#Title

‘வாயைத் திறங்க CM’ – பேட்ஜ் அணிந்து முழக்கம்! சட்டப்பேரவை வளாகத்தில் பதாகைகளை ஏந்தி கண்டனம்!

சென்னை, ஜூன் 20–

தமிழ்நாடு சட்டப்பேரவையின் கூட்டம் நேற்று தொடங்கியது. முன்னதாக, தமிழ்நாட்டில் சட்டம் ஒழுங்கு த.வெ.க. ஆட்சியில் சீர்கெட்டுள்ளது. குழந்தைகள், மகளிருக்கு எதிரான பாலியல் வன்முறை அதிகரித்துள்ளது என்பதை வெளிப்படுத்தும் விதமாக சட்டமன்ற கழக உறுப்பினர்கள் கருப்பு பதாகைகளை ஏந்தி கண்டன முழக்கங்களை சட்டமன்ற வளாகத்தின் வெளியேஎழுப்பினர்.

எதிர்க்கட்சித் தலைவர் உதயநிதி ஸ்டாலின் அவர்கள்தலைமையில் கழக உறுப்பினர்கள் ‘வாயைத் திறங்க CM’ என்று குறிப்பிட்டிருந்த கருப்பு பேட்ஜை அணிந்து கொண்டிருந்ததோடு, கருப்புப் பதாகைகளையும் ஏந்தி கீழ்க்கண்ட கண்டன முழக்கங்களை எழுப்பினர்.

• வாயைத் திறங்க CM

• கதறல் கேட்குதா CM?

• சிறு பெண்கள் இங்கே! சிங்கப் பெண்கள் எங்கே?

• ரீல்ஸ் இங்கே.. ரியல் எங்கே?

• மாஸ்டர் வாயில் பிளாஸ்டர்..

• திரையில் நாயகன்.. தரையில் வில்லன்

• திரையில் HERO தரையில் ZERO

• தற்குறி ஆட்சி தமிழ்நாடே சாட்சி

• தூய சக்தி அல்லதுயர சக்தி

என்பன உள்ளிட்ட வாசகங்கள் அடங்கிய பதாகைகளை ஏந்தி தி.மு.க. உறுப்பினர்கள் போராட்டம் நடத்தினர்.

இதையடுத்து நடைபெற்ற சட்டமன்றக் கூட்டத்தில், ஆளுநர் உரை நிகழ்த்துவதற்கு முன்னதாக தமிழ்த்தாய் வாழ்த்தும், அதையடுத்து தேசிய கீதமும்இசைக்கப்பட்டது.

அதைத் தொடர்ந்து, ஆளுநர் அர்லேகர் ஆங்கிலத்தில் உரை நிகழ்த்தினார். அதன் தமிழாக்கத்தை பேரவைத் தலைவர் ஜெ.சி.டி. பிரபாகரன் வாசித்தார். அதன் பிறகு மீண்டும் இரண்டாம் முறையாக தேசிய கீதம் இசைக்கப்பட்டது.

சட்டமன்ற மரபை மீறி தொடக்கத்தில் தேசிய கீதம் இசைக்கப்பட்டதற்கு பல்வேறு தரப்பினரும் கண்டனம் தெரிவித்துள்ளனர்.