலைக்கு செல்பவர்களாக இருக்கின்றனர். இவர்களில்பெரும்பாலானோர் சகதொழிலாளர்களுடன் விடுதிகளிலோ அல்லதுதங்களது நிறுவனங்களுக்கு அருகாமையிலோ வீடுகளை வாடகைக்குஎடுத்து தங்கி வருகின்றனர். சமீபகாலமாக, இவ்வாறு தங்கி பணிபுரி யும் வெளி மாநில மற்றும் வெளி மாவட்ட பெண் தொழிலாளர்கள் மற்றும் வேலை தேடி வரும் பெண்களை குறிவைத்து பாலியல் வன்கொடுமைகளும், அத்துமீறல்களும் அதிகரித்து வருவது பெரும் அதிர்ச்சியை ஏற்படுத்தி உள்ளது.

அண்மையில் வேலை தேடி திருப்பூர் வந்த கேரள மாநிலத்தை சேர்ந்த இளம் பெண்ணுக்கு வேலை வாங்கி தருவதாகக்கூறி பாலியல் தொல்லை அளிக்கப்பட்ட சம்பவமும், அதேபோல் குடும்பத் தகராறு காரணமாக கணவரை பிரிந்து வேலை தேடி திருப்பூர் வந்த பெங்களூருவைச் சேர்ந்த 19வயது பெண்ணை ஏமாற்றி பாலியல்பலாத்காரம், திருப்பூரின் நல்லாம்பாளையம் பகுதியில் தங்கியிருந்தஒடிசா மாநிலத்து இளம் பெண்ணிடம் சக மாநில வாலிபர் பாலியல் அத்துமீறலில் ஈடுபட்ட புகார் என அடுத்தடுத்து அரங்கேறி பெண்களின் பாதுகாப்பை கேள்விக் குறியாக்கியுள்ளன.

திருப்பூர் மாநகர விரிவாக்கத்திற்கு ஏற்ப போலீசார் இல்லாததும்,இரவு நேரங்களில் ரோந்து பணிகள்கணிசமாக குறைந்திருப்பதுமே இத்தகைய குற்றங்கள் அதிகரிக்கமுக்கிய காரணமாக கூறப்படுகிறது.சமீபத்தில் தமிழக அரசால் பெண்களுக்குஎதிரான குற்றங்களைதடுக்க சிங்கப்பெண்கள் சிறப்பு பாதுகாப்புபடை அமைக்கப்பட்டிருந்தாலும், பரந்து விரிந்த திருப்பூர் மாநகரபகுதிக்கு வெறும் 2 படைகள் (16 பெண் காவலர்கள்) மட்டுமே ஒதுக்கீடு செய்யப்பட்டுள்ளது. மாநகரில் 9 காவல் நிலையங்கள் உள்ள நிலையில், இந்த பற்றாக்குறையான காவலர்களை கொண்டு 24மணி நேர பாதுகாப்பை வழங்குவதுசாத்தியமில்லாமல் போயுள்ளது.தற்போது இப்படையினரின் ரோந்துபணியானது காலை 7.00 மணிமுதல் மதியம் 2.00 மணி வரையும்,மதியம் 2.00 மணி முதல் இரவு 12.00 மணி வரையும் மட்டுமே என வரையறுக்கப்பட்டுள்ளதாக கூறப்படுகிறது.

தொழில் மாநகரமான திருப்பூரில்வேலைப்பளு அதிகமாக இருக்கும் காலங்களில், பின்னலாடை நிறுவனங்களில் இரவு நேர பணி என்பது கட்டாயமாகிறது. பொதுவாக இரவு 10 மணிக்கு தொடங்கும் இந்த இரவு நேர பணிகள் நள்ளிரவு 12:30 மணி வரை நீடிப்பது வழக்கம். இத்தகைய நேரங்களில் தான் பெண் தொழிலாளர்கள் தங்களது பணிகளை முடித்துவிட்டு தனியாக வீடுகளுக்கு திரும்புகின் றனர். ஆனால், சிங்கப்பெண்கள் பாதுகாப்பு படையில் நிலவும் காவலர்கள் பற்றாக்குறை காரணமாக, மிக முக்கிய தேவையான நள்ளிரவு 12:00 மணி முதல் காலை 7:00 மணி வரை எவ்வித ரோந்து பணியும் இல்லாதது உழைக்கும் பெண்களுக்கு பெரும் ஏமாற்றத்தையும், அச்சத்தையும் அளித்துள்ளது.

குற்றங்கள் நடந்த பின்புகுற்றவாளிகளை கைது செய்வதைகாட்டிலும், அவை நடக்காமல் முன்கூட்டியே தடுக்க வேண்டும் என்பதைஎதிர்பார்ப்பாக உள்ளது. எனவே, உழைக்கும் பெண்களின் பாதுகாப்பை உறுதி செய்ய, நள்ளிரவு நேர ரோந்து பணிகளை தீவிரப்படுத்துவதோடு, கூடுதல் காவலர்களை நியமிக்க வேண்டும் என சமூக ஆர்வலர்கள் வலியுறுத்துகின்றனர்.