க டந்த மே 3 ஆம் தேதி­யன்று நீட் தேர்வு நடை­பெற்­றது. வினாத்­தாள் கசிவு கார­ண­மாக அந்­தத் தேர்வு ரத்து செய்­யப்­பட்­டது. மறு­தேர்வு நேற்­றைய தினம் (ஜூன் 21) நடை­பெற்­றது. மறு­தேர்வு பதற்­றம் கார­ண­மாக இந்­தியா முழு­வ­தும் 20 மாண­வர்­கள் தற்­கொலை செய்து கொண்­டுள்­ளார்­கள். இதில் நான்கு பேர் தமிழ்­நாட்­டைச் சேர்ந்­த­வர்­கள். தற்­கொ­லை­யைத் தூண்­டும் ஒரு தேர்வை இன்­ன­மும் ஏன் நடத்­து­கி­றீர்­கள்?

கோவை மாணவி அனு­கீர்த்­தனா, நீட் தேர்வு எழு­தத் தயா­ராகி வந்­தார். பதற்­றம் அதி­கம் ஆகி தற்­கொலை செய்து கொண்­டுள்­ளார். இவர் மே 3 நடை­பெற்ற நீட் தேர்­வை­யும் எழு­தி­ய­வர்­தான். ‘கடந்த முறை நன்­றாக எழு­தி­னேன். ஆனால் தேர்வு ரத்­தாகி விட்­டது’ என்று அவர் திரும்­பத் திரும்­பச் சொல்லி வந்­துள்­ளார்.

சேலம் கோபி­கா­வும் நீட் தேர்வு அச்­சம் கார­ண­மாக தற்­கொலை செய்து கொண்­டுள்­ளார். இரண்டு முறை தேர்வு எழு­தி­யும் நல்ல மதிப்­பெண் கிடைக்­க­வில்லை என்ற வருத்­தத்­தில் இருந்­துள்­ளார் கோபிகா. தேர்­வுக்­குத் தயா­ராகி வந்­த­வர் திடீ­ரென தற்­கொலை செய்து கொண்­டுள்­ளார். ‘நல்ல மதிப்­பெண் பெற முடி­யா­விட்­டால் அரசு மருத்­து­வக் கல்­லூ­ரி­யில் இடம் கிடைக்­காது’ என்று மகள் சொல்லி வந்­த­தாக அவ­ரது அப்பா சொல்­கி­றார்.

பாலக்­கோடு எண்­டப்­பட்டி கிரா­மத்­தைச் சேர்ந்த ரோஷினி தற்­கொலை செய்து கொண்­டுள்­ளார். நீட் தேர்வு எழு­தத் தயா­ராகி வந்­த­வர் தற்­கொலை செய்து விட்­டார்.

தர்­ம­புரி மாவட்­டம் பாக­லூர் வெற்­றி­யா­னந்­தம் என்ற மாண­வர் தற்­கொலை செய்து கொண்­டுள்­ளார். ஏற்­க­னவே மூன்று முறை தேர்வு எழு­தி­யும் மருத்­து­வப் படிப்­புக்கு இடம் கிடைக்­க­வில்லை. கடி­தம் எழுதி வைத்­து­விட்டு மர­ணத்­தைத் தழுவி இருக்­கி­றார்.

இதே போல் இந்­தியா முழு­வ­தும் கடந்த ஒரு மாதத்­தில் 20 மாணவ, மாண­வி­யர் தற்­கொலை செய்து கொண்­டுள்­ளார்­கள். மத்­தி­யப்­பி­ர­தே­சத்­தைச் சேர்ந்த 18 வயது மாணவி அகாங்ஷா சதுர்­வேதி உருக்­க­மான கடி­தம் எழுதி வைத்­து­விட்டு தற்­கொலை செய்­துள்­ளார்.

இவர் மத்­தி­யப் பிர­தே­சத்­தில் மோ கஞ்ச் மாவட்­டத்­தில் உள்ள மாக­னியா கிரா­மத்­தைச் சேர்ந்­த­வர். இவ­ரின் தந்தை கிருஷ்ண குமார் சௌபே விவ­சாயி. மக­ளின் படிப்­புக்­காக கிசான் கிரெ­டிட் கார்டு கடன் மூலம் கிட்­டத்­தட்ட 3 லட்­சம் ரூபாய் கடன் வாங்­கி­யி­ருந்­தார். தேர்வு ரத்­தா­ன­தால் மனம் உடைந்து தனது அறை­யில் தூக்­குப்­போட்டு தற்­கொலை செய்­து­கொண்­டார். அவர் ஒரு கடி­த­மும் எழுதி வைத்­துள்­ளார்.

அந்­தக் கடி­தத்­தில் மாணவி தனது அப்பா அம்­மா­வைக் குறிப்­பிட்டு, “உங்­கள் மகள் நன்­றா­கப் படித்து மருத்­து­வர் ஆவாள் என்று மிகுந்த நம்­பிக்கை வைத்­தி­ருந்­தீர்­கள். ஆனால் மீண்­டும் ஒரு நீட் தேர்வை எழுத எனக்கு இப்­போது தைரி­யம் இல்லை. என்­னு­டைய முதல் முயற்­சி­யில் நான் நல்ல மதிப்­பெண்­கள் பெற்­றேன். ஆனால் இப்­போது மீண்­டும் நான் சிறப்­பான மதிப்­பெண் பெறு­வேன் என்­ப­தற்கு எந்த உத்­த­ர­வா­த­மும் இல்லை. என்னை மன்­னித்து விடுங்­கள். நான் எல்­லா­வற்­றை­யும் பாழாக்­கி­விட்­டேன்” என்று உருக்­க­மாக எழு­தி­யி­ருக்­கி­றார்.

இப்­படி எத்­த­னையோ பேரின் வாழ்க்­கை­யைச் சிதைத்து வரு­கி­றது நீட் தேர்வு. ஒழுங்­காக ஒரு தேர்­வைக்­கூட நடத்­தத் தெரி­யாதா?

இளங்­கலை மருத்­து­வப் படிப்­புக்­கான நீட் தேர்வு மே - 3 – ஆம் தேதி நாடு முழு­வ­தும் நடத்­தப்­பட்­டது. 22.79 லட்­சம் மாண­வர்­கள் இத்­தேர்வைஎழு­தி­னார்­கள். இந்­தத் தேர்­வையே தேசிய தேர்வு முகமை ரத்து செய்­தது.கேள்­வித்­தாள் கசிந்து விட்­ட­தா­கச் சொல்லி ரத்து செய்­வ­தா­கச் சொன்­னார்­கள். 2016 முதல் ஒவ்­வொரு ஆண்­டும் இது­போல ஏதா­வது ஒரு பிரச்­சினை இத்­தேர்­வில் நடப்­பது வழக்­க­மா­ன­து­தான். ஆள்­மா­றாட்­டம் செய்து தேர்வு எழு­து­வது அதி­கம் நடப்­ப­தும் இந்­தத் தேர்­வில்­தான். கேள்­வித்­தாள் லட்­சக்­க­ணக்­கில் விற்­ப­தும் இந்­தத் தேர்­வில்­தான். சி.பி.ஐ. விசா­ரணை நடத்­து­வ­தும் இந்­தத் தேர்­வில்­தான். மாண­வர்­கள், பெற்­றோர்­கள் கைதாகி இருப்­ப­தும் இந்­தத் தேர்­வில்­தான். இப்­படி ஒரு தேர்வை எதற்­காக நடத்த வேண்­டும்?

நீட் தேர்வு கேள்­வித்­தாள் கசிவு விவ­கா­ரத்­தில் ராஜஸ்­தா­னைச் சேர்ந்த பா.ஜ.க. இளை­ஞ­ர­ணிச் செய­லா­ளர் தினேஷ் பின்­வா­லும் அவ­ரது சகோ­த­ரர் மன்­கி­லால் பின்­வா­லும் சி.பி.ஐ.யால் கைது செய்­யப்­பட்­டுள்­ள­னர். இவர்­கள் குடும்­பத்­தில் கடந்த ஆண்டு மட்­டும் நான்கு பேர் நீட் தேர்வு எழுதி தேர்ச்சி பெற்­றுள்­ளார்­கள். இந்த ஆண்டு தினேஷ் பின்­வா­லின் மகன் நீட் தேர்வு எழுதி இருக்­கி­றார். கேர­ளா­வில் எம்.பி.பி.எஸ். படிக்­கும் ராஜஸ்­தான் மாண­வ­ருக்கு முத­லில் இந்­தக் கேள்­வித்­தாள் கிடைத்­துள்­ளது. அவர் மூல­மாக ராஜஸ்­தா­னுக்கு அனுப்பி வைக்­கப்­பட்­டுள்­ளது. 2 முதல் 5 லட்­சம் ரூபாய்க்கு இது விற்­கப்­பட்­டுள்­ளது. இப்­ப­டித்­தான் ஒவ்­வொரு முறை­யும் நடக்­கும். அதற்­காக தேர்­வு­களை ரத்து செய்து கொண்டே போவீர்­களா? யாரோ சிலர் செய்­யும் தவ­றுக்­காக லட்­சக்­க­ணக்­கான மாண­வர் உயி­ரோடு விளை­யா­டு­வதா?

ஒரு தேர்­வைக்­கூட ஒழுங்­காக, சர்ச்­சைக்கு இட­மில்­லாத வகை­யில், புகார் வராத வகை­யில் ஒன்­றிய அமைச்­சர் தர்­மேந்­திர பிர­தா­னால் நடத்த முடி­ய­வில்லை. தர்­மேந்­திர பிர­தான் பதவி விலக வேண்­டும் என்ற கோரிக்கை வலுத்து வரு­கி­றது. ‘தர்­மேந்­திர பிர­தான் பதவி வில­கும் வரை ஜந்­தர் மந்­தரை விட்டு வெளி­யேற மாட்­டோம்’ என இளை­ஞர்­கள் போராட்­டம் தொடங்கி இருக்­கி­றார்­கள்.

நீட் தேர்வை ரத்து செய்ய வேண்­டும் என்று தமிழ்­நாடு சட்­ட­மன்­றத்­தில் மூன்று முறை மசோதா நிறை­வேற்­றப்­பட்டு குடி­ய­ர­சுத் தலை­வ­ருக்கு அனுப்பி இருக்­கி­றோம். ஆனால் குடி­ய­ர­சுத் தலை­வர் ஒப்­பு­தல் தர­வில்லை.

ஒட்­டு­மொத்­த­மாக இந்­தத் தேர்வு முறை­யையே ரத்து செய்­தாக வேண்­டும். மோச­டித் தேர்­வுக்கு முத­லில் முற்­றுப்­புள்ளி வையுங்­கள்.

•