சென்னை, ஜூன்.24–
‘தி.மு.க. நெருக்கடி காலத்திற்கே அஞ்சாத இயக்கம். எங்கள் மடியில் கனமில்லை. வழியிலே பயமில்லை. ஆளும் த.வெ.க. அரசின் உருட்டல் மிரட்டல்களுக் கெல்லாம் பயப்பட மாட்டோம்’ என ஊட்டியில் ‘கோவில் மல்டி லெவல் கார் பார்க்கிங்’ பற்றிய செய்தியாளர்களின் கேள்விக்கு முன்னாள் அமைச்சர் பி.கே.சேகர்பாபு செய்தியாளர்களிடம் தெரிவித்தார்.
அவரது பேட்டி வருமாறு:–
ஊட்டியில் அமைந்திருக்கின்ற 52 திருக்கோயில் களுக்கும் நான் ஐந்து நாட்கள் முழுமையாக ஆய்வினை மேற்கொண்டேன். அந்த இடம், பத்தாயிரம் சதுரடி பரப்பளவு கொண்ட, அந்த விநாயகர் கோயிலுக்குச் சொந்தமான இடம். அந்த இடத்தில் ஏற்கனவே நகராட்சியும் ‘மல்டி லெவல் கார் பார்க்கிங்’ கட்டுவதற்குத் தேவை இருக்கிறது என்று கூறியிருந்தது.
இந்த வகையில் நாம் அந்த இடத்தை ஆய்வு செய்து, அன்றைய சட்டப்பேரவை உறுப்பினராகவும் அந்த மாவட்டத்தினுடைய அமைச்சராகவும் இருந்த அருமை அண்ணன் ராமச்சந்திரன் அவர்கள் கோரி க்கை வைத்ததற்கிணங்க, இதைப் பரிசீலித்து, இக்கோயிலுக்குத் தேவைப்படுகின்ற நிதியை மருதமலை திருக்கோயிலிலிருந்து கடனாகப் பெறுவதற்கு, அவர்களுக்கு இந்தத் திருக்கோயி லுடைய செயற்பொறியாளர் ஒரு தாக்கீது அனுப்பி, அதன் அடிப்படையில் அந்தத் திருக்கோயிலில் இருக்கின்ற துணை ஆணையர் அவர்கள் பரிந்துரைத்து, அது இணை ஆணையர் வாயிலாக ஆணையருக்குச் சென்று, அன்றைக்கு அரசாணை பிறப்பிக்கப்பட் டது.
அந்தத் திருக்கோயிலு டைய நிதியைப் பயன்படுத்துவதற்கு, அந்த மருதமலைத் திருக்கோயில் அறங்காவலர்கள் அன்றைக்குச் சம்மதம் தெரிவித்துத் தீர்மானம் நிறைவேற்றியிருக்கின் றார்கள். இதில் எங்கு, என்ன தவறு நடந்தது என்று அவர் நேற்றுச் சொன்னார் என்றே தெரியவில்லை.
நிச்சயமாகச் சொல்கிறேன்... வணிகரீதியானது என்பது அந்தத் திருக்கோயி லுக்குத் தேவையான வருமானங்களை ஈட்டுகின்ற ஒரு முயற்சியாகும். குன்னூர் என்பது சுற்றுலாப் பகுதி; தினந்தோறும் ஆயிரக்கணக்கான மக்கள் வந்து செல்கின்ற பகுதி. அந்தப் பகுதியிலே வாகனங்கள் நிற்பதற்குக்கூட இடங்கள் இல்லாத ஒரு சூழல்; பெரிய கடையின் முன்புகூட ஒரு இருசக்கர வாகனத்தைக் கூட நிறுத்த அனுமதிக்க முடியாத ஒரு சூழல். திருக்கோயிலுக்கு வருகின்ற பக்தர்கள் பயன்பாட்டிற்கு மாத்திரமல்லாமல், அங்கு வருகின்ற சுற்றுலாப் பயணிகளுடைய பயன்பாட்டிற்கும் அந்த ‘மல்டி லெவல் கார் பார்க்கிங்’ கட்டிக் கொடுக்கப்பட்டால், அதில் நிர்ணயிக்கப்படுகின்ற அந்தக் கட்டணத்தை வைத்து, ஊட்டியில் நலிவடைந்த நிலையில் உள்ள 52 திருக்கோயில்களின் அடிப்படைத் தேவைகளுக்கு, அதில் வருகின்ற வருவாயை முழுமையாகப் பயன்படுத்த முடியும் என்ற தொலைநோக்குப் பார்வையுடன் கடந்த திராவிட மாடல் ஆட்சியில் தொடங்கப்பட்டது.
அதை முழுமையாக உணராமல், புரியாமல் ஒரு அமைச்சர் அவசர கதியில் பேசுகிறார். எனவே, இந்தப் பேட்டியைப் பார்த்த பிறகாவது, அந்தத் திட்டம் ஏன் கொண்டு வரப்பட்டது, அந்தத் திட்டம் ஏன் செயல்படுத்துவதற்கு முயற்சிக்கப் பட்டது என்ற உண்மை நிலையை அவர் உணர வேண்டும். இதுவரையில் அந்தத் திட்டத்திற்கு உண்டான அனுமதி ரத்து செய்யப்படவில்லை என்பதையும் இந்த நேரத்தில் தெரிவித்துக் கொள்கிறேன்.
‘மல்டிலெவல் கார் பார்க்கிங்’
பத்திரிகையாளர்: அமைச்சர் குறிப்பாகச் சொல்லும்போது, 500 பேர் கூட வராத ஒரு இடத்திற்கு எதற்கு ‘மல்டி லெவல் கார் பார்க்கிங்’ என்று கேட்கிறார்?
500 பேர் கோயிலுக்கு வருவதற்காக மட்டுமல்ல; ஐந்தாயிரத்திற்கும் மேற்பட்டவர்கள், ஐம்பதாயிரத்திற்கும் மேற்பட்டவர்கள், லட்சத்திற்கும் மேற்பட்ட வர்கள் விடுமுறைக் காலங்களிலும், கோடைக் காலங்களிலும் சுற்றுலாப் பயணிகளாக வருபவர்களுக்காகத் தான் அந்த கார் பார்க்கிங் ஏற்படுத்தப்பட்டதே தவிர, வெறும் திருக்கோயிலுக்கு வருபவர்களின் பயன்பாட்டிற்கு மாத்திரம் ஏற்படுத்தப்படவில்லை.
அதோடு, நலிவடைந்த திருக்கோயில்களுடைய நிலையை மேம்படுத்துவதற்காகவும், வருகின்ற பக்தர்களுக்குத் தேவையான அடிப்படை வசதிகளைச் செய்வ தற்கு உண்டான வருவாயை உயர்த்துவதற்காகவும் தான் இந்த நடவடிக்கை எடுக்கப்பட்டது. அறிவு சார்ந்த அனைவரும் இதை வரவேற்பார்கள்.
பத்திரிகையாளர்: சட்டசபையில் விளக்கம் கொடுப்பதற்கே இடமளிக்காதது குறித்து?
நிச்சயமாக... சட்டமன்றத்தைப் பொறுத்தவரையில், நீங்கள் அறியாதது ஒன்றுமில்லை; தெரியாதது ஒன்றுமில்லை. முழு விளக்கம் கிடைக்கும் அல்லது அமைச்சர்கள் கூறிய கருத்திற்கு எதிர்கருத்து வாதம் சரியாக இருக்கும் என்றால், எப்போதுமே அனுமதி தர மாட்டார்கள், அனுமதி மறுப்பார்கள். அதுதான் நேற்றைக்கு முழுமையாக அனுமதி மறுக்கப்பட்டது.
நாங்கள் அடிக்க அடிக்க
உயர்கிற பந்து
பத்திரிகையாளர்: மக்கள் பணத்தை ஒரு பைசா கூட தொட மாட்டோம்; தொட்டவர்களையும் சும்மா விடமாட்டோம்... ஊழலை வெளிப்படுத்தப் போகிறோம். குறித்து?
கொஞ்சம் நாள் பொறுத்த பிறகு இதையெல்லாம் சந்திக்கலாம் என்று இருந்தோம். இது நெருக்கடி காலத்திற்கே அஞ்சாத இயக்கம்; இது போன்ற உருட்டல், மிரட்டல்களுக்கெல்லாம் பயப்படுவோமா! மடியிலே கனமில்லை, வழியிலே பய மில்லை. ஏதாவது அவர்களிடம் குற்றங்கள் ஆதாரபூர்வமாக இருந்தால், நிச்சயமாக அதன் மீது அவர்கள் என்ன நடவடிக்கை எடுத்தாலும் சட்டப்படி சந்திக்கத் தயாராக இருக்கின்றோம். இன்னும் அடிக்க அடிக்க உயர்கின்ற பந்தாகத்தான் திரா விட முன்னேற்றக் கழகம் மேலும் மேலும் எழுந்து, நிமிர்ந்து, திமிறி நிற்கும். இது போன்ற உருட்டல், மிரட்டல்களுக்கெல்லாம் அஞ்சுகின்ற இயக்கம் திராவிட முன்னேற்றக் கழகம் அல்ல.
பதிலடி
பத்திரிகையாளர்: சட்டசபையில் முதலமைச்சர் பேசும்போது, ஒரு ‘சைகை’ ஒன்று காண்பித்தார். ‘அப்பாவைக் காணோம்’ என்று ஒரு குட்டிக் கதை சொன்னார். குறித்து?
அதற்குத் தகுந்த பதிலடியை, எங்களுடைய முன்னாள் துணை முதல்வர், இன்றைய எதிர்க்கட்சித் தலைவரும் ஆளுமையோடு அனைத்தையும் பதிவு செய்திருக்கின்றார். அவர் பேசுவதற்கு உண்டான வாய்ப்பை முழுமையாக நல்கியிருந்தால், நிச்சயமாக அங்கேயே பேசியிருப்பார்; அங்கேயே அதற்குத் தகுந்த பதிலடி தந்திருப்பார். எனவே, நானும் ஐந்தாவது முறையாகச் சட்டமன்ற உறுப்பினராக இருக்கின்றேன். சட்டமன்றத்தில் ஜனநாயக முறைப்படி கடந்த காலங்களில் பல்வேறு முதலமைச்சர்கள் பேசுகின்ற பொழுது, எதிர்க்கட்சித் தலைவரின் குறுக்கீட்டை எல்லாச் சபாநாயகர்களும் அனுமதிப்பார்கள். அதேபோல் எதிர்க்கட்சியினரின் குறுக்கீடுகளை முதலமைச்சர்களும் ஏற்றுக்கொண்டு, அவருடைய குறு க்கீடுகளைக் கேட்டு அதற்கு விளக்கம் அளிப்பார்கள்.
ஏன், கடந்த காலங்களில் ஜனநாயகத்தின் நம்பிக்கை நட்சத்திரமாக இருந்த எங்கள் திராவிட மாடல் ஆட்சியின் தலைவர், எதிர்க்கட்சியினுடைய துணைத்தலை வர், கொறடா போன்றவர்கள் கூட முதலமைச்சர்கள் பேசுகின்ற பொழுது எழுந்து குறுக்கீடு செய்தால், அனுமதித்து அதற்குப் பதிலளிப்பார். ஆனால், இவர் தயாரித்து வந்ததைத் தவிர வேறு எதையும் பேசுகிற நிலை இல்லாததால், சபாநாயகர் அதற்கு அனுமதி அளிக்கவில்லை; அனுமதி மறுத்தார்.
இவ்வாறு பி.கே.சேகர்பாபு தெரிவித்தார்.
முத்தமிழறிஞர் கலைஞர் அவர்களின் 103 வது பிறந்தநாள் விழாவை முன்னிட்டு சென்னை தெற்கு மாவட்டம், மதுரவாயல் தெற்குப் பகுதி, 153 வது வட்ட தி.மு.க. சார்பில் 1000 நபர்களுக்கு வேட்டி, சேலை வழங்கும் விழா வட்டக் கழகச் செயலாளர் தி.சார்லஸ் ஏற்பாட்டில் பகுதிக் கழகச் செயலாளர், முன்னாள் சட்டமன்ற உறுப்பினருமான காரம்பாக்கம் க.கணபதி முத்தமிழறிஞர் கலைஞர் அவர்களுடைய திருவுருவப் படத்திற்கு அஞ்சலி செலுத்தி கழக கொடியேற்றி நலத்திட்ட உதவிகள் வழங்கி உரையாற்றினார். வட்டக் கழக அவைத் தலைவர் க.நடராஐன் நிகழ்ச்சிக்கு தலைமை வகித்தார். இதில் தலைமை செயற்குழு உறுப்பினர் எஸ்.அருணாச்சலம், மாமன்ற உறுப்பினர் சாந்தி ராமலிங்கம், பி.எம்.செல்வராஜ், இரா.பால்பாண்டியன், ராமலிங்கம் மற்றும் கழக நிர்வாகிகள், கழக மூத்த முன்னோடிகள் பலர் கலந்து கெண்டனர்.