திருவண்ணாமலை, ஜூன் 22 –
திருவண்ணாமலை தூய்மை அருணை அமைப்பின் மூலம், வேடியப்பன் குளம் சீரமைக்கப்படும் என்று, வாரந்தோறும் நடைபெறும் தூய்மை அருணை பணிகளை முன்னாள் பொதுப்பணித்துறை அமைச்சர் எ.வ.வேலு அவர்கள் பார்வையிட்டு ஆய்வு செய்தபோது செய்தியாளர்களிடம் கூறினார். ரூ.92இலட்சம் மதிப்பீட்டில் கட்டப்பட்ட உடல் ஒப்பனை அகத்தை திறந்து வைத்தார். மழைக்காலத்தை முன்னிட்டு கால்வாய்களை பராமரித்தலை தீவிரப்படுத்த ஆலோசனை வழங்கினார்.
திருவண்ணாமலையில் தொண்டு செய்வோம், துணை நிற்போம் என்ற முழக்கத்தோடு கடந்த 7 ஆண்டுகளாக முன்னாள் பொதுப்பணித் துறை அமைச்சர் எ.வ.வேலு அவர்களை அமைப்பாளராகக் கொண்டு, தூய்மை அருணை திட்டம் செயல்பட்டு வருகிறது. தூய்மை அருணை திட்டத்திற்கு 4 மேற்பார்வையாளர்களும், 39 வார்டுக்கு 39 ஒருங்கிணைப்பாளர்களும், மாட வீதி தூய்மைப் பணிக்கு 7 ஒருங்கிணைப்பாளர்களும் ஒவ்வொரு வார்டுக்கும் 25 தூய்மைக் காவலர்கள் என ஆயிரக் கணக்காணோர் மரம் நடுதல், பராமரித்தல், கால்வாய் மற்றும் தூர்வாருதல் என செயல்பட்டு வருகின்றனர்.
இதனைத் தொடர்ந்து, தூய்மை அருணை அமைப்பும், அருணை மருத்துவக் கல்லூரி மருத்துவமனையும் இணைந்து, கர்ப்பிணி தாய்மார்களுக்கு வளைகாப்பு நிகழ்ச்சி மாதந்தோறும் நடத்துவதென தீர்மானிக்கப்பட்டு, முன்னாள் அமைச்சர் எ.வ.வேலு ஜுலை 16 அன்று தொடங்கி வைத்தார்கள். இது மாதந்தோறும் நடைபெற்று வருகிறது.
21.06.2026 ஞாயிற்றுக்கிழமை அன்று காலை 7.00மணிக்கு, திருவண்ணா மலை மாநகரில் நடைபெறும் தூய்மைப் பணிகள், நடப்பட்ட மரக்கன்றுகளை பராமரிக்கும் பணி ஆகியவற்றை முன்னாள் பொதுப்பணித் துறை அமைச்சரும், தூய்மை அருணையின் அமைப்பாளருமான எ.வ.வேலு அவர்கள் பார்வையிட்டு ஆய்வு செய்தார்.
காலை 7.00மணிக்கு வார்டு எண்-21 அஜிஸ் காலனிப் பகுதிகளில் மண்மேடுகள், கால்வாய் அடைப்பு, மரக்கன்றுகள் பராமரிப்பதை பார்வையிட்டு, முன்னாள் பொதுப்பணித்துறை அமைச்சர் எ.வ.வேலு அவர்கள் ஆலோசனைகளை வழங்கினார்.
காலை 7.30மணிக்கு, வார்டு எண்.19 வேட்டவலம் ரோடு இரயில் பாதை அருகே உள்ள ஓடையை சீரமைப்பது குறித்து ஆய்வு செய்தார்.
காலை 7.45மணிக்கு, வார்டு எண்.10, வேடியப்பன் கோயில் தெருவில் உள்ள புதர்மண்டி, பராமரிப்பின்றி சீர்கெட்டு இருக்கும் வேடியப்பன் குளத்தை பார்வையிட்டு ஆய்வு செய்தார். பின்னர் செய்தியாளர்களிடம், முன்னாள் அமைச்சர் எ.வ.வேலு பேசும்போது... இந்த வேடியப்பன் குளம் தூய்மை அருணை அமைப்பின் சார்பில் சீரமைக்கப் படும் என்று கூறினார்.
பின்னர் காலை 8.15 மணிக்கு, வார்டு எண்.4 பெரியார் சிலை பின்புறம் உள்ள மசூதி அருகே நடைபெறும் தூய்மைப் பணிகளை பார்வையிட்டு, மரம் பராமரித்தல் குறித்து ஆலோசனைகள் வழங்கினார்.
காலை 8.30மணிக்கு, வார்டு எண்.2, அம்பேத்கர் தெரு அருகில் உள்ள அறிவொளிப் பூங்காவில் நடைபெறும் தூய்மைப் பணியினை பார்வையிட்டும், அங்கு விளையாட வந்த மாணவர்கள் முன்னாள் அமைச்சர் எ.வ.வேலு விடம் விளையாட்டு உபகரணங்கள் கோரி மனு அளித்தனர். அவர்களுக்கு உடனடியாக விளை யாட்டு உபகரணங்கள் வழங்கிட மேற்பார்வையாளர்களிடம் கூறினார்.
காலை 8.45மணிக்கு, வார்டு எண்.1, பச்சையம்மன் கோயில் தெரு அருகில் உள்ள கருமாரியம்மன் கோயில் அருகில் நடைபெறும் வரும் தூய்மை பணி மற்றும் கால்வாய் தூர்வாரும் பணியினை பார்யிட்டு ஆய்வு செய்தார்.
காலை 9.00மணிக்கு, மலைவலப் பாதையில், தூய்மை அருணை அமைப்பால் பராமரிக்கப்படும் ரூ.92 இலட்சம் மதிப்பீட்டில் கட்டப்பட்ட புதிய உடல் ஒப்பனையகத்தை, ஆன்மீகப் பெருமக்களின் பயன்பாட்டிற்கு திறந்து வைத்தார்.
ஓவ்வொரு வார்டிலும் ஆய்வு செய்த முன்னாள் அமைச்சர் எ.வ.வேலு அங்கு தூய்மை பணியில் ஈடுபடும் மாணவர்கள் மற்றும் பெண்களிடம் நலம் விசாரித்து, அவர்களை ஊக்கப்படுத்தினார்.
தூய்மைப் பணியில் தூய்மை அருணையின் மேற்பார்வையாளர்கள் நாடாளுமன்ற உறுப்பினர் சி.என்.அண்ணாதுரை, இரா.ஸ்ரீதரன், ப.கார்த்திவேல்மாறன், ப்ரியா ப.விஜயரங்கன், இல.குண சேகரன், ஒருங்கிணைப்பா ளர்கள் அ.கோவிந்தன், செ.எழில்மாறன், ஏ.ஏ.ஆறுமுகம், ம.வினோத்குமார், எஸ்.கே.டி.வீரா, வழக்கறிஞர்கள் ம.செந்தில், கிருஷ்ணமூர்த்தி, பா.அரிகிரு ஷ்ணன், வழக்கறிஞர் ந.சீனுவாசன், இரா.அருண், மெட்ராஸ் கே.சுப்பிரமணி, காலேஜ் கு.ரவி, கே.காளிதாஸ், குட்டி க.புகழேந்தி, சி.சண்முகம், பி.ஆர்.நாகராஜ், கு.குமார், மண்டி.பிரகாஷ், மு.கருணாமூர்த்தி, இரா.ராஜாமணி, அ.திவாகர், அ.பழனி, கே.பிரகாஷ், பி.ஜி.முருகன், கோபி.சங்கர், சென்னை.சுரேஷ், முபாரக், லயன்.ஷெரீப். கா.ஏழுமலை, எஸ்.ஜாகீர், இரா.ஜோதி, கு.தியாகு, மூ.காமேஷ், ஹக்கிம்சேட், சி.கே.சசிக்குமார், கோல்டு.எஸ்.பிரபு மற்றும் மாட வீதி ஒருங்கிணைப்பாளர்கள் இல.குணசேகரன், சினம்.பெருமாள், ஆர்.கே.பி.பாஸ்கர், ஜீவ ரேகாவிஜயராஜ், அருணை.வெங்கட்உட்பட ஆயிரக்கணக்கான தூய்மைக் காவலர்களும் கலந்து கொண்டனர்.