கோவை,ஜூன்.20–

கோவை­யில் நீட் தேர்வு பயம் மற்­றும் பயிற்சி மையக் கட்­டண சுமை கார­ண­மாக 19 வயது மாணவி அனு­கீர்த்­தனா தற்­கொலை செய்து கொண்ட சம்­ப­வம் பெரும் அதிர்ச்­சியை ஏற்­ப­டுத்­தி­யுள்­ளது. இது ஒன்­றிய பாஜக அரசு நடத்­தும் தொடர் கொலை என்று தி.மு.க. மாண­வர் அணி கார­சா­ர­மாக குற்­றம் சாட்­டி­யுள்­ளது. ஜூன் 23 அன்று ஒன்­றிய பாஜக அர­சுக்கு எதி­ராக தி.மு.க. மாண­வர் அணி சார்­பில் மாபெ­ரும் கண்­டன போராட்­டம் நடை­பெ­ற­வுள்­ளது.

செய்­தி­யா­ளர்­க­ளி­டம் கழக மாண­வர் அணி செய­லா­ளர் ஈரோடு ஜெ.வீர­மணி கூறி­ய­தா­வது :-

நீட் தேர்வை ரத்து செய்­யக் கோரி சட்­ட­மன்­றத்­தில் இரண்டு முறை மசோதா நிறை­வேற்­றப்­பட்டு, ஒன்­றிய அர­சுக்கு அழுத்­தம் கொடுக்­கப்­பட்­டது. ஆனால், அதற்கு செவி­சாய்க்­காத ஒன்­றிய பாசிச பாஜக அரசு, தொடர்ந்து நீட் தேர்வை திணித்து வரு­கி­றது. இதன் விளை­வாக, இன்று கோவை­யில், 19 வய­தான அனு­கீர்த்­தனா என்ற மாணவி பலி­யா­கி­யுள்­ளார். இது ஒன்­றிய பாசிச பாஜக அரசு தொடர் கொலை அப்­ப­டின்னு தான் சொல்­ல­ணும், ஏன்னா நம்ம அரி­ய­லூர் அனிதா மர­ணத்­தின் போதே, எங்­க­ளது கழக இளை­ஞர் அணி செய­லா­ளர், தமிழ்­நாட்­டில் எதிர்க்­கட்­சித் தலை­வர் உத­ய­நிதி ஸ்டாலின் அவர்­கள் உண்ணா நோன்பு இருந்து கடு­மை­யான போராட்­டங்­களை முன்­னெ­டுத்­தார். ஆனால், இந்த பாசிச பாஜக அரசு எதற்­கும் செவி­சாய்க்­கா­மல் தொடர்ந்து மாண­வர்­க­ளின் உயி­ரோடு விளை­யாடி வரு­கி­றது.

கோச்­சிங் சென்­டர் வியா­பா­ரம் :- தர­மான கல்வி, தர­மான மருத்­து­வர்­கள் என்று கூறிக்­கொண்டு கொண்­டு­வ­ரப்­பட்ட நீட் தேர்­வில், பூஜ்­ஜி­யம் மற்­றும் மைனஸ் மதிப்­பெண் எடுத்­த­வர்­கள் கூட மருத்­து­வ­ரா­க­லாம் என்ற அவல நிலை உள்­ளது. அப்­ப­டி­யென்­றால், இந்த நீட் தேர்வு தர­மான மருத்­து­வர்­களை உரு­வாக்­கவா? அல்­லது கோச்­சிங் சென்­டர்­களை நடத்­து­ப­வர்­க­ளின் கல்­லாவை நிரப்­பவா? தற்­கொலை செய்­து­கொண்ட அந்த மாணவி தன்­னு­டைய தந்­தைக்கு கோச்­சிங் சென்­ட­ரில் 10 லட்­சம் ரூபாய் வரை செல­வா­கி­விட்­டதே என்று கதறி அழுது, மன உளைச்­ச­லுக்கு ஆளா­கித்­தான் இந்த விப­ரீத முடிவை எடுத்­துள்­ளார். இது வேண்­டாம் இதை மாண­வர்­கள் தவித்து விட வேண்­டும்.

உல­கத்­த­ரம் வாய்ந்த தமி­ழக மருத்­து­வம் :- ஏற்­க­னவே செமொ­ழிக் காவ­லர், முத்­த­மி­ழ­றி­ஞர் கலை­ஞர் அவர்­கள் கொண்டு வந்த சமச்­சீர் கல்வி முறை மிகத் தர­மா­ன­தாக உள்­ளது. உல­கமே போற்­றும் வகை­யில் உறுப்பு மாற்று அறுவை சிகிச்சை உள்­ளிட்ட பல்­வேறு உல­கத்­த­ரம் வாய்ந்த மருத்­துவ சிகிச்­சை­க­ளுக்கு வெளி­நாட்ட ­வர் தேடி வரு­வது தமிழ்­நாட்­டிற்கு தான். இத்­த­கைய சூழ­லில், நீட் என்ற ஒரு போலி­யான முக­மூ­டியை அணிந்து கொண்டு, வினாத்­தாள் விற்­பனை செய்­வது, கோச்­சிங் சென்­டர்­க­ளுக்கு ஆள் சேர்ப்­பது என ஒரு கார்ப்­ப­ரேட் பிசி­னஸ் மைண்­டோடு ஒன்­றிய பா.ஜ.க. அரசு செயல்­பட்டு வரு­கி­றது. ஆரிய கூட்­டம் நம்மை 2,000 ஆண்­டு­கள் அடி­மைப்­ப­டுத்தி வைத்­தி­ருந்­ததை போல, மீண்­டும், மீண்­டும் நீட் என்ற பெய­ரில் நம் பிள்­ளை­களை காவு வாங்­கக்­கூ­டிய இந்த நீட்டை ரத்து செய்ய வேண்­டும்.

ஏற்­க­னவே சிபி­எஸ்இ 9-ஆம் வகுப்­பில் மும்­மொ­ழிக் கொள்­கையை திணிப்­ப­தற்கு எதி­ராக வரும் ஜூன் 23-ஆம் தேதி தி.மு.க. மாண­வர் அணி சார்­பில் போராட்­டம் அறி­விக்­கப்­பட்­டுள்­ளது. தற்­போது நீட் தேர்­வால் நடந்­துள்ள இந்தகொடூர மர­ணத்தை அடுத்து, வர­வி­ருக்­கும் ஜூன் 23 அன்று போராட்ட களத்­தில் நீட் தேர்வை தடை செய்­யக் கோரி­யும், ஒன்­றிய பாஜக அரசை கண்­டித்­தும் தி.மு.க. மாண­வர் அணி சார்­பில் மிக வலு­வான முழக்­கங்­கள் முன்னெ ­டுக்­கப் படும்.

ஒன்­றிய பாஜக அரசை எதிர்த்து தி.மு.கழ­கத் தலை­வர், தமிழ்­நாடு முன்­னாள் முத­ல­மைச்­சர் முத்­து­வேல் கரு­ணா­நிதி ஸ்டாலின் அவர்­க­ளின் ஆலோ­ச­னை­யின் படி, கழக இளை­ஞர் அணி செய­லா­ளர் தமிழ்­நாடு எதிர்க்­கட்சி தலை­வர் உத­ய­நிதி ஸ்டாலின் அவர்­க­ளின் வழி­காட்­டு­த­லோடு தி.மு.க. மாண­வர் அணி தொடர்ந்து வீரி­ய­மாக போரா­டும் என்று கழக மாண­வர் அணி செய­லா­ளர் ஈரோடு ஜெ.வீர­மணி தெரி­வித்­தார்.

இதில் கழக மாண­வர் அணி துணைச் செய­லா­ளர் கோகுல், மாவட்ட மாண­வர் அணி அமைப்­பா­ளர் அந்­தோணி ராஜ், துணை அமைப்­பா­ளர்­கள் சிவ­கு­மார், ராஜ் திலக், பகுதி அமைப்­பா­ளர்­கள் சுதன், வருன் விஷ்ணு, முக­மது அப்­துல்லா உள்­பட மாண­வர் அணி நிர்­வா­கி­கள் பலர் இருந்­த­னர்.