#Title

தடை செய்யப்பட்ட குட்கா – த.வெ.க. ஆட்சியில் மீண்டும் தலைதூக்குகிறதா? திருவள்ளூர் மாவட்டம் – கடம்பத்தூரில் 15 கிலோ குட்கா பறிமுதல் – ஒருவர் கைது; “போதைப் பொருள் தடுப்பில் அரசு தோல்வியடைந்ததா?” என பொதுமக்கள் கேள்வி நாடாளுமன்ற மக்களவை எதிர்க்கட்சித் தலைவர் ராகுல் காந்தி பிறந்தநாள்! வலைதளத்தில் – கழகத் தலைவர் மு.க.ஸ்டாலின் வாழ்த்து!

திருவள்ளூர், ஜூன் 20–

தமிழகத்தில் தடை செய்யப்பட்ட குட்கா மற்றும் புகையிலைப் பொருட்களின் விற்பனையை முற்றிலும் கட்டுப்படுத்த அரசு நடவடிக்கை எடுத்து வருவதாகக் கூறப்படும் நிலையில், திருவள்ளூர் மாவட்டம் கடம்பத்தூரில் 15 கிலோ குட்கா பறிமுதல் செய்யப்பட்டு ஒருவர் கைது செய்யப்பட்ட சம்பவம் மீண்டும் பரபரப்பை ஏற்படுத்தியுள்ளது.

திருவள்ளூர் மாவட்டம் கடம்பத்தூர் காவல் நிலைய எல்லைக்குட்பட்ட பகுதிகளில் உணவு பாதுகாப்புத் துறையினரும் காவல்துறையினரும் இணைந்து சோதனையில் ஈடுபட்டனர். பிள்ளையார் கோயில் தெரு, எம்.ஜி.ஆர். நகர், புதுமாவிலங்கை உள்ளிட்ட பகுதிகளில் நடைபெற்ற ஆய்வின்போது, புதுமாவிலங்கை பகுதியில் சுரேஷ் என்பவர் நடத்தி வந்த மளிகைக் கடையில் பள்ளி மாணவர்கள் மற்றும் பொதுமக்களுக்கு விற்பனை செய்வதற்காக பதுக்கி வைக்கப்பட்டிருந்த சுமார் 15 கிலோ குட்கா பொருட்கள் பறிமுதல் செய்யப்பட்டன.

இதையடுத்து, தமிழக அரசால் தடை செய்யப்பட்ட புகையிலைப் பொருட்களை விற்பனை செய்ததாக சுரேஷ் மீது வழக்குப்பதிவு செய்யப்பட்டு, நீதிமன்றத்தில் ஆஜர்படுத்தப்பட்ட பின்னர் சிறையில் அடைக்கப்பட்டார்.

இந்தச் சம்பவம் குறித்து பொதுமக்கள் மற்றும் சமூக ஆர்வலர்கள் கடுமையான விமர்சனங்களை முன்வைத்துள்ளன. த.வெ.க. ஆட்சியில் குட்கா, கஞ்சா உள்ளிட்ட தடை செய்யப்பட்ட போதைப் பொருட்கள் தொடர்பான பறிமுதல் சம்பவங்கள் தொடர்ந்து வெளியாகி வருவது, தடுப்பு நடவடிக்கைகள் போதுமான அளவில் செயல்படுகிறதா என்ற கேள்வியை எழுப்புவதாக அவர்கள் தெரிவித்துள்ளனர்.

பள்ளி மற்றும் கல்லூரி மாணவர்களை இலக்காகக் கொண்டு தடை செய்யப்பட்ட புகையிலைப் பொருட்கள் விற்பனை செய்யப்படுவதாக தொடர்ந்து தகவல்கள் வெளியாகுவது பெற்றோர்களிடையே கடும் அச்சத்தை ஏற்படுத்தியுள்ளதாக சமூக ஆர்வலர்களும் கவலை தெரிவிக்கின்றனர்.

சட்டவிரோத குட்கா விற்பனைக்கு பின்னால் செயல்படும் வலையமைப்புகளை முழுமையாக கண்டறிந்து, விநியோகச் சங்கிலியை முறியடிக்கும் வகையில் அரசு தீவிர நடவடிக்கை எடுக்க வேண்டும் என்றும், கண்காணிப்பு மற்றும் அமலாக்க நடவடிக்கைகளை மேலும் வலுப்படுத்த வேண்டும் என்றும் பல்வேறு தரப்பினர் வலியுறுத்தியுள்ளனர்.

---சென்னை, ஜூன் 20–

நாடாளுமன்ற மக்களவை எதிர்க் கட்சித் தலைவர் ராகுல் காந்தி அவர் களுக்கு நேற்று பிறந்த நாளாகும்.

இந்நாளில் ராகுல் காந்தி அவர்களுக்கு வாழ்த்துத் தெரிவித்து கழகத் தலைவர் மு.க.ஸ்டாலின் அவர்கள் வலைதளத்தில் பதிவிட்டார்.

அப்பதிவில் கழகத் தலைவர் அவர்கள், ‘‘தாங்கள் (ராகுல் காந்தி) நல்ல உடல் நலத்தோடும் மகிழ்ச்சியோடும் திகழ விழைகிறேன்’’ என்று வாழ்த்துத் தெரிவித்துள்ளார்.

கழகத் தலைவர் அவர்களின் அந்த சமூக வலைதளப் பதிவு வருமாறு :–

மக்களவை எதிர்க்கட்சித் தலை வர் ராகுல் காந்தி அவர்களுக்குப் பிறந்தநாள் வாழ்த்துகள்.

தாங்கள் நல்ல உடல்நலத்தோடும் மகிழ்ச்சியோடும் திகழ விழை கிறேன்.

இவ்வாறு அவ்வாழ்த்துச் செய்தி யில் கழகத் தலைவர் அவர்கள் குறிப்பிட்டுள்ளார்.