சென்னை, ஜூன் 22 –

கோயில்களின் வருவாயில் உபரியாக உள்ள நிதியைக் கொண்டு கல்வி நிலையங்கள், மருத்துவமனைகளுக்கு செலவிடும் திட்டத்தை த.வெ.க. அரசு ரத்து செய்துள்ளதற்கு பொதுமக்கள் கண்டனம் தெரிவித்துள்ளனர்.

கோயில்களின் வருவாயில் இருந்து கல்வி நிறுவனங்கள், மருத்துவமனைகள் உள்ளிட்ட சமூக நலத் திட்டங்களுக்கு நிதி ஒதுக்கீடு செய்வதை த.வெ.க. அரசு ரத்து செய்துள்ளது. கோயில் நிதி ஆன்மிகப் பணிகளுக்கு மட்டுமே என த.வெ.க. அரசின் ஆளுநர் உரையிலும் தெரிவிக்கப்பட்டுள்ளது.

கோயில் நிதி உபரியாக உள்ளபோது அதைக் கொண்டு கல்வி நிலையங்கள், மருத்துவமனைகள் மற்றும் சமூக நலப் பணிகளைச் செயல்படுத்துவதில் தவறில்லை என்றும், அரசின் இந்த முடிவு அரசியல் காழ்ப்புணர்ச்சி மற்றும் விளிம்புநிலை மக்களின் கல்வி வளர்ச்சியைத் தடுக்கும் நோக்கம் கொண்டது என்றும் கல்வியாளர்கள் விமர்சித்து வருகின்றனர்.

கோவில் காசு ஏழைகளின் கல்விக்கு உதவினால் என்ன தப்பு? என் பையன் இந்த நிதியில் நடைபெறும் கல்லூரியில் தான் படிக்கிறான், இதை நிறுத்துவது ரொம்ப தப்பு என பொதுமக்கள் சமூக வலை தளங்களில் பதிவிட்டுள்ளதை தி.மு.க. ஐ.டி. விங்க் சுட்டிக் காட்டி உள்ளது.