புதுடெல்லி, ஜூன் 20 –
குடிமைப்பணிகளுக்கான தேர்வில், பொருளாதாரத்தில் நலிந்த பிரிவி னர்களுக்கான 10 சதவிகித இட ஒதுக்கீட்டை பயன்படுத்தி மோசடி நடந்துள்ளது பல்வேறு தரப்பினரையும் அதிர்ச்சியில் ஆழ்த்தியுள்ளது. இந்த மோசடி தொடர்பாக விசாரணை நடத்தப்பட வேண்டும் என்று பல்வேறு தரப்பினரும் வலியுறுத்தி யுள்ளனர்.
குடிமைப்பணிகளுக்கான தேர்தல் மோசடி நடந்துள்ளதாக புகார் எழுந்த நிலையில் ஆங்கில பத்திரிகை ஒன்று அது குறித்து செய்தி ஒன்று வெளியிட்டுள்ளது. அந்த செய்தியில், குடிமைப் பணிகளுக்கான தேர்வில், பொருளாதாரத்தில் நலிந்த பிரிவினர்க ளுக்கான 10 சதவிகித இட ஒதுக்கீட்டை பயன்படுத்தி மோசடி நடந்துள்ளது விசாரணை யில் அம்பலமாகி உள்ளதாக கூறப்பட்டுள்ளது.
கடந்த 2025 ஆம் ஆண்டு 10 சதவிகித பொருளாதாரத்தில் பின்னடைந்த வர்கள் இட ஒதுக்கீடு வழியாக 104 பேர் வெற்றி பெற்றுள்ளனர். அதாவது அதிக பட்சமாக 8 லட்சம் ரூபாய் வருவாய் உச்ச வரம்பு உள்ளவர்கள் இந்த EWS இட ஒதுக்கீடு மூலம் விண்ணப் பிக்க முடியும்.
ஆனால் பிரபலமான சிவில் சர்வீஸ் தேர்வு மையங்களில் படித்தவர்கள், பன்னாட்டு நிறுவனங்களின் வேலை செய்வோர், தனியார் பள்ளி நடத்துவோர், வணிகத்தில் கோடிக் கணக்கில் வருவாய் ஈட்டுவோர் என்று பலரின் வாரிசுகள் இந்த EWS இட ஒதுக்கீட்டை பயன்படுத்தி சிவில் சர்வீஸ் தேர்வில் இடம்பிடித்துள்ளது விசாரணையில் தெரிய வந்துள்ளது.
104 பேரில் 84 பேர் டெல்லியில் உள்ள பிரபலமான சிவில் சர்வீஸ் பயிற்சி நிறுவனங்களில் ஆண்டுக்கு 2 லட்சத்து 65 ஆயிரம் ரூபாய் வரை பணம் கட்டி படித்தவர்கள் ஆவர்.
46 மாணவர்கள் பிரபல தனியார் பள்ளிகளில் படித்தவர்கள் ஆவர். 28 மாணவர்களின் பெற்றோர் வணிகர்கள், 10 பேரின் பெற் றோர் பன்னாட்டு நிறுவனங்களில் வேலை செய்கிறார்கள் என்றும் EWS இட ஒதுக்கீட்டை பயன்படுத்தி உத்தரபிரதேசத்திலிருந்து 25 பேரும், பீகாரில் இருந்து 17 பேரும், மத்திய பிரதேசத்தில் இருந்து 14 பேரும் இடம் பிடித்துள்ளனர். அரியானா, ராஜஸ்தான், குஜராத், உத்தரகாண்ட், உத்தரகாண்ட், கர்நாடகா, கேரளா ஆகிய மாநிலங்களிலும் மோசடி நடந்தேறியுள்ளது.
2019 ஆம் ஆண்டு EWS இட ஒதுக்கீடு குடிமை பணி தேர்விலும் பா.ஜ.க. அரசு கொண்டு வந்தது. இதனை முறைகேடாகப் பயன்படுத்தி பலர் குடிமை பணி தேர்வில் இடம் பெற்றிருப்பது ஆங்கிலப் பத்திரிகை நடத்திய விசாரணையில் அம்பலமாகி உள்ளது.