சென்னை, ஜூன் 21–

தமிழ்­நாடு சட்­டப் பேர­வை­யில் நேற்று மேக­தாது அணை தொடர்­பாக தனித் தீர்­மா­னம் ஒன்று ஒரு­ம­ன­தாக நிறை­வேற்­றி­யது. அத்­தீர்­மா­னத்­தில் எதிர்க்­கட்­சித் தலை­வர் உத­ய­நிதி ஸ்டாலின் அவர்­கள் வலி­யு­றுத்­திய, இரண்டு திருத்­தங்­கள் சேர்க்­கப்­பட்­ட­தற்கு மகிழ்ச்சி அடை­வ­தாக தமது சமூக வலை­த­ளப் பக்­கத்­தில் பதி­விட்­டுள்­ளார்.

அவ­ரது பதிவு வரு­மாறு:

தமிழ்­நாட்டு விவ­சா­யி­க­ளின் வாழ்­வா­தா­ரத்தை பாதிக்­கும் வகை­யில், மேக­தா­து­வில் அணைகட்ட முயற்­சிக்­கும் கர்­நா­ட­கா­வின் செய­லுக்கு எதி­ராக, தமிழ்­நாடு சட்­ட­மன்­றத்­தில் கொண்டு வரப்­பட்ட தனித்­தீர்­மா­னத்தை தி.மு.கழ­கம் சார்­பில் ஆத­ரித்து உரை­யாற்­றி­னோம்.

கழ­கத்­த­லை­வர் மு.க.ஸ்டாலின் அவர்­க­ளின் வழி­காட்­டு­த­லின்­படி, மேக­தா­து­வில் அணை கட்ட முயல்­வது New Dispute ஆக இருப்­ப­தால், The Inter-State Water Disputes Act 1956-ன்படி புதிய தனி நடு­வர் மன்­றம் அமைக்க வேண்­டும் என்ற திருத்­தத்­தைத் தீர்­மா­னத்­தில் சேர்க்க வேண்­டும் என்­றும்,,

இந்த தீர்­மா­னத்தை கடி­த­மாக ஒன்­றிய அர­சுக்கு அனுப்­பா­மல், தமிழ்­நாட்டு சட்­ட­மன்ற - நாடா­ளு­மன்ற உறுப்­பி­னர்­கள் ஒரு குழு­வா­கச் சென்று நேரில் வழங்க வேண்­டும் என்­றும் வலி­யு­றுத்­தி­னோம்.

நாம் அளித்­தத் திருத்­தத்தை இணைத்து ஒரு­ம­ன­தாக தீர்­மா­னம் நிறை­வேற்­றப் பட்­ட­தில் மகிழ்ச்சி கொள்­கி­றோம்.

காவிரி மீதான தமிழ்­நாட்­டின் உரி­மையை நிலை­நாட்ட தமிழ்­நாடு அரசு எடுக்­கும் அனைத்து முயற்­சி ­க­ளுக்­கும் தி.மு.கழ­கம் துணை நிற்­கும்!

இவ்­வாறு உத­ய­நிதி ஸ்டாலின் அவர்­கள் பதி­விட்­டுள்­ளார்.