தென்காசி, ஜூன் 20 –
தென்காசி மாவட்டம் பாவூர்சத்திரம் மற்றும் இலஞ்சி ரயில்வே மேம்பாலப்பணிகளைபோர்க்கால அடிப்படையில் விரைந்து முடிக்கவேண்டும். விபத்துகளின் எண்ணிக்கை அதிகரித்து வருகிறது என தென்காசி சட்டமன்ற உறுப்பி னர் மரு.கலை கதிரவன் தென்காசி மாவட்ட ஆட்சியர் ரஞ்சித் சிங்கிடம் நேரில் சந்தித்து வலியுறுத்தி கோரிக்கை மனு கொடுத்துள்ளார்.
இது குறித்து அவர் அளித்துள்ள கோரிக்கை மனுவில் கூறியிருப்ப
தாவது.
தென்காசி மாவட்ட மக்களின் நீண்டகால எதிர்பார்ப்பாக உள்ள பாவூர்சத்திரம் மற்றும் இலஞ்சி ரயில்வே மேம்பாலப் பணிகள் இதுவரை முழுமையாக நிறைவு பெறாமல் பொதுமக்களுக்கு மிகவும் அசவுகரியமாக உள்ளது.
மக்கள் கடுமையாகப்
பாதிக்கப்படுகின்றனர்!
இந்த இரண்டு மேம்பாலத் திட்டங்களிலும் நெடுஞ்சாலைத் துறை சார்பிலான பெரும்பாலான பணிகள் ஏற்கனவே நிறைவு பெற்ற நிலையில் ரயில்வே தண்டவாளத்தின் மேற்பகுதியில் அமைக்கப்பட வேண்டிய பாலப் பகுதியின் இணைப்பு பணிகளுக்கான அனுமதியை ரயில்வே நிர்வாகம் வழங்குவதில் ஏற்பட்டு வரும் தாமதமே,இத்திட்டங்கள் நிறைவு பெறாமல் இருப்பதற்கான முக்கிய காரணமாக உள்ளது.
இதனால் பொதுமக்கள் தினந்தோறும் பெரும் இன்னல்களை சந்தித்து வருகின்றனர். குறிப்பாக, பள்ளி, கல்லூரி மாணவர்கள், அலு வலக ஊழியர்கள், வணிகர்கள், விவசாயிகள், அவசர மருத்துவ உதவி தேவைப்படுவோர் உள்ளிட்ட அனைவரும் கடுமையாகப் பாதிக்கப்படுகின்றனர்.விபத்து களின் எண்ணிக்கையும் அதிகரித்து வருகிறது.
எனவே இவ்விவகாரத்தில் மாவட்ட நிர்வாகம் சிறப்பு கவனம் செலுத்தி, தெற்கு ரயில்வே நிர்வா கத்துடன் உடனடி ஒருங்கிணைப்பு மேற்கொண்டு, ரயில்வே தண்டவாளத்தின் மேற்பகுதி இணைப்புக்கான வரைபட ஒப்புதலை விரைந்து பெற்று பாவூர்சத்திரம் மற்றும் இலஞ்சி ரயில்வே மேம்பாலப் பணிகளை போர்க்கால அடிப்படையில் விரைந்து முடித்து பொதுமக்கள் பயன்பாட்டிற்கு கொண்டுவருவதற்கு தேவையான அனைத்து நடவடிக்கைகளையும் மேற்கொள்ளுமாறு கேட்டுக்கொள்கிறேன்.
இவ்வாறு அந்த மனுவில் கூறியுள்ளார்.
மாவட்ட ஆட்சியர்
சந்திப்பின்போது தென்காசி மாவட்ட ரயில் பயணிகள் சங்க தலைவரும்,தென்காசி மாவட்ட சாலை பாதுகாப்பு குழு உறுப்பினருமான பாண்டியராஜா, தென்காசி தெற்கு மாவட்ட தி.மு.க.வர்த்தகர் அணி அமைப்பாளர்
முத்துக்குமார், சாய்ராஜன் ஆகியோர் உடன் இருந்தனர்.