திருப்பூர், ஜூன் 21–
திருப்பூருக்கு வட மாநிலத்தவர்கள் ரயில் மூலம் கஞ்சா, புகையிலை கடத்தி வருவதை காவல்துறையினர் கட்டுப்படுத்த தவறியுள்ளனர்.
தொழில் நகரமான திருப்பூர் பகுதியில் பின்னலாடை நிறுவனங்களில் பணியாற்ற பல்வேறு மாவட்டங்களி
லிருந்து தொழிலாளர்கள் பணியாற்றி வருகின்றனர். அது மட்டுமல்லாமல்
வெளி மாநிலங்களான அசாம், ஒடிசா, பீகார், உத்தரபிரதேசம் உள்ளிட்ட பல மாநிலங்களிலிருந்து தொழிலாளர்கள் திருப்பூ ரில் பல்வேறுபகுதிகளில் பரவலாக பனியன் நிறுவனங்களில் பணியாற்றி வருகின்றனர்.
தினமும் வட மாநிலங்களில் இருந்து திருப்பூருக்கு வரும் ரயில்களில் பான் மசாலா மற்றும் கஞ்சாவை கடத்தி வந்து திருப்பூரில் விற்பனை செய்து வருகின்றனர். பனியன் நிறு வனத்திற்கு வேலைக்கு செல்லும் தொழிலாளி அந்த வருமானம் போக தினமும் ரூ.2 ஆயிரம் வரையிலும் புகையிலை, கஞ்சா விற்று பணம் சம்பாதித்து வருகிறார்கள். எனவே கஞ்சா, குட்கா கடத்தல்காரர்கள் மீது காவல்துறையினர் கடும் நடவடிக்கை எடுக்க வேண்டுமென பொதுமக்கள் கோரிக்கை வைத்துள்ளனர்.