காஞ்சிபுரம், ஜூன் 23–
மும்மொழிக் கொள்கை என்ற பெயரில் இந்தியைத் திணிக்கும் ஒன்றிய பா.ஜ.க. அரசைக் கண்டித்தும், நான் முதல்வன் திட்டத்தின் பெயரினை மாற்றிய த.வெ.க. அரசைக் கண்டித்தும் தி.மு.க. மாணவரணி சார்பில் இன்று (23.6.2026) நடைபெறும் மாபெரும் கண்டன ஆர்ப்பாட்டத்தில் காஞ்சிபுரம் தெற்கு மாவட்டக் கழக மாணவரணியினர் பெருந்திரளாக கலந்து கொள்ள வேண்டுமாய் மாவட்டக் கழகச் செயலாளர் க.சுந்தர் அறிக்கையில் கேட்டுக் கொண்டுள்ளார்.
இது குறித்து மாவட்டக் கழகச் செயலாளர் க.சுந்தர் விடுத்துள்ள வேண்டுகோள் அறிக்கை வருமாறு:-
தமிழ்நாட்டில் பி.எம்.ஸ்ரீ. திட்டம் மூலம் இந்தியைத் திணிக்க ஒன்றிய பா.ஜ.க.அரசு முயற்சித்து வருகிறது.
சி.பி.எஸ்.சி. பள்ளிகளில்இந்தியைத் திணிக்கும் வகையில் மும்மொழிக் கொள்கையை திணிக்க நடவடிக்கையை ஒன்றிய பா.ஜ.க. அரசு எடுத்து வருகிறது. சி.பி.எஸ்.சி. பள்ளிகளில் 9–ஆம் வகுப்பில் மூம்மொழிக் கொள்கையை திணிக்க ஒன்றிய பா.ஜ.க.அரசு தீர்மானித்து அதன் முதற்கட்ட நடவடிக்கைகளை மேற்கொள்ளத் தொடங்கி விட்டது. இதற்கு த.வெ.க. மௌனஅரசு வாய்திறக்கவில்லை. மேலும் நீட் வினாத்தாள் கசிவு, தமிழகத்திற்கான ஒன்றிய அரசின் கல்வி நிதி நிலுவை,
அது மட்டுமல்லாமல் திராவிட மாடல் ஆட்சியில் மாணவர்களின் கனவு, இளைஞர்களின் கனவுகளை நிறைவேற்றிய திட்டம் தான் நான் முதல்வன் திட்டம், இத்திட்டத்திற்கு தற்போதைய த.வெ.க. அரசு “திறன் தமிழ்நாடு” (கூசூ ளுமடைட) என்று பெயர் மாற்றம் செய்துள்ளது. ஏழை மாணவர்களின் ஐ.ஏ.எஸ்., ஐ.பி.எஸ். கனவை நனவாக்கும் கழகத் தலைவரின் உண்ணதமான திட்டங்களில் இத்திட்டமும் ஒன்றாகும்.
இத்திட்டத்தின் மூலம் தமிழ்நாட்டில் ஏழை எளிய மாணவர்கள் ஐ.ஏ.எஸ். ஐ.பி.எஸ். என்று உயர்பதவியில் அமர்ந்த வரலாறுகள் தமிழகத்தில் உண்டு. அப்பெருமை எல்லாம் கடந்த கால திராவிட மாடல் ஆட்சி குறிப்பாக முத்துவேல் கருணாநிதி ஸ்டாலின் அவர்களுக்கு சென்று விடுமோ என்று அஞ்சிய மௌவுன முதல்வர் இத்திட்டத்திற்கு எடுத்தேன் கவிழ்த்தேன் என்கிற வகையில் இப்பெயரை மாற்றம் செய்துள்ளார்.
இதனையும் கண்டிக்கும் வகையிலும் இம் மும்மொழிக் கொள்கையை திணிப்பதை உடனடியாக கைவிட வலியுறுத்திடவும் கழகத் தலைவர் முத்துவேல் கருணாநிதி ஸ்டாலின் அவர்களின் உத்தரவின் படியும், சட்டமன்ற எதிர்க்கட்சித் தலைவர் உதயநிதி ஸ்டாலின் அவர்களின் அறிவுறுத்தலின் படியும்
தி.மு.க. மாணவர் அணி சார்பில் மாபெரும் கண்டன ஆர்ப்பாட்டம் நடத்துவது என்று சென்னை அண்ணா அறிவாலயத்தில் மாணவரணிச் செயலாளர் வீரமணி தலைமையில் நடைபெற்ற கூட்டத்தில் எடுக்கப்பட்ட முடிவின் படி இன்று (23.6.2026) காலை 9 மணிக்கு சென்னை சைதாப்பேட்டை, கைஞைர் பொன் விழா வளைவு அருகில் மாபெரும் கண்டன ஆர்ப்பாட்டம் நடைபெறவுள்ளது.
இந்த மாபெரும் கண்டன ஆர்ப்பாட்டத்தில் நமது காஞ்சிபுரம் தெற்கு மாவட்டத்தில் இருந்து மாவட்ட, மாநகர, ஒன்றிய, நகர, பேரூர், வார்டு கிளைக் கழகங்களைச் சேர்ந்த மாணவரணி நிர்வாகிகள், மாணவரணியினர், கல்லூரி மாணவர்கள் என்று நமது மாவட்டத்திற்கு மாணவரணியினால் பெருமை கிடைத்திடும் வகையில் ஆயிரக் கணத்தில் - பெருந்திரளாக மாணவர்கள் கலந்து கொண்டு இம் மாபெரும் மாணவரணி ஆர்ப்பாட்டத்தை வெற்றியடையச் செய்ய வேண்டுமாய் கேட்டுக்கொள்கிறேன்.
இவ்வாறு மாவட்டக் கழகச் செயலாளர் க.சுந்தர் அறிக்கையில் கேட்டுக் கொண்டுள்ளார்.