பொள்ளாச்சி, ஜூன் 21–
தமிழகத்தில் சிறந்த மருத்துவமனையில் ஒன்றான பொள்ளாச்சி மாவட்ட அரசு தலைமை மருத்துவமனையில் மருத்துவர்கள் மற்றும் செவிலியர்கள் பற்றாக்குறை நிலவுகிறது. அதனை முறைப்படுத்த
நடவடிக்கை எடுக்க வேண்டும் என்று பொதுமக்கள் கோரிக்கை விடுத்துள்ளனர்.
கோவை மாவட்டம் பொள்ளாச்சி - உடுமலை ரோட்டில் செயல்பட்டு வரும், மாவட்ட அரசு தலைமை மருத்துவமனையில், உள்நோயாளிகள் பிரிவு, வெளி நோயாளிகள் பிரிவு, அவசர சிகிச்சை பிரிவு மகப்பேறு பிரிவு, பச்சிளம் குழந்தைகள் பிரிவு, சித்தா பிரிவு, கண் சிகிச்சை பிரிவு பல் சிகிச்சை பிரிவு உள்பட சுமார் 20க்கும் மேற்பட்ட சிகிச்சை பிரி வுகள் செயல்படுகின்றன.
இந்த மருத்துவமனைக்கு பொள்ளாச்சி சுற்றுவட்டார பகுதியிலிருந்து மட்டுமின்றி, வால்பாறை, கிணத்துக்கடவு உள்ளிட்ட பல்வேறு பகுதியிலிருந்து தினமும் ஏராளமானோர். உள் மற்றும் வெளி நோயாளிகளாகசிகிச்சை பெற்று செல்கின்றனர். நகர் மட்டுமின்றி கிராமபுறங்களில் இருந்தும் நோயாளிகள் வருவதால் எப்போதும் கூட்டம் அதிகமாகவே இருக்கும்.
இந்த மருத்துவமனை கழகத் தலைவர் முத்துவேல் கருணாநிதி ஸ்டாலின் அவர்களின் தலைமையிலான கடந்த திராவிட மாடல் ஆட்சியில் விரிவாக்கம் செய்யப்பட்டு பல்வேறு வசதிகள் மேற்கொள்ளப்பட் டுள்ளன. மேலும், இந்த மருத்துவமனை தமிழகத்தில் சிறந்த மருத்துவமனையில் ஒன்றாக திகழ்கிறது. சிறந்த மருத்துவமனை மற்றும் பல்வேறு சிகிச்சை பிரிவுகள் இருந்தாலும், நோயாளிகளை கவனிப்பதற்கு போதிய செவிலியர்கள் இல்லாமல் இருப்பது பெரும் குறையாக உள்ளது.
மேலும் மருத்துவர்கள் பற்றாக்குறையும் இருப்பதால், சில நேரத்தில் நோயாளிகள் முறையான சிகிச்சை பெற முடியாமல் தவிப்பதாக கூறப்படுகிறது. மருத்துவர்களில் சிலர் விடுமுறைக்கு சென்றால், அரசு மருத்துவமனைக்கு சிகிச்சைக்காக வரும் நோயாளிகள், மேல் சிகிச்சைக்காக கோவை அரசு மருத்துவம்னைக்கோ அல்லது தனியார் மருத்துவமனைக்கோ செல்லவேண்டிய அவலம் ஏற்பட்டுள்ளது. மாவட்ட மருத்துவமனையாகதிகழ்ந்தாலும், இங்கு வரும் நோயாளிகளை கவனிப்பதற்கு போதிய எண்ணிக்கையினாலான செவிலியர்களோ அல்லது உடனுக்குடன் சிகிச்சை மேற்கொள்ள போதியளவு மருத்துவர்களோ இல்லாமல் இருப்பதாக கூறப்படுகிறது.
இது குறித்து பொதுமக்கள் கூறுகையில், “மாவட்டத்தில் முதன்மை பெற்ற மருத்துவமனையாக பொள்ளாச்சி மருத்துவமனை உள்ளது. ஆனால் இந்த மருத்துவமனையில் போதிய செவிலியர்கள் மற்றும் மருத்துவர்கள், பணியாளர்கள் இல்லாதது பெரும் குறையாக உள்ளது. அனைத்து பிரிவுகளிலும், நோயாளிகளுக்கு விரைந்து சிகிச்சை அளிக்க மருத்துவர்கள் மற்றும் செவிலியர்கள் பாதிக்கு பாதி எண்ணிக்கை குறைவுகாரணமாக நோயாளிகளை முறையாக கவனிக்க முடியாத சூழ்நிலை ஏற்படுகிறது. எனவே. சம்பந்தப்பட்ட துறை அதிகாரிகள், இந்த அரசு மருத்துவம்னைக்கு வரும் நோயாளிகளுக்கு விரைந்து சிகிச்சை அளிக்கும் வகையில் போதியளவு மருத்துவர்கள் மற்றும் செவிலியர்களை நியமித்து முறைப்படுத்த உரிய
நடவடிக்கை எடுக்கவேண்டும்” என்றனர்.
சேலம், ஜூன் 21–
சேலம் மாவட்டம் கொங்க னாபுரம் வெள்ளாள புரத்தைச் சேர்ந்த சேகர் (வயது47) இவரது மகள் கோபிகா (வயது 19) இவர் பிளஸ் டூ முடித்து 2 முறை நீட் தேர்வு எழுதியும் தேர்வில் வெற்றி பெறவில்லை 3வது முறையாக நீட் தேர்வு எழுத இரவு, பகலாக படித்துக் கொண்டு இருந்தார்.
நடப்பாண்டில் 3வது முறையாக நீட் தேர்வு எழுதினார். ராஜஸ் தானில் நீட் தேர்வு வினாத் தாள் கசிந்ததை யொட்டி நீட் தேர்வு
ரத்து செய்து விட்டதாக அறிவிக்கப்பட்டது
இதனால் தேர்வில் அதிக மதிப் பெண்கள் பெற்று தேர்ச்சி அடைவோம் என்று எதிர்பார்த்து வந்த நிலையில் தேர்வு ரத்து செய்யப்பட்டதாலும் இன்று 21 ம் தேதி நீட் தேர்வு நடைபெற இருந்த நிலையில் மன உளச்சலில் இருந்த கோபிகா வீட்டில் தூக்கு போட்டு தற்கொலை செய்து கொண்டார். நீட் தேர்வு குளறுபடியால் மாணவி கோபிகா தற்கொலை செய்து கொண்ட சம்பவம் சேலம் மாவட்டத்தை சோகத்தில் ஆழ்த்தியுள்ளது