சென்னை, ஜூன் 19 –

தமிழகத்தில் புதிதாக பொறுப் பேற்ற தவெக ஆட்சியில் கோவை யில் பிரேக் பிடிக்காத அரசு பேருந்தை ஓட்ட சொல்லி அதிகாரி கள் நிர்பந்திப்ப தாக சுங்கம் -1 பணிமனை முன்பு தற்காலிக டிரை வர்கள் மற்றும் கண்டக் டர்கள் ஆர்ப்பாட்டம் செய்தனர். இதில் 50க்கும் மேற்பட்டவர்கள் கலந்து கொண்டு பழுதான அரசு பேருந்தை முறையாக பராமரிக்க வேண்டும், பணி நிரந்தரம் செய்யப் பட வேண்டும் என கோஷம் எழுப்பினர். பின்னர் தரையில் அமர்ந்து தர்ணா போராட்டத்தில் ஈடுபட்டனர்.

இது குறித்து தற்காலிக டிரைவர் கவுதமன் என்பவர் கூறியதாவது :-

இந்த பணிமனையில் தற்காலிக டிரைவர்கள் மற்றும் கண்டக்டர்கள் 50 பேர் உள்ளோம். கடந்த 3 ஆண்டுகளுக்கும் மேலாக பணியாற்றி வரும் எங்களை தமிழக அரசு பணி நிரந்தரம் செய்ய வேண்டும். நேற்று காந்திபுரம் டூ கரடிமடை செல்லும் தடம் எண் 35 என்ற பேருந்தை இயக்கி சென்றேன். அப்போது, மாதம்பட்டி அடுத்த குப்பனூர் செல்லும் வழியில் பேருந்து பிரேக் பெயிலியர் ஆனது. நான் உடனே உதவி பொறியாளர் ராமசாமி என்ப வரை செல்போனில் தொடர்புகொண்டு தகவல் கூறினேன்.

அதற்கு அவர் உனக்கு முன்பு ஓட்டிய டிரைவர் அதே பேருந்தை தானே ஓட்டி சென்றார். அவர் ஏதும் பழுது குறித்து கூறவில்லை. நீ முன் கூட்டியே டிரைவரிடம் கேட்க மாட்டாயா? என அலட் சியமாக பதில் கூறினார். ஒருகட்டத்தில் நீயெல்லாம் தற்காலிக பேருந்து ஓட்டுநர் தானே, எழுதி கொடுத்துவிட்டு வேலையை விட்டு போய்விடு என ஏளனமாக பேசினார்.

இதேபோல், பணி மனையில் பேருந்து களை பழுதுபார்க்க மெக்கா னிக்கும் போதுமான அளவில் இல்லை. அதிகாரிகளின் அலட்சி யத்தால் பயணிகளுக்கும், சொற்ப சம்பளத்தில் வேலை பார்க்கும் எங்க ளுக்கும் உரிய பாது காப்பில்லை. எனவே, இந்தசம்பவம் தொடர் பாக உரிய விசாரணை நடத்த வேண்டும் என்று அவர் கூறினார்.