சென்னை, ஜூன் 21–
தமிழ்நாடு நியாவிலைக்கடை பணியாளர் சங்க மாநில தலைவர் ராஜேந்திரன், தமிழ்நாடு முதலமைச்சர் மற்றும் கூட்டுறவு உணவு வழங்கல் பிரிவிற்கு அனுப்பி உள்ள மனுவில்,” வயதானவர்களுக்கு வீடு தேடி உணவு பொருட்கள் வழங்கும் தாயுமானவர் திட்டத்தை மாதத்தின் 2வது வெள்ளி, சனி, ஞாயிறு ஆகிய நாட்களில் நடைமுறைப்படுத்த வேண்டும். பயனாளிகளுக்கு பொருள்களை மூன்று மாதங்களுக்கு ஒரு முறை வழங்க வேண்டும். இத்திட்டம் செயல்படும் நாட்களில் மட்டும்
ப்ளூ டூத் முறை, கைரேகை பதிவு தவிர்க்க வேண்டும். பிராக்சி முறையில் பொருள்கள் வழங்கலாம். வாகன வாடகை, ஏற்று கூலி, இறக்கு கூலி உயர்த்த வேண்டும். மாநில அளவில் கேஒய்சி என்பதான ரேகை பதிவு 99 சதவீதம் முடிவடைந்தது. அதிகாரிகள் அதனை 100 சதவீதம் முடித்து தர கடை பணியாளர்களை மன உளைச்சல் செய்கிறார்கள். அரசின் விடுமுறை நாட்கள் மற்றும் அதிக பட்ச வேலை நேரம் என பணியாளர்களுக்கு மேலிட உத்தரவு என டார்ச்சர் செய்வதை அதிகாரிகள் உடனடியாக கைவிட வேண்டும். வாணிப கிடங்கில் இருந்து சரியான எடையில் கடைகளுக்கு பொருட்கள் வழங்கப்படுவதை உறுதி செய்ய வேண்டும். அதிக பிரச்சினை இருப்பதால் வரும் ஜூலை மாதம் முதல் தாயுமானவர் திட்டத்தை புறக்கணிக்க முடிவு செய்திருக்கிறோம்,“ என தெரிவித்துள்ளார்.