#Title

தி.மு. கழக அரசு செய்த சேவைகளை மறக்காமல் இஸ்லாமியர்கள் தி.மு.க.விற்கு என்றும் துணை நிற்பர்! தமிழ்நாடு உருது முஸ்லிம் நல அமைப்பின் செய்தித் தொடர்பாளர் சையது ஜப்பார் அறிக்கை!

சென்னை, ஜூன் 23–

‘‘தி.மு.கழக அரசு செய்த நன்மைகளை மறக்காமல் இஸ்லாமியர்கள் என்று தி.மு. கழகத்திற்கு துணை நிற்பர்’’ என்று தமிழ்நாடு உருது முஸ்லிம் நல அமைப்பு விடுத்துள்ள அறிக்கையில் கூறியுள்ளது.

இது குறித்து இவ்வமைப்பின் செய்தித் தொடர்பாளர் சையது ஜப்பார் விடுத்துள்ள அறிக்கை வருமாறு:–

மதச்சார்பற்ற கொள்கையை அடிப்படையாகக் கொண்டு செயல்பட்டு வரும் திராவிட முன்னேற்றக் கழகம் (திமுக) அரசு, தமிழ்நாட்டில் வாழும் சிறுபான்மை மக்களின் கல்வி, வேலைவாய்ப்பு, மொழி, மத உரிமைகள் மற்றும் சமூக பாதுகாப்பை உறுதி செய்வதில் தொடர்ந்து பல முக்கியமான திட்டங்களையும் வரலாற்றுச் சாதனைகளையும் மேற்கொண்டுள்ளது.

இந்திய வரலாற்றில் முதன்முறையாக பிற்படுத்தப்பட்டோர்மற்றும் சிறுபான்மையினருக்கானஇடஒதுக்கீட்டை உறுதி செய்து இயக்கமாக தி.மு.க. திகழ்கிறது. குறிப்பாக இஸ்லாமியர்களுக்கு 3.5% உள் இடஒதுக்கீட்டை வழங்கியதுடன், இஸ்லாமியர் மற்றும் கிறிஸ்தவர்களுக்கு தனித்தனியான இடஒதுக்கீட்டையும் சட்டபூர்வமாக வழங்கியது.

திராவிட முன்னேற்றக கழக ஆட்சியில் தான் மிலாது நமிக்கு தமிழக அரசு விடுமுறை தினமாக அறிவித்தது எங்களுக்கு கிடைத்த பரிசு ஆகும்.

உருது ஆசிரியர்கள் நியமனம்!

சிறுபான்மை மக்களின் நலன்களைப் பாதுகாக்கவும், அவர்களின் குறைகளை உடனுக்குடள் தீர்க்கவும் தமிழ்நாடு சிறுபான்மை யினர் நல ஆணையம் (Minorities Commission) உருவாக்கப்பட்டது. மேலும், உருது மொழியை மாநிலத்தின் இரண்டாவது அலுவல் மொழியாக அறிவித்து, உருது மொழி பேசும் மாணவர்களுக்காக உருது ஆசிரியர்கள் நியமனம் செய்யப்பட்டது.

சிறுபான்மையினர் நடத்தும் கல்வி நிறுவனங்களுக்கு உரிய பாதுகாப்பும், சிறுபான்மை அந்தஸ்தும் வழங்கப்பட்டு வருகிறது. சிறுபான்மை மாணவர்கள் கல்வி உதவித்தொகை தங்குதடையின் பெறவும், உயர்கல்வி நிறுவனங் களில் சேரவும் பல்வேறு வழிகாட்டு தல்கள் மற்றும் நலத்திட்டங்கள் செயல்படுத்தப்பட்டு வருகின்றன.

உலமாக்களுக்கு நல வாரியம்!

மேலும், இல்லாயியர்கள் புனித ஹஜ் பயணம் மேற்கொள்ள அரசு மானியம் மற்றும் பயண உதவிகளை வழங்கி வருகிறது. கிறிஸ்தவர்கள் ஜெருசலேம் புனித பயணம் மேற்கொள்ளவும் உதவித்திட்டங்கள் வழங்கப்பட்டுள்ளன. புதிய ஹஜ் கட்டடத்திற்காக நிலம் ஒதுக்கப்பட்டதுடன், உலமாக்கள் மற்றும் பள்ளிவாசல் பணியாளர்களுக்கான நல வாரியம் மூலம் ஓய்வூதியம் மற்றும் குடும்ப நல உதவித் திட்டங்களும் செயல்படுத்தப்பட்டுள்ளன. உலமாக்கள் மானிய விலையில் வாகனங்கள் வாங்குவதற்கும் அரசு உதவிகனை வழங்கியுள்ளது.

சிறுபான்மை மக்களின் உரிமைகள், கல்வி, பாதுகாப்பு மற்றும் முன்னேற்றத்திற்கு தொடர்ந்து பணியாற்றி வரும் தி.மு.க. அரசின் சேவைகளை சிறுபான்மை மக்கள் என்றும் நன்றியுடன் நினைவு கூர்வார்கள்.

இவ்வாறு அவர் தமது அறிக்கையில் கூறியுள்ளார்.