#Title

ஆளுநர் உரையில் மாற்றுத்திறனாளிகள் உரிமைகள் பாதுகாக்கப்படும் என பெயரளவு அறிக்கை! தமிழ்நாடு மாற்றுத் திறனாளிகள் முன்னேற்ற சங்க மாநிலத் தலைவர் ரெ. தங்கம் கண்டனம்! முதல்வரிடம் மனு கொடுக்காமல் செல்ல மாட்டேன்! ஆர்ப்பாட்டத்தில் ஈடுபட்ட பெண் – சட்டப்பேரவை வளாகத்தில் பரபரப்பு!

சென்னை, ஜூன் 20 –

சட்டப்பேரவை ஆளுநர் அறிக்கையில் மாற்றுத்திறனாளிகள் உரிமைகள் பாதுகாக்கப்படும் என பேயரளவில் அறிவித்த அரசுக்கு தி.மு.க. மாற்றுத்திறனாளிகள் அணி மாநில தலைவரும், தமிழ்நாடு மாற்றுத்திறனாளிகள் முன்னேற்ற சங்க மாநில தலைவர் ரெ. தங்கம் கண்டனம் தெரிவித்து அறிக்கை விடுத்துள்ளார்.

அவரது அறிக்கை வருமாறு,

புதிய அரசு பொறுப்பேற்றவுடன், தமிழ்நாடு முதலமைச்சர் ச. ஜோசப் விஜய் அவர்கள் கட்டுப்பாட்டின் கீழ் மாற்றுத்திறனாளிகள் நலத் துறை உள்ள நிலையில், தலைமை செயலகத்திற்கு தினந்தோறும் ஆயிரக்கணக்கான மாற்றுத்திறனாளிகள் தங்களது கோரிக்கைகளை நிறைவேற்ற கோரி, துறை சார்ந்த அமைச்சரிடமும், துறை சார்ந்த அதிகாரிகளிடமும் மனு அளிக்க கோட்டைக்கு தினந்தோ றும் வரும் மாற்றுத்திறனாளிகளை

காவல்துறை துணை கொண்டு அவர்களை தலைமைச் செயலகத்திற்குள் நுழைய விடாமல் தடுத்து நிறுத்தி துன்புறுத்தி

வெளியே துரத்தும் இந்த அரசு,

“மாற்றுத்திறனாளிகளின் உரிமையை” எப்படி பாதுகாக்கும், இதற்கு சட்டமன்ற ஆளுநர் உரையில் ஒரு அறிக்கையா? என்பதை நினைத்து லட்சக்கணக்கான மாற்றுத் திறனாளிகள் வேதனையில் உள்ளனர்!

எனவே, முன்னாள் முதலமைச்சர் மு.க.ஸ்டாலின் அவர்கள் ஆட்சியில் எப்படி, மாற்றுத்திறனாளிகள் நிபந்தனை இன்றியும், காவல்துறை தொந்தரவு இன்றியும், எளிய முறையில் கோட்டைக்குச் சென்று துறை சார்ந்த அமைச்சர்களிடமும், துறை சார்ந்த அதிகாரியிடமும் அணுகி தங்களுடைய கோரிக்கை மனுக்களை அளித்தார்கள், அதற்கு அதிகாரிகளும் தீர்வும் கண்டு நிறைவேற்றினார்கள்.

அதேபோல முதலமைச்சர் ச.ஜோசப் விஜய் அவர்கள், மாற்றுத்திறனாளிகள் சமூகம் எவ்வித கட்டுப்பாடும் இன்றியும், நிபந்தனை இன்றியும், சிரமமின்றி கோட்டைக்கு உள்ளே சென்று துறை சார்ந்த அமைச்சர்களிடமும், துறை சார்ந்த அதிகாரிகளிடமும் நேரில் சந்தித்து தங்களின் மனு அளிக்க உரிய நடவடிக்கை எடுக்க வேண்டுகிறேன்.

மேலும், நகர்புற வாழ்விட மேம்பாட்டு வாரியத்தின் மூலம் மாற்றுத்திறனாளிகளுக்கு ஒதுக்கப்படும் குடியிருப்புகளை முற்றிலும் இலவசமாக வழங்கிட வேண்டும், தாங்கள் தேர்தல் அறிக்கையில் அறிவித்த மாதாந்திர உதவித் தொகைரூ.2500/– வழங்க வேண்டும். 10 ஆண்டுகளுக்கு ஒரு முறை வழங்கப்படும் இணைப்புசக்கர வண்டியினை 6 ஆண்டுகளுக்கு ஒரு முறையாக இணைப்பு சக்கர வண்டி வழங்கப்பட வேண்டும்.

மாற்றுத்திறனாளிகளின் மகள் /மகன் ஆகியோருக்கு உள் இட ஒதுக்கீட்டின் அடிப்படையில் மருத்துவ படிப்பு, பொறியாளர் படிப்பு மற்றும் கலை கல்லூரிகளில்இட ஒதுக்கீடு வழங்க வேண்டும், சாலையோரங்களில் பெட்டிக்கடை (பங்க்) வைப்பதற்கு அனுமதி உள்ளிட்ட பல்வேறு கோரிக்கைகளை இந்த அரசு உடனடியாக நிறைவேற்ற வேண்டும்,

வயது தளர்வு காரணமாக 43, 44 வயதுகளில் அரசுப் பணியில் சேரும் மாற்றுத் திறனாளிகளுக்கு அவர்களின் ஓய்வு பெரும் வயதை 65ஆக உயர்த்தி அரசாணை வெளியிட வேண்டும் உள்ளிட்ட மேற்படி கோரிக்கைகளை நிறைவேற்றுமாறு கேட்டுக்கொள்கிறேன்.

இவ்வாறு கழக மாற்றுத் திறனாளிகள் அணியின் மாநில தலைவரும், தமிழ்நாடு மாற்றுத்திறனாளிகள் முன்னேற்ற சங்கத்தின் மாநில தலைவர் ரெ.தங்கம் தெரிவித்துள்ளார் .

சென்னை, ஜூன் 20 –

ஆளுநர் உரையுடன் நேற்று சட்டப்பேரவை தொடங்கிய நிலையில், சட்டப்பேரவை வளாகத்திற்கு வந்த பெண் ஒருவர், முதல்வரை நேரில் பார்த்து மனு கொடுக்காமல் செல்லமாட்டேன் என தெரிவித்து சட்டப்பேரவை வளாகத்தில் அமர்ந்து தர்ணாவில் ஈடுபட்டார். அப்போது காவல்துறையினர் இங்கு அமரக்கூடாது, முதல்வர் தனிப்பிரிவில் சென்று காத்திருங்கள் என தெரிவித்தனர்.

ஆனால், அவர் இங்கு வருவதற்கு எனக்கு உரிமை உள்ளது; நான் ஒரு ஓரமாக நிற்கிறேன்; முதல்வரை பார்க்காமல் செல்லமாட்டேன் என காவல்துறையினரிடம் வாக்குவாதத்தில் ஈடுபட்டதால் அங்கு சற்று நேரம் பரபரப்பு ஏற்பட்டது. பின்னர் காவல்துறையினரின் பேச்சுவார்த்தைக்கு பிறகு முதல்வரின் தனிப்பிரிவிற்கு சென்றார்.

அப்போது அவர் செய்தியாளர்களிடம் கூறிய தாவது;

எனது மகன் சீனாவில் மருத்துவம் படித்து திரும்ப இந்தியா வந்த பிறகு, 2023ம் ஆண்டு மீண்டும் சீனாவில் பயிற்சி மேற்கொள்ளும் வாய்ப்பு கிடைத்தது. அங்கு சென்ற எனது மகனை காவல்துறையினர் தவறுதலாக கைது செய்துவிட்டனர். அவரை மீட்டுக் கொண்டுவர டெல்லி சென்று ஒன்றிய அமைச்சர் ராஜ்நாத் சிங்கை சந்தித்து மனு அளித்தும் நடவடிக்கை எடுக்கப்படவில்லை. அதனால், தற்போது முதல்வரை நேரில் சந்தித்து அவரிடமே எனது மனுவை கொடுக்க வந்துள்ளேன் என கூறினார்.