திருநெல்வேலி, ஜூன். 22–
தவெக நிர்வாகி பெயரைப் பயன்படுத்தி மாமூல் கேட்டு மிரட்டுவதாக டாஸ்மாக் பார் உரிமையாளர் வெளியிட்ட வீடியோ பரபரப்பை ஏற்படுத்தியுள்ளது.
திருநெல்வேலி மாவட்டம் பாளையங்கோட்டை பகுதியில் உள்ள அரசு டாஸ்மாக் கடைகளுடன் இணைந்த பார் உரிமையாளர்கள் தங்களை சிலர் தவெக மாவட்ட இணை செயலாளர் பெயரைக் கூறி மிரட்டி, மாமூல் கேட்பதாகப் புகார் தெரிவித்துள்ளனர். குறிப்பாக, மகாராஜா நகர் மற்றும் சரவணா ஸ்டோர்ஸ் அருகே அமைந்துள்ள பார்களில் இந்த சம்பவம் நடந்ததாகக் கூறப்படு கிறது.
இதுகுறித்து பார் உரிமையாளர் கண்ணன் என்பவர் வெளியிட்டுள்ள வீடியோவில், “பாளையங்கோட்டை பகுதியில் உள்ள அனைத்து அரசு மதுபானக் கடை பார்களுக்கும் வரும் 30 ஆம் தேதியுடன் டெண்டர் முடிவடைகிறது. இந்நிலையில், தமிழக வெற்றிக் கழகத்தின் திருநெல்வேலி மாவட்ட இணை செயலாளர் மரிய ஜான் அலுவலகத்தில் இருந்து வருவதாகக் கூறிக்கொண்டு, சிலர் தினந்தோறும் எங்களை மிரட்டி மாமூல் கேட்கின்றனர்.
அவர்களிடம் இது குறித்து கேட்டால், தாங்கள் சமாதானபுரத்தில் உள்ள மாவட்டச் செயலாளர் மரிய ஜான் மகன் அலுவலகத்தில் இருந்து வருவதாக கூறுகின்றனர். தினந்தோறும் இவ்வாறு மிரட்டல் விடுக்கப்படு வதால், நாங்கள் பெரும் அச்சத்தில் உள்ளோம். எங்களால் நிம்மதியாகத் தொழில் செய்ய முடியாத சூழல் நிலவுகிறது.
இதுபோல தொடர்ந்து மிரட்டல்கள் வந்தால், நாங்கள் எப்படி அரசாங்கத்திற்கு செலுத்த வேண்டிய மாதாந்திர டி.டி தொகையை சரியாக செலுத்த முடியும்? எனவே, தமிழக வெற்றி கழகத் தலைமை இதுகுறித்து விசாரித்து, தகுந்த நடவடிக்கை எடுக்க வேண்டும்” என்று கோரிக்கை விடுத்துள்ளார். இத்துடன் கடைகளுக்கு மாமூல் வாங்க வரும் நபர்கள் தொடர்பான சிசிடிவி காட்சிகளையும் அவர் வெளியிட்டுள்ளார்.
தவெக கட்சி நிர்வாகி கள் பெயரில் பார் உரிமையாளர்களுக்கு மிரட்டல் விடுக்கப்படு வதாக எழுந்துள்ள இந்த புகார் அப்பகுதியில் பரபரப்பை ஏற்படுத்தியுள்ளது. குறிப்பாக, தமிழ்நாட்டில் தவெக ஆட்சி அமைத்த பிறகு தொடர்ச்சியாக அந்த கட்சியினர் அரசு அலுவலகங்களில் ஆய்வு நடத்தி, ‘ரீல்ஸ்’ வெளியிட்டு வருகின்றனர். இதுபோன்ற செயல் பொதுமக்களை முகம் சுளிக்க வைத்துள்ளதாக தெரிகிறது.
அதேபோல் டாஸ்மாக் உள்பட பல்வேறு அரசு நிறுவனங்களுக்கு சென்று மாமூல் கேட்பதாகவும், தொடர்ச்சியாக புகார்கள் வந்த வண்ணம் உள்ளது. இதுபோன்ற சூழ்நிலை யில் நெல்லையில் உள்ள டாஸ்மாக் பாரில் தவெக நிர்வாகி பெயரை பயன் படுத்தி, சிலர் மாமூல் கேட்டு மிரட்டியதாக வெளியான வீடியோ சலசலப்பை ஏற்படுத்தியுள்ளது.
திருவாரூர், ஜூன்–22.
திருவாரூர் மாவட்ட விவசாய அணி அமைப்பாளர் வீரா.தேசபந்து அவர்கள் மறைவெய்தினார் என்பதை அறிவிக்க வருந்துகிறோம்.
மறைந்த வீரா.தேசபந்து அவர்கள் மன்னார்குடி ஒன்றியம் முக்குளம்சாத்தனூர் ஊராட்சி மன்றத்தின் முன்னாள் தலைவராகவும், தி.மு.க. விவசாய அணி திருவாரூர் மாவட்ட அமைப்பாளருமாக தொடர்ந்து இரண்டுமுறை இருந்து கழகப்பணி ஆற்றியவர் ஆவார்.
வீரா.தேசபந்து அவர்களின் மறைவின் தகவல் அறிந்த மாவட்ட செயலாளர் பூண்டி.கே.கலைவாணன் எம்.எல்.ஏ., மாநில விவசாய அணி செயலாளர் ஏ.கே.எஸ்.விஜயன், விவசாய தொழிலாளர் அணி மாநில தலைவர் உ.மதிவாணன் உள்ளிட்டகழக நிர்வாகிகள் அன்னாரை இழந்து வாடும் அவரது குடும்பத்தாருக்கு இரங்கலை தெரிவித்தனர்.
திருவாரூர் மாவட்ட திமுக சார்பில் மறைந்த வீரா.தேசபந்து அவர்களுக்கு மாவட்டசெயலாளர் பூண்டி. கே.கலைவாணன் எம்.எல்.ஏ.,தலைமையில் மாநில, மாவட்ட, ஒன்றிய, நகர, பேரூர் மற்றும் சார்பு அணிகளின் நிர்வாகிகள் பங்கேற்ற இரங்கல் ஊர்வலம் நடைபெற்றது.