சென்னை, ஜூன் 23 –

முதல்­வர் தொகு­தி­யில் மேலும் ஒரு டிரான்ஸ்­பார் ­மர் வெடித்து சித­றி­யது. இதன் கார­ண­மாக, விடிய விடிய மின்­சா­ரம் இல்­லா­மல் பொது­மக்­கள் பெரும் தவிப்­புக்கு உள்­ளார்­கள். தமி­ழ­கத்­தில் மின்­வெட்டு பிரச்னை தொடர்ந்து அதி­க­ரித்து வரு­வ­தால் பொது­மக்­கள் கடும் அவ­திக்­குள்­ளாகி வரு­கின்­ற­னர். அதி­லும் தலை­ந­கர் சென்­னை­யில் இரவு நேரங்­க­ளில் அடிக்­கடி ஏற்­ப­டும் மின்­வெட்­டால் பொது­மக்­கள் கடும் அவதி அடைந்து வரு­கின்­ற­னர்.

குறிப்­பாக தமி­ழக முதல்­வ­ரின் சொந்த தகு­தி­யான பெரம்­பூர் சட்­ட­மன்ற தொகு­தி­யில் கடந்த 20 நாட்­க­ளா­கவே மின் ­வெட்டு பிரச்னை பொது­மக்­களை ஆட்­டிப்­ப­டைத்து வரு­கி­றது. நள்­ளி­ரவு நேரங்­க­ளில் பொது­மக்­கள் சாலை மறி­ய­லில் ஈடு­பட்டு தங்­க­ளது பிரச்­னை­க­ளுக்கு தீர்வு கண்டு வரு­கின்­ற­னர். அந்த வகை­யில், கடந்த சில நாட்­க­ளுக்கு முன்பு வரை வியா­சர்­பாடி சர்மா நகர், முல்லை நகர், கண்­ண­தா­சன் நகர், கொடுங்­கை­யூர் முத்­த­மிழ் நகர் உள்­ளிட்ட இடங்­க­ளில் மின்­வெட்டு பிரச்னை அவ்­வப்­போது ஏற்­பட்டு வந்­தது.

பொது­மக்­க­ளின் தொடர் போராட்­டங்­கள் கார­ண­மாக அப்­ப­கு­தி­க­ளில் ஓர­ள­விற்கு நிலைமை தற்­போது சீர் செய்­யப்­பட்­டுள்­ளது. இருப்­பி­னும் இரவு நேரங்­க­ளில் சில இடங்­க­ளில் தொடர்ந்து மின்­வெட்டு பிரச்னை இருந்து வரு­கி­றது. இந்­நி­லை­யில் கடந்த சில தினங்­க­ளுக்கு முன்பு எம்­கேபி நகர் பகு­தி­யில் டிரான்ஸ்­பார்­மர் வெடித்து சிதறி இரவு முழு­வ­தும் பொது­மக்­கள் மின்­சா­ரம் இல்­லா­மல் தவித்­த­னர். அப்­ப­கு­தி­யில் உள்ள இரண்டு தனி­யார் பள்­ளி­க­ளுக்கு விடு­மு­றை­யும் விடப்­பட்­டது.

இந்த பிரச்னை தற்­போது சரி செய்­யப்­பட்ட நிலை­யில் நேற்று முன்­தி­னம் இரவு 11.40 மணி­ய­ள­வில் பெரம்­பூர் சட்­ட­மன்­றத் தொகு­திக்கு உட்­பட்ட கந்­தன் தெரு­வில் உள்ள டிரான்ஸ்­பார்­மர் உயர் மின்­ன­ழுத்­தம் கார­ண­மாக வெடித்து சிதறி தீப்­பற்றி எரிந்­தது. சிறிது நேரத்­தில் தீ அதி­க­மாக பரவி கொழுந்து விட்டு எரிய தொடங்­கி­ய­தால் அக்­கம் பக்­கத்­தி­னர் இது­கு­றித்து செம்­பி­யம் போலீ­சா­ருக்­கும், செம்­பி­யம் தீய­ணைப்பு நிலை­யத்­திற்­கும் தக­வல் தெரி­வித்­த­னர்.

செம்­பி­யம் தீய­ணைப்பு நிலைய வீரர்­கள் சம்­பவ இடத்­திற்கு வந்து தீயை அணைத்­த­னர். சுமார் 20 நிமி­டங்­கள் போராடி தீ கட்­டுக்­குள் கொண்­டு­வ­ரப்­பட்­டது. இத­னால் இரவு 12 மணி முதல் காலை நான்கு முப்­பது மணி வரை கந்­தன் தெரு, துள­சிங்­கம் தெரு, முர­னி­யப்ப தெரு, நட்­டால் கார்­டன் மற்­றும் அதனை சுற்­றி­யுள்ள பகு­தி­க­ளில் மின்­சா­ரம் இல்­லா­மல் பொது­மக்­கள் கடும் அவதி அடைந்­த­னர்.

தற்­போது கோடை வெயில் அதி­க­ரித்து உள்ள நிலை­யில் மின்­சா­தன பொருட்­களை பயன்­ப­டுத்த முடி­யா­மல் பெரும்­பா­லான மக்­கள் தெருக்­க­ளில் தங்­க­ளது இரவை கழித்­த­னர். மின்­வா­ரிய ஊழி­யர்­கள் நேற்று காலை முதல் டிரான்ஸ்­பார்­மரை சரி செய்­யும் பணி­யில் ஈடு­பட்­ட­னர்.