புதுடெல்லி, ஜூன் 23
1971 ஆம் ஆண்டு மக்கள் தொகை கணக்கெடுப்பின் அடிப்படையிலேயே மக்களவை தொகுதிகளை மறுசீரமைப்பு செய்ய ஒன்றிய அரசு திட்டமிட்டுள் ளது. தொகுதிகளின் எண்ணிக்கை 50 சதவீதம் உயர்த்தப்படுவதால், தென்மாநிலங்களின் நாடாளுமன்ற பிரதிநிதித்துவம் குறையும் அபாயம் ஏற்பட்டுள்ளது. மழைக்கால கூட்டத் தொடரில் இதற்கான சட்டத்திருத்த மசோதா தாக்கல் செய்யப்படும் என்றும் எதிர்ப்பார்க்கப்படுகிறது.
புதிய பெண்கள் இட ஒதுக்கீடு மசோதா கடந்த எப்ரல் மாதம் நாடாளுமன்றத்தில் தாக்கல் செய்யப்பட்டது. அனைத்து எதிர்கட்சிகளும் அதனை எதிர்த்ததால் மசோதா தோல்வி அடைந்தது. இதனைத் தொடர்ந்து புதிய திருத்தத்துடன் மீண்டும் மசோதாவை தாக்கல் செய்ய ஒன்றிய அரசு திட்டமிட்டுள்ளது. 133 வது அரசியல் சாசன சட்டத் திருத்த மசோதாவாக இது கொண்டுவரப்பட உள்ளது. 1971 ஆம் ஆண்டு விகிதாச்சா ரப்படி தொகுதிகளின் எண்ணிக்கை 25 ஆண்டுகள் நீடிக்க வேண்டும் என 2021 ஆம் ஆண்டு கொண்டுவரப்பட்ட சட்டம் இந்த ஆண்டுடன் காலாவதி ஆகிறது. எனவே, புதிய மசோதா தாக்கல் செய்ய வேண்டிய கட்டாயத்தில் ஒன்றிய அரசு உள்ளது.
1971 ஆம் ஆண்டு மக்கள் தொகை கணக்கெடுப்பின் அடிப்படையிலேயே மக்களவை தொகுதிகளை மறுசீரமைப்பு செய்ய ஒன்றிய அரசு திட்டமிட்டு ள்ளது. மாநிலங்களுக்கான மக்களவை தொகுதிகளின் எண்ணிக்கையை 50 சதவீதம் அதிகரிக்கும் வகையில் புதிய மசோதா கொண்டு வரப்பட உள்ளது. அதே நேரத்தில் மக்களவை தொகுதிகளை, 2011 ஆம் ஆண்டு மக்கள் தொகை கணக்குப்படி மறுசீரமைப்பு செய்ய திட்டமி டப்பட்டுள்ளது.
பட்டியல் பிரிவினருக் கான தொகுதிகளை 84 லிருந்து 136 ஆகவும், மலைவாழ் மக்களுக்கான தொகுதிகளை 47 லிருந்து 70 ஆகவும் உயர்த்த திட்டமி டப்பட்டுள்ளது. இதற்கான 7 அரசியல் சட்டத் திருத்தங்களுடன் இந்த மசோதா தாக்கல் செய்யப்பட உள்ளது. பெண்களுக்கான 33 சதவீதம் இடஒதுக்கீட்டை பொறுத்தவரைதொகுதி மறுவறையரை ஆணையம் அமைக்கப்பட்டு 2011 மக்கள் தொகை கணக்குப்படி தொகுதிகளை முடிவு செய்யும் வகையில் மசோதாவை தாக்கல் செய்ய திட்டமிடப்பட்டுள்ளது. ஜூலை மூன்றாம் வாரத்தில் கூட உள்ள மழைக்கால கூட்டத்தொடரில் மசோதாவைதாக்கல் செய்ய தீவிர நடவடிக்கைகள் நடைபெற்று வருவதாகஒன்றிய அரசு வட்டாரங்கள் தெரிவித்துள்ளன.