காஞ்சிபுரம், ஜூன் 23–
சி.பி.எஸ்.சி. பள்ளிகளில் மூன்றுமொழிக் கொள்கை மூலம் மறைமுகமாக தமிழ் நாட்டில் இந்தியைத் திணிக்கும் ஒன்றிய பா.ஜ.க. அரசைக் கண்டித்தும், “நான் முதல்வன்” என்ற திட்டத்தின் பெயரை மாற்றிய த.வெ.க. அரசைக் கண்டித்தும் தி.மு.க. மாணவர் அணி சார்பில் இன்று காலை சென்னையில் ஆளுநர் மாளிகை முற்றுகைப் போராட்டத்தில் காஞ்சிபுரம் வடக்கு மாவட்டக் கழக மாணவர் அணியினர் ஆயிரக்கணக்கில் அணி திரண்டு பங்கேற்றிட வேண்டும் என்று மாவட்டச் செயலாளர் – முன்னாள் அமைச்சர் தா.மோ.அன்பரசன் வேண்டுகோள் விடுத்துள்ளார்.
இது குறித்து அவர் வெளியிட்டுள்ள அறிக்கை:–-
தமிழ்நாட்டில் ஒன்றிய பா.ஜ.க. அரசு சி.பி.எஸ்.சி. பள்ளிகளில் இந்தியைத் திணிக்கும் வகையில் மும்மொழிக் கொள்கையை அமல்படுத்த நடவடிக்கையை எடுத்து வருகிறது. மேலும் பி.எம்.ஸ்ரீ திட்டம் மூலமும் இந்தியைத் திணிக்க மறைமுக முயற்சிகளை மேற்கொண்டுள்ளது.
முதல்கட்ட நடவடிக்கையாக தமிழ்நாட்டில் உள்ள சி.பி.எஸ்.சி. பள்ளிகளில் 9–ஆம் வகுப்பில் மும்மொழிக் கொள்கை அமல்படுத்தப்படும் என்று ஒன்றிய அரசு அறிவித்துள்ளது.
இதற்கு தமிழ்நாட்டை ஆளும் த.வெ.க. மவுன அரசு வாய் திறக்காமல் உள்ளது. அதுமட்டும் அல்லாமல் திராவிட மாடல் நல்லாட்சியில் இளைஞர்களின் கல்வி கனவுகளை நிறைவேற்றிய அற்புத திட்டமான “நான் முதல்வன்” திட்டத்தின் பெயரை திறமையற்ற த.வெ.க. அரசு, திறன் தமிழ்நாடு என்று பெயர் மாற்றம் செய்துள்ளது.
கிராமப்புற தாழ்த்தப்பட்ட – பிற்படுத்தப்பட்ட ஏழை மாணவ – மாணவியர்களின் ஐ.ஏ.எஸ். – ஐ.பி.எஸ். கனவை நனவாக்கிய, நம்முடைய அன்புத்தலைவர் அவர்களின் உன்னத திட்டங்களில் ஒன்றான இந்த திட்டத்தின் பெயரை மாற்றியதைக் கண்டித்தும், தமிழ் நாட்டின் மொழி உரிமை – கல்வி உரிமை –- திணிக் கப்பட்ட நீட் தேர்வு -– ஒன்றியத்தில் கல்வி நிர்வாக அதிகார குவிப்பு மற்றும் இந்தித் திணிப்பு ஆகியவற்றைக் கண்டித்தும், நம்முடைய உயிரினும் மேலான அன்புத்தலைவர் அவர்களின் உத்தர வின்படியும் கழக இளைஞர் அணிச் செயலாளர் சட்டமன்ற எதிர்க்கட்சித் தலைவர் இளைய தலைவர் உதயநிதி ஸ்டாலின் அவர்களின் அறிவுறுத்தலின் படியும், தி.மு.கழக மாணவர் அணி சார்பில் சென்னையில் உள்ள ஆளுநர் மாளிகை முன்பு முற்றுகைப் போராட்டம் இன்று காலை நடைபெற உள்ளது. சென்னை சைதாப்பேட்டை கலைஞர் பொன்விழா வளைவு அருகில் இன்று காலை 9.00 மணியளவில் மாபெரும் கண்டன ஆர்ப்பாட்டம் நடைபெற உள்ளது.
இந்த மாபெரும் கண்டன ஆர்ப்பாட்டத்தில் நமது காஞ்சிபுரம் வடக்கு மாவட்டத்தில் இருந்து மாவட்ட - – மாநகர – - ஒன்றிய - – நகர - – பகுதி –- பேரூர் - – வார்டு – கிளைக் கழகங்களில் உள்ள மாணவர் அணி நிர்வாகிகள், கல்லூரி மாணவ- –மாணவியர்கள், இளைஞர்கள் என்று ஆயிரக்கணக்கில் அலைகடலென திரண்டு வந்து பங்கேற்று இக்கண்டன ஆர்ப்பாட்டத்தை வெற்றியடை யச் செய்து நம்முடைய காஞ்சிபுரம் வடக்கு மாவட்டத்திற்கு பெருமை சேர்க்க வேண்டும் என்று அன்புடன் கேட்டுக் கொள்கிறேன்.
இவ்வாறு அவர் அறிக்கையில் கூறியுள்ளார்.