புதுக்­கோட்டை, ஜூன் 19–

விரா­லி­ம­லை­யில் உள்ளஅரசு ஆண்­கள் மேல்­நி­லைப்­பள்ளிகாலை 9 மணி கடந்­தும் திறக்­கப்­ப­டா­த­தால் மாண­வர்­கள் வெளி­யில் காத்­தி­ருக்­கும் சூழல் ஏற்­பட்­டுள்­ளது. இத­னால் மாண­வர்­கள் அர­சுப்­பள்ளிபூட்டை உடைத்து உள்ளே நுழைந்த சம்­ப­வம் அப்­ப­கு­தி­யில் பெரும் பர­ப­ரப்பை ஏற்­ப­டுத்­தி­யுள்­ளது.

விரா­லி­ம­லை­யில் அரசுஆண்­கள் மேல்­நி­லைப்­பள்ளிஇயங்கி வரு­கி­றது. இந்த பள்­ளி­யில் சுமார் 900க்கும் மேற்­பட்ட மாண­வர்­கள் கல்வி பயின்று வரு­கின்­ற­னர். இந்த பள்­ளிக்கு காவ­லாளி தற்­போது நிய­மிக்­கப்­ப­ட­வில்லை. ஏற்­க­னவே இந்த பள்­ளி­யில் பணி­யாற்றி வந்த காவ­லாளி குறை­வான சம்­ப­ளம் கார­ண­மாக வேலையை விட்டு நின்­று­விட்­ட­தால், தற்­போது காவ­லாளி பணி­யி­டம் காலி­யாக உள்­ள­து­டன், தலைமை ஆசி­ரி­யரே பள்­ளியை பூட்டை திறக்­கும் அவ­ல­நிலை ஏற்­பட்­டுள்­ளது.

இந்­நி­லை­யில் நேற்று காலை 8 மணிக்கு வந்த மாண­வர்­கள் நீண்ட நேரம் பள்­ளி­யின் முன்பு காத்­தி­ருந்­த­னர். காலை 9 மணி கடந்­தும் பள்ளி திறக்­கப்­ப­டா­த­தால், பொறு­மை­யி­ழந்த மாண­வர்­கள்அர­சுப் பள்­ளி­யின் பூட்டை உடைத்­து உள்ளே நுழைந்­த­னர். பள்ளி மாண­வர்­கள் 40 நிமி­டம் மேலாக வாச­லில் காத்­தி­ருந்த சம்­ப­வம் பர­ப­ரப்பை ஏற்­ப­டுத்­தி­யது. தலைமை ஆசி­ரி­ய­ரின் இந்த அலட்­சிய போக்கை பெற்­றோர்­கள் கண்­டித்­துள்­ள­னர். மேலும் முறை­யாகமாவட்ட கல்வி நிர்­வா­கம் விசா­ரணை நடத்தி, தலைமை ஆசி­ரி­யர் மீது நட­வ­டிக்கை எடுக்க வேண்­டும் என்று பெற்­றோர்­கள் கோரிக்கை விடுத்­துள்­ள­னர்.