சென்னை, ஜூன்.22–
சென்னை கிழக்குமாவட்ட திமுக இளைஞரணி – மாணவரணி மாவட்டஅமைப்பாளர்கள், துணை அமைப்பாளர்கள், பகுதி அமைப்பாளர்கள், துணை அமைப்பாளர்கள் ஆலோசனை கூட்டத்தில் மாவட்ட கழகச் செயலாளர் பி.கே.சேகர்பாபு எம்.எல்.ஏ. ஆலோசனை வழங்கினார்.
சென்னை கிழக்கு மாவட்ட திமுக இளைஞரணி மாணவரணி மாவட்ட அமைப்பாளர்கள், துணை அமைப்பாளர்கள், பகுதி அமைப்பாளர்கள், துணை அமைப்பாளர்கள் ஆலோசனைக் கூட்டம் கூட்டம் நேற்று (20.6.2026 – சனிக்கிழமை) மாலை 6.00 மணிஅளவில் சென்னை, ஸ்டாரன்ஸ் சாலை, எம்.கே.டி மகாலில் நடைபெற்ற கூட்டத்தில் மாவட்ட கழக செயலாளர் பி.கே.சேகர் பாபு எம்.எல்.ஏ. கலந்து கொண்டு ஆர்ப்பாட்டம் எதற்காக நடைபெறுகிறது என்பதை விளக்கி உரையாற்றினார்.
இக்கூட்டத்தில் மாவட்ட மாணவர் அணி அமைப்பாளர் நா. ரஞ்சித் விஜயாலயன், மாவட்ட இளைஞரணி துணை அமைப்பாளர்கள் ஜெ. பாலமுருகன் க.வினோத், பா ஜெகதீஷ், ஜி.ஜெ.பிரபு மாணவரணி மாவட்ட துணை அமைப்பாளர்கள் ஜோஸ்வா லிவிங்ஸ்டன், எஸ் எஸ் மணிகண்டன், கே வேணுகோபால், அசோக் ஆண்ட்ரூஸ், மதன் ரூபன், ஜெயலட்சுமி
பகுதி இளைஞரணி அமைப்பாளர்கள் பிரசாத், நிர்மல், சரண்ராஜ், பி செந்தில்குமார், கே. மோகன், த.ஜெயக்குமார் சே. பாலாஜி, ஜெ. மணிகண்டன், ஸ்ரீதர் ராஜன், மா. ஜெகதீஸ்வரன், மகேந்திரன், இரவை பிரபு, வசந்த், ஜேபிஆர்.ரகு பகுதி மாணவரணி அமைப்பாளர்கள் சாய்ஸ்ரீகாந்த், அழகேசன், மா. சிலம்பரசன், தமிழரசு, விஜயகுமார், வினோத், நிறைமொழி, ஆகாஷ், ஜானகிராமன், மணிகண்டன், சீனிவாசன் மற்றும் பகுதி துணை அமைப்பாளர்கள், கழக நிர்வாகிகள், செயல்வீரர்கள் முன்னோடிகள் கலந்து கொண்டு சிறப்பித்தனர்.
இக்கூட்டத்தில் நிறைவேற்றிய தீர்மானம் வருமாறு:–
தீர்மானம் 1:
மக்களுக்கான இயக்கம் திராவிட முன்னேற்றக் கழகம் என்பதை ஒவ்வொரு நாளும் நிரூபித்துக் கொண்டிருக்கும் திராவிட மாடல் அரசர் முத்துவேல் கருணாநிதி ஸ்டாலின் அவர்களுக்கும் தமிழ்நாடு எதிர்க்கட்சித் தலைவர், இளம் தலைவர் அண்ணன் உதயநிதி ஸ்டாலின் அவர்களுக்கும் மாணவரணி மற்றும் இளைஞர் அணி சார்பாக தமிழ்நாடு மாணவர்களின் கல்வி சார்ந்த பிரச்சனை களுக்கு ஆர்ப்பாட்டம் நடத்துவதற்கு அனுமதி வழங்கியதற்கு இக்கூட்டம் நன்றி தெரிவித்து தீர்மானம் நிறைவேற்றுகிறது.
தீர்மானம் 2:
தமிழ்நாட்டின் இருமொழிக் கொள்கைக்கு எதிராக, கல்வி மற்றும் நிர்வாகத் துறைகளில் இந்தியை மறைமுகமாக திணிக்க முயற்சிக்கும் ஒன்றிய அரசின் நடவடிக்கைகளை இக்கூட்டம் கடுமையாகக் கண்டிக்கிறது. தமிழ் மொழி மற்றும் மாநில மொழி உரிமைகளை பாதுகாக்க உறுதியேற்கிறது.
தீர்மானம் 3:
மாநிலங்களின் கல்வி உரிமைகளைப் பறித்து, சமூகநீதிக்கும் இடஒதுக்கீட்டுக்கும் பாதிப்பு ஏற்படுத்தும் வகையில் புதிய கல்விக் கொள்கையை(பி.எம்.ஸ்ரீ மற்றும் வி.பி.எஸ்.ஏ) திணிக்க முயலும் ஒன்றிய அரசின் நடவடிக்கையை இக்கூட்டம் வன்மையாகக் கண்டிக்கிறது.
தீர்மானம் 4:
மாணவர்களின் சம வாய்ப்பை பறித்து, கிராமப்புற மற்றும் ஏழை மாணவர்களின் மருத்துவக் கல்விக் கனவை சிதைக்கும் நீட் தேர்வை நிரந்தரமாக ரத்து செய்து, மாநில அரசின் சேர்க்கை முறையை நடைமுறைப்படுத்த வேண்டும் என இக்கூட்டம் வலியுறுத்துகிறது.
தீர்மானம் 5:
தமிழகத்தில் மாற்று அரசியலை உருவாக்குவோம், மக்களின் குரலாக இருப்போம், பெண்களின் பாதுகாப்பை உறுதி செய்வோம் என்று பல்வேறு வாக்குறுதிகளை அளித்து அரசியல் களத்தில் வந்த தமிழக வெற்றி கழகம், இன்று தமிழக மக்களை பாதிக்கும் முக்கிய பிரச்சினைகளில் தொடர்ந்துமௌனம் காத்து வருவதும் குறிப்பாக பெண்களுக்கு எதிரான குற்றச்சம்ப வங்கள், மாணவர்கள் எதிர்கொள்ளும் கல்விசார் பிரச்சினைகள், வேலை வாய்ப்பின்மை, சமூக நீதி தொடர் பான விவகாரங்கள் மற்றும் தமிழக உரிமைகள் சார்ந்த பல்வேறு பிரச்சினை களில் தெளிவான நிலைப் பாட்டை வெளிப்படுத்தாமல் இருப்பது அரசியல் பொறுப்பின்மையும், பெண்களின் பாதுகாப்பு குறித்த கேள்விகள் எழும் போது அமைதி காப்பதும், மக்களின்அன்றாட பிரச்சினைகளில் கருத்து
தெரிவிக்கத் தயங்கிவருவதும் இக்கூட்டம் வன்மையாககண்டிக்கிறது.
தீர்மானம் 6:
திராவிட மாடல் அரசர் முத்துவேல் கருணாநிதி ஸ்டாலின் அவர்களின் ஆட்சி காலத்தில் கொண்டு வரப்பட்ட திட்டங்க ளுக்கு ஸ்டிக்கர் ஒட்டி விளம்பரம் தேடிக் கொள்ளும் அரசாங்கமாக தான் தற்போதைய அரசு செயல்படுகிறது, குறிப்பாக பிங்க் பேட்ரோல் திட்டத்தை ஸ்டிக்கர் ஒட்டி சிங்கப்பெண் திட்டம் எனவும், மாணவர்களின் கனவு திட்டமான நான்முதல்வன் திட்டத்திற்கு பெயர் மாற்றி ஏதோ பெரிய சாதனை செய்தது போல இந்த விளம்பர அரசு தம்பட்டம் அடித்து வருவதை இக்கூட்டம் வன்மையாக கண்டிக்கிறது.
தீர்மானம் 7:
ஒன்றிய அரசின் மக்கள் விரோத மற்றும் தமிழ்நாட்டிற்கு எதிரான நடவடிக்கைகளைக் கண்டித்து 23.06.2026 அன்று நடைபெறவுள்ள கண்டன ஆர்ப்பாட்டத்தில் சென்னை கிழக்கு மாவட்ட இளைஞரணி மற்றும் மாணவரணி நிர்வாகிகளும் பெருந்திரளாக பங்கேற்று ஆர்ப்பாட்டத்தை மாபெரும் வெற்றியடையச் செய்வோம் என இக்கூட்டம் ஒருமனதாக உறுதியேற்கிறது.
இவ்வாறு தீர்மானங்கள் நிறைவேற்றப்பட்டன.