சென்னை, ஜூன் 19-–
கழக முன்னாள் பொருளாளர் - கழக உயர்நிலை செயல் திட்டக்குழு உறுப்பினர் ஆர்க்காடு நா.வீராசாமி அவர்களின் பேரனும், நாடாளுமன்ற உறுப்பினர் கலாநிதி வீராசாமியின் மகனுமான வி.கே.சித்தார்த் -– எஸ்.ஆஷ்ரயா காயத்ரி இணையரின் திருமண விழா நேற்று முன்தினம் சென்னையில் நடைபெற்றது. இந்த திருமணத்தை திமுக தலைவரும், முன்னாள் முதலமைச்சரு மான மு.க.ஸ்டாலின் அவர்கள் தலைமை தாங்கி நடத்தி வைத்தார். அதைத் தொடர்ந்து, மணமக்களை வாழ்த்தி தி.மு.க. துணைப் பொதுச் செயலாளரும், நாடாளுமன்ற கழகக்குழுத் தலைவருமான கனிமொழி கருணாநிதி உரையாற்றுகையில் ‘‘இன்றுபல அரசியல்வாதிகள் வாய் திறந்து பேசுவதில்லை; அவர்களிடம் எதற்கும் பதில் இல்லை’’ என்று விமர்சித்தார்.
விழாவில் கனிமொழி கருணாநிதி எம்.பி. அவர்கள் பேசியதாவது:–
நம்முடைய அன்பிற்கும், பாசத்திற்கும், மரியாதைக்குரிய ஆர்க்காடு வீராசாமி இல்ல திருமணத்தை நடத்தி வைத்திருக்கக்கூடிய நம்முடைய கழகத்தின் தலைவர் தமிழ் மக்களின் மனங்களில் எல்லாம் என்றென்றும் முதல்வராக வீற்றிருக்கக் கூடியவர். இந்த இல்ல திருமணத்தில் கலந்து கொள்வது என்பது நம் அத்தனை பேருக்கும் பெருமை தரக்கூடிய ஒன்று என எதிர்க்கட்சி தலைவர்
உதயநிதி ஸ்டாலின் குறிப்பிட்டார். தன்னுடைய வாழ்நாள் முழுவதும் கொண்ட தலைவனும் ,கொள்கையும் ஒன்றே என்று இருக்கக்கூடிய ஒரு குடும்பத் தின் திருமணத்திலே கலந்து கொள்வதிலே மட்டற்ற பெருமையும், மகிழ்ச்சியும் கொள்கிறோம்.
கலைஞரையும் ஆர்க்காட்டாரையும்
பிரிக்க முடியாது!
நமது தலைவர் கலைஞரும், அண்ணன் ஆற்காட்டார் அவர்களும் ஒருவர் இன்னொருவரை விட்டுவிட்டு பார்க்க முடியாது என்று சொல்லக்கூடிய அளவுக்கு காலை முதல் மாலை வரை ஒன்றாக இருக்கக்கூடியவர்கள். அதே நேரத்தில், கழகத்தில் இருக்கக்கூடிய கடைகோடி தொண்டன் வரை அவரை அணுகலாம், அவரோடு பேசலாம் எந்த உதவியாக இருந்தாலும் செய்ய முடியுமோ செய்ய முடிய
வில்லையோ நான் இருக்கிறேன் என்று அன்பான வார்த்தைகளால்
அரவணைக்கக்கூடிய ஒரு தலை
வராக விளங்கியவர் ஆர்காட்டார்.
என்றைக்கு பேசுவார்கள்?
அவருடைய வழியிலேயே இன்று கலாநிதி அவர்களும், அதே அரவணைக்கக் கூடிய தன்மையோடு, நம்முடைய இயக்கத்தை சார்ந்தவர்களாக இருக்கட்டும் அல்லது மாற்று இயக்கங்களை சார்ந்தவர்களாக இருக்கட்டும் அத்தனை பேரிடமும் அன்பை பெற்றிருக்க கூடிய ஒருவர் என்றால் அது
டாக்டர் கலாநிதி வீராசாமி.
இன்றைக்கு பல அரசியல்வாதிகள் வாய் திறந்து பேசுவது கிடையாது. இவர்கள் என்றைக்கு பேசுவார்களோ என்று காத்திருக்க வேண்டிய ஒரு நிலை இருக்கிறது. எதற்கும் பேசுறதும் இல்லை, பதிலும் இல்லை. அப்படி பேசினாலும் பேசாமலேயே இருந்திருக்கலாம் என நினைக்கும் அளவிற்கு இருக்கிறது.
எல்லா துறைகள் பற்றியும்
பேசக் கூடியவர் கலாநிதி!
ஆனால், அப்படிப்பட்ட அரசியல் தலைவர்களை பார்க்கக்கூடிய நேரத்தில், நம்முடைய கலாநிதி நாடாளுமன்றத்தில் ஒரு சப்ஜெக்ட் இருந்தும், யாரும் பேசுறதுக்கு முன்வரவில்லை என்றால் கடைசி நிமிஷமாக இருந்தாலும் கூட கொஞ்சம் பேசுறீங்களான்னுகேட்டால்? எதை பற்றியாக இருந்தாலும் இந்த உலகத்திலே எல்லா சப்ஜெக்ட்லையும் பேசக்கூடிய ஒரு வல்லுனராக இருக்கக்கூடிய பெருமை டாக்டர் கலாநிதிக்கு உண்டு.
எந்த தலைப்பாக இருந்தாலும், நம்முடைய கழகத்தின் கொள்கைகளை கருத்துக்களை அங்கே வலிமையாக பேசுவர். அதே நேரத்தில், யாரும் முகம் சுழிக்காத வகையிலே பேசக்கூடிய ஒருவர்தான் டாக்டர் கலாநிதி. கழகத்தின் பணிகளில் பற்றோடு இருக்கக்கூடிய ஒருவருடைய இல்லத் திருமணத்தை கலந்து கொள்வதில்எல்லோருமே பெருமை அடைகிறோம்.