சென்னை, ஜூன் 22 –

‘நீட்’ நுழை­வுத் தேர்வை ரத்து செய்­யக் கோரி சென்­னை­யில் ஆளு­நர் மாளி­கையை முற்­று­கை­யிட்டு போராட்­டத்­தில் ஈடு­பட்ட மாண­வர்­களை, விரட்டி, விரட்டி சென்று தடி­யடி நடத்தி போலீ­ஸார் கைது செய்­த­தால் பதற்­றம் நில­வி­யது.

‘நீட்’ தேர்வை ரத்து செய்­யக் கோரி சென்­னை­யில் ஆளு­நர் மாளி­கையை முற்­று­கை­யிட்டு மாண­வர் அமைப்­பு­கள் போராட்­டத்­தில் ஈடு­பட்­ட­னர்.

நூற்­றுக்­க­ணக்­கான மாணவ, மாண­வி­கள் பங்­கேற்ற இந்த ஆர்ப்­பாட்­டத்­தில், ‘நீட்’ முறை­கே­டு­க­ளுக்கு பொறுப்­பேற்று ஒன்­றிய கல்வி அமைச்­சர் தர்­மேந்­திர பிர­தான் பதவி விலக வேண்­டும் என்று வலி­யு­றுத்­தி­னர்.

மேலும், சமூக நீதிக்கு எதி­ரான ‘நீட்’ தேர்வை ரத்து செய்து, மாண­வர்­க­ளின் கல்வி உரி­மையை பாது­காக்க வேண்­டும் என போராட்­டத்­தில் ஈடு­பட்­ட­வர்­கள் முழக்­க­மிட்­ட­னர்.

மாண­வர்­க­ளின் உயிர்­களை காவு வாங்­கும் நீட் தேர்வு எனும் அரக்­கனை ரத்து செய்­யக்­கோரி சாலை­யில் அமர்ந்து தர்­ணா­வில் ஈடு­பட்­ட­னர்.

மாண­வர்­களை விரட்டி, விரட்டி கைது செய்த போலீ­சார், மாண­வர்­களை குண்­டுக்­கட்­டாக தூக்­கிச்­ சென்று, கைது செய்தனர்.

மாண­வர்­கள் மீது அரா­ஜ­கத்தை ஏவி­விட்ட காவல்­து­றை­யி­னர், போராட்­டத்­தில் ஈடு­பட்­ட­வர்­க­ளு­டன் தள்­ளு­முள்­ளு­வில் ஈடு­பட்­ட­னர்.

மாண­வர்­களை காவல் துறை­ யி­னர் கண்­மூ­டித்­த­ன­மாக தாக்­கு­தல் நடத்தி விரட்­டி­ய­டித்­த­னர்.

பின்­னர், மாண­வர்­களை காவல்­து­றை­யி­னர் தர­த­ர­வென இழுத்­துச்­சென்­றும் விரட்டி, விரட்டி சென்­றும் கைது செய்­த­னர். இத­னால் சின்­ன­மலை பகு­தி­யில் பதற்­றம் நில­வி­யது.

த.வெ.க. அர­சுக்­குக் கண்­ட­னம்!

ஜன­நா­யக முறைப்­படி போராட்­டத்­தில் ஈடு­பட்ட தங்­களை, த.வெ.க. ஆட்­சி­யின் காவல்­துறை கைது செய்­ததற்கு ஆர்ப்­பாட்­டத்­தில் ஈடு­பட்­ட­வர்­கள் கண்­ட­னம் தெரி­வித்­த­னர்.

எழும்­பூ­ரில் ஆர்ப்­பாட்­டம்!

இத­னி­டையே, நீட் தேர்வைரத்து செய்­யக்­கோரி சென்னை எழும்­பூ­ரில் அகில இந்­திய மக்­கள் இயக்­கம் சார்­பில் போராட்­டம் நடை­பெற்­றது. ராஜ­ரத்­தி­னம் மைதா­னம் அருகே நடை­பெற்ற இந்த போராட்­டத்­தில், தி.மு.க. முன்­னாள் அமைச்­ச­ரும், அகில இந்­திய மக்­கள் இயக்க ஒருங்­கி­ணைப்­பா­ள­ரு­மான மனோ தங்­க­ராஜ், குடி­யு­ரிமை பாது­காப்பு இயக்­கம் கே.பால­கி­ருஷ்­ணன் உள்­ளிட்­டோர் கலந்து கொண்­ட­னர்.

நீட் முறை­கே­டு­க­ளுக்கு பொறுப்­பேற்று ஒன்­றிய கல்வி அமைச்­சர் தர்­மேந்­திர பிர­தான் பதவி வில­கக்­கோரி கண்­டன முழக்­க­மிட்­டது. கல்­வியை மாநில பட்­டி­ய­லுக்கு மாற்ற வேண்­டும் என வலி­யு­றுத்­தி­யும் கண்­டன முழக்­க­மி­டப்­பட்­டது. மேலும், இந்த போராட்­டத்­தில் கலந்து கொண்­ட­வர்­கள், சொல்­லுங்க CM Sir... நீட் தேர்­வில் உங்க நிலைப்­பாடு என்ன?... நீட் தேர்வை எப்­போது தடுத்து நிறுத்­து­வீர்­கள் என்­றும் முழக்­க­மிட்­ட­னர்.