தேனி , ஜூன் 19–
த.வெ.க. கட்சியின் கம்பம் சட்டமன்ற உறுப்பினர் ஜெகநாத் மிஸ்ரா முல்லைப் பெரியாறு அணையின் நீர்மட்டம் 152 அடி தேவையில்லை 132 அடியே போதும் என்ற சர்ச்சை பேச்சால் விவசாயிகள் கடும் கண்டனம் தெரி வித்துள்ளனர்.
தமிழக கேரளா எல்லையில் அமைந்துள்ள முல்லைப் பெரியாறு அணை 152 அடி உயரம் கொண்டதாகும், இந்த அணையை நம்பி. தேனி, திண்டுக்கல், மதுரை, சிவகங்கை, ராமநாதபுரம் உள்ளிட்ட 5 மாவட்ட விவசாயிகளின் வாழ்வாதாரம் மற்றும் குடி நீர் ஆதாரமாகவும் விளங்குகிறது.
இந்நிலையில் கடந்த2011 ம் ஆண்டு முல்லைப் பெரியாறு அணையின் நீர்மட்டத்தை உயர்த்தக் கோரி தேனி மாவட்டம் மட்டுமின்றி மதுரை, திண்டுக்கல் உள்ளிட்ட பல்வேறு மாவட்டங்களில் இருந்து விவசாயிகள் மற்றும் பொதுமக்கள் ஒரு மாதமாக பல்வேறு போராட்டங்களை நடத்தினர்.
இதனைத் தொடர்ந்து கடந்த 2014ல் உச்ச நீதிமன்றம் ஒரு தீர்ப்பு வழங்கியது. அதில் முல்லைப் பெரியாறு பலமாக உள்ளது. அதில் 142 அடி வரை நீர் தேக்கிக் கொள்ளலாம் என்று தீர்ப்பு வழங்கிஉள்ளது.
இந்நிலையில் தேனி மாவட்டம் கம்பம்
த.வெ.க. சட்டமன்ற உறுப்பினர் ஜெகநாத் மிஸ்ராநேற்று முன்தினம் கேரளா தனியார் தொலைக்காட்சி ஒன்றுக்கு தமிழக உரிமைகள் பறிபோகும் அளவிற்கு முல்லைப் பெரியாறு அணையின் நீர்மட்டம் 152 தேவையில்லை. 132 அடி போதும் என்று இது கம்பம் மற்றும் தேனி மாவட்ட விவசாயிகள் இடையே கடும் கோபத்தையும், கடும் கண்டனத்தையும் தெரிவித்து உள்ளது.
இது குறித்து முல்லைப் பெரியாறு அணை பாதுகாப்பு விவசாய சங்க முதன்மை தலைவர் சலேத் கூறியபோது.
முல்லைப் பெரியாறு அணை பற்றி பேச யாருக்கும் உரிமை கிடையாது, முல்லைப் பெரியாறு அணை நீர்மட்டத்தை 142 அடி உயரம் உயர்த்தி கொள்ளலாம் என்று கடந்த 2014 தீர்ப்பு வழங்கியது உள்ளது. மேலும் பேபி அணையை பலப்படுத்தி பின் 152 அடி உயர்த்த வேண்டும் என்று இன்றும் விவசாயிகள் கூறிவரும் நிலையில் கம்பம் சட்டமன்ற உறுப்பினர் ஜெகநாதன் மிஸ்ரா 152 அடி உயரம் தேவையில்லை 132 அடியே போதும்எங்களுக்கு என்று கேரளா தனியார் தொலைக்காட்சிக்குஏற்ப பேசியது. அந்த சர்ச்சைபேச்சு மிகவும் தவறானது கடும்கண்டனத்திற்கு உரியது என்றும் மேலும் விவசாயிகளுடன் ஆலோசித்து இது பற்றி அவர்களிடம் கேட்கப்படும் என கூறினார்.