கோவை, ஜூன் 21–
கோவை மாவட்ட ஆட்சியர் அலுவலகத்தில் வாரந்தோறும் திங்கட்
கிழமை மக்கள் குறை தீர்ப்பு கூட்டம் நடைபெறுகிறது. ஒவ்வொரு குறை தீர்ப்பு கூட்டத்திலும் 350 முதல் 450 புகார் மனுக்கள் பெறப்பட்டு சம்பந்தப்பட்ட துறைகளுக்கு அனுப்பி வைக்கப்படுகிறது. 15 முதல் 30 நாளில் நடவடிக்கை எடுக்க உத்தரவிட்டும் எந்த தீர்வும் கிடைக்காமல் மீண்டும் புகார் தர வருவோர் எண்ணிக்கை அதிகமாகி விட்டது.
மாவட்ட ஆட்சியர், மாவட்ட வருவாய் அலுவலர் பரிந்துரை செய்து தீர்வு காண வலியுறுத்தி அனுப்பி வைத்த மனுக்கள் மீண்டும் குறை தீர்ப்பு கூட்டத்திற்கு வருகிறது. இதை பார்த்து அதிகாரிகள் கடுப்பாகி போனாலும் இது வாடிக்கை தான் என விட்டு விடுகின்
றனர். விரக்தியின் உச்சத்தில் மனுதாரர்கள் தற்கொலை முயற்சிக்கு செல்லும் விபரீதமும் மாவட்ட ஆட்சியர் ]அலுவலக வளாகத்தில் அவ்வப்போது நடக்கிறது.
காவல்துறையினர் தற்கொலை செய்பவர்களை தடுக்க தீவிர சோதனை செய்கிறார்கள். வாட்டர் பாட்டிலை திறந்து அதில் உள்ள தண்ணீரை குடிக்கவைத்து ‘பெட்ரோல்’ இல்லை என உறுதி செய்து அனுப்பி வைக்கும் அவலம் இருக்கிறது. அதையும் மீறி யாராவது தற்கொலைக்கு முயன்றால் “இங்கே எதுவும் செய்யக்கூடாது” என எச்சரித்து அனுப்புவது நடக்கிறது. தீர்வு கிடைக்காத அவலத்தின் உச்சமே தற்கொலை முயற்சி என்பதை அனைத்துதுறை அதிகாரிகளும் உணர்ந்துள்ளனர். ஆனாலும் கீழ்மட்ட அலுவலர்களை வேலை வாங்கி தீர்வு காண்பதில்லை. தங்களது டேபிளுக்கு பிரச்சினைக்
குரிய விண்ணப்பங்கள் வராமல் பார்ப்பதிலும் உயர் அதிகாரிகள் கவனமாக இருக்கிறார்கள், இதனால் மனுவுக்கு நீதி கிடைக்காமல் இருப்பதால் புகார்தாரர்கள் புலம்பு
கின்றனர்.
வட்ட அளவில் பிரச்னைகளை தீர்க்க வேண்டிய அதிகாரிகள் குறிப்பாக கிராம நிர்வாக அலுவலர்கள், வருவாய் ஆய்வாளர்கள், தாசில்தார்கள், வட்டார வளர்ச்சி அலுவலர்கள், சமூக பாதுகாப்பு திட்டத்தினர், மின்வாரியம், பஞ்சாயத்து நிர்வாகம் போன்ற பல்வேறு துறையினர் அலட்சியப் படுத்துவதால் மாவட்ட ஆட்சியர் அலுவலகத்தில் புகார்தாரர்கள் வந்து குவிவதாக கூறப்படுகிறது. அந்த மனுக்கள் திரும்பவும் அந்தந்த அதிகாரிகளுக்கு சென்ற போதும் தீர்வு கிடைக்காத நிலையில் விரக்தியால் புகார்தாரர்கள் பலர் விட்டு விடுகின்றனர். அரசாங்கத்தின் உதவி கிடைக்காத உண்மையான பயனாளிகள் ஏமாற்றப்பட்டு விரக்தியில் கதறும் பரிதாப நிலைமை தொடர்கிறது. மாவட்ட ஆட்சியர் அலுவலக வளாகத்தில் குறை தீர்ப்பு முகாமில் பொதுமக்களை வழிநடத்த யாருமில்லை, வளாகத்திற்கு வெளியே விண்ணப்பங்கள் விற்பவர்கள் பணம் தந்தால் புகார் மனுக்களை எழுதிதருகிறார்கள். விண்ணப்பங்க ளும் விற்பனை செய்யப்படுகிறது. புகார் மனுக்களை குறை தீர்க்கும் பிரிவில் பதிவு செய்து அதிகாரிகளிடம் அனுப்புகிறார்கள். ஆனால் உரிய அதிகாரிகள் முகாமிற்கு வருவ தில்லை. மாவட்ட ஆட்சியர் அலுவலகத்தின் சில அதிகாரிகளும், தாலூகா அலுவலக அதிகாரிகள் சிலர் மட்டுமே முகாமிற்கு வருகிறார்கள். உயரதிகாரிகள் பெரும்பாலும் முகாமிற்கு வருவதில்லை. பெயரளவிற்கு நடத்தப்படும் இந்த முகாமில் 70 சதவீதத்திற்கும் மேற்பட்ட புகார்கள் தீர்வு கிடைக்காத நிலையில் இருக்கிறது.
இதுவரை சுமார் 3 ஆயிரம் கோரிக்கை மனுக்கள் கிடப்பில் இருக்கிறது. இலவச மனை பட்டா, இலவச வீடு, முதியோர் உதவித்தொகை, மகளிர் உரிமை தொகை, மாற்று திறனாளிகள் உதவி திட்டங்கள் தொடர்பான பெரும்பாலான மனுக்கள் முடங்கி போய்விட்டது. காவல்துறை சம்பந்தப்பட்ட உதவிக்கான மனுக்களை மாவட்ட நிர்வாகத்தி னர் கண்டு கொள்வதில்லை. மாநகர், மாவட்ட காவல்துறை அதிகாரிகள் குறை தீர்ப்பு கூட்டத்திற்கு வருவது மில்லை. சட்டம் ஒழுங்கு, இடம், பண விவகாரம் தொடர்பான பிரச்னையால் தற்கொலைக்கு முயற்சிக்கிறார்கள். இதை தவிர்க்க தேவையான முயற்சியை எடுக்கவில்லை. குறைதீர்ப்பு முகாம் மனுக்களும் தீர்வு கிடைக்க உயரதிகாரிகள் தீவிரம் காட்ட வேண்டும் என ஏழை, எளிய மக்கள் எதிர்பார்த்து காத்திருக்கிறார்கள்.
சமூக பாதுகாப்பு திட்டத்தினர் கூறுகையில், சிஎம் செல்லுக்கு புகார் மனுக்கள் போகிறது. எந்த துறையில் எவ்வளவு விண்ணப்பங்கள் என வெளியே சொல்ல கூடாது என உத்தரவு போட்டு விட்டார்கள். தீர்வு காணும் விண்ண ப்பங்கள் எங்களுக்கு வராது. நாங்கள் வரும் விண்ணப்பங்களை அந்தந்த துறைக்கு பிரித்து அனுப்புவோம். ஏன் தீர்வு காணவில்லை என அந்தந்த துறை அலுவலர்கள் தான் சொல்ல வேண்டும். 80க்கும் மேற்பட்ட அரசு துறைகள் இருக்கிறது. இரண்டாவது முறையாக தரும் பெட்டிசன்கள் புதிதாக தான் பதிவாகும் என்றனர்.
கோவை, ஜூன் 21–
கோவையில் டாஸ்மாக் பார் கதவை உடைத்து மது, பணம் கேட்டு பார் உரிமையாளரிடம் கத்தி முனையில் மிரட்டிய வாலிபர்கள் 3 பேரை காவல்துறையினர் கைது செய்தனர்.
கோவை இடையர்பாளையம், அன்பு நகர், 2-வது வீதியைச் சேர்ந்தவர் கவின் யாதவ் (39), இவர் கோவில் மேடு பகுதியில் டாஸ்மாக் பார் நடத்தி வருகிறார். நேற்று முன்தினம் காலை 3 பேர் பாரை திறக்கும்படி கூறியுள்ளனர். அதற்கு கவின் யாதவ் பார் மதியம் 12 மணிக்கு மேல் தான் திறக்கப்படும், இப்போது திறக்க முடியாது” என்று தெரிவித்துள்ளார். இதனால் ஆத்திரம் அடைந்த அவர்கள் பார் கதவை உடைத்தனர்.
பின்னர் அதில் ஒரு வாலிபர், தான் மறைத்து வைத்திருந்த கத்தியைக் காட்டி கவின் யாதவை மிரட்டி யுள்ளார்.
மேலும் தகாத வார்த்தைகளால் திட்டி, பணம் மற்றும் மதுபாட்டில்களை கேட்டுள்ளார். அவரது அலறல் சத்தம் கேட்டு, அந்தப் பகுதியில் இருந்த பொதுமக்கள் மற்றும் அக்கம் பக்கத்தினர் ஓடிவந்தனர்.
பொதுமக்கள் வருவதை பார்த்து அந்த 3 பேரும் அங்கிருந்து தப்பி சென்றனர்.
இதுகுறித்து கவின் யாதவ் அளித்த புகாரின் பேரில் சாய்பாபா காலனி காவல்துறையினர் வழக்கு பதிவு செய்து பார் உரிமையாளரை மிரட்டிய கவுண்டம்பாளையம், புளியமர ஸ்டாப், ஆர்.எஸ்.நகரை சேர்ந்த அபிஷேக் (21), கோவைகொண்டசாமி நாயுடு வீதியைச் சேர்ந்த சந்தோஷ்குமார் (20), கவுண்டம்பாளையம் மாரியம்மன் கோயில் வீதியைச் சேர்ந்த மதன் (எ) பக்கிரி மதன் (32) ஆகிய 3 பேரையும் கைது செய்து சிறையில் அடைத்தனர்.