திருப்பூர், ஜூன்23 –
திருப்பூர் பெருச்சிபாளையம் அரசு துவக்க மருத்துவக்கல்லூரி மருத்துவமனையில் அமைச்சர் ஆய்வுப்பணியில் ஈடுபட்டிருந்த போது, அவருடன் மருத்துவக்கல்லூரி மற்றும் மருத்துவமனை மருத்துவர்களும், உயர் அலுவலர்களும் தொடர்ந்து சென்றனர்.
அப்போது, அங்கிருந்த அமைச்சரின் ஆதரவாளர்கள் திடீரென மருத்துவக் கல்லூரில் ஆர்.எம்.ஓ. உள்ளிட்ட மருத்துவர்களையும், அலுவலர்களையும் உள்ளே செல்ல விடாமல் தடுத்து நிறுத்தினர்.
அதே வேளையில், கைகளில் செல்போன்களுடன் வந்திருந்த த.வெ.க. கட்சி ஐ.டி. விங் நிர்வாகிகளை அமைச்சரின் ஆதரவாளர்கள் எவ்வித தடையுமின்றி உள்ளே அனுமதித்தனர்.
இதேபோல் அவசர சிகிச்சை பிரிவில் அமைச்சருடன் மருத்துவர்கள் அலுவலர்களை காட்டிலும் அவரது ஆதரவாளர்களும், த.வெ.க. ஐ.டி.விங் எனக் கூறிக்கொண்டு மொபைல் போனுடன் அதிகம் பேர் சென்றனர்.
மருத்துவர்களுக்கும், சிகிச்சை அளிப்பவர்களுக்கும் இடையூறு ஏற்படுத்தும் வகையில் அமைச்சர் ஆய்வை ஒவ்வொரு பக்கத்தில் இருந்து வெவ்வேறு கோணங்களில் வீடியோ எடுத்தபடியே சென்றனர்.
இதனால் மருத்துவர்கள் பெரும் சிரமத்திற் குள்ளாகினர்.