எ ளிய மக்­க­ளின் பெரும் நம்­பிக்­கை­யாக தமிழ்­நாட்­டின் கல்வி அமைப்பு திகழ்ந்து­ கொண்­டி­ருக்­கி­றது. தங்­க­ளின் பிள்ளை­ களை­யும் தங்­க­ளது தலை­மு­றை­யை­யும் கல்­வி­யால் முன்­னேற்­றி­வி­ட­லாம் எனும் பேரா­வல் அடித்­தட்டு மக்­க­ளி­டம் இருக்­கி­றது. அதன் கார­ண­மா­கத்­தான் தாங்­கள் என்ன மாதி­ரி­யான பொரு­ளா­தார சமூக இன்­னல்­க­ளுக்கு ஆளா­னா­லும், தங்­க­ளின் பிள்­ளை­களை பள்­ளி­க­ளுக்கு அனுப்­பு­வதை முதன்மை பணி­யாக கரு­து­கி­றார்­கள் விளிம்­பு­நி­லை­யில் உள்ள மக்­கள். தங்­க­ளின் வீட்­டில் என்ன சுக துக்­கங்­கள் நிகழ்ந்­தா­லும் பிள்­ளை­களை உட­ன­டி­யாக பள்­ளி­க­ளுக்கு அனுப்­பு­வதை கட­மை­யா­கவே செய்து வரு­கி­றார்­கள் நமது மக்­கள்!

இது­போன்ற நம்­பிக்கை அளிக்­கும் கல்வி அமைப்­பிற்கு பெரும் வெளிச்­ச­மாக இருப்­பது அர­சுப் பள்­ளி­கள்­தான்! அர­சுப் பள்­ளி­கள்­தான் எளிய மக்­க­ளின் எதிர்­கால அர­ணா­கத் திகழ்­கி­றது. விடு­த­லைக்­குப் பிற­கான தமிழ்­நாட்­டில் ஆட்சி மாற்­றங்­கள் நடந்­தா­லும், ஒவ்­வொரு ஆட்­சி­யா­ள­ரும் பள்­ளி­க­ளில் மகத்­தான சாத­னை­களை படைத்­தார்­கள் என்­பதை மறுப்­ப­தற்­கில்லை. இத்­தொ­டர்ச்சி என்­பது அர­சி­யல் கடந்த சிந்­த­னை­யில் மகிழ்ச்­சியை தரக்­கூ­டி­யது. ஆனால் இன்­றைய சூழ­லில் கல்வி அமைப்பை காக்­கும் அர­சுப் பள்­ளி­கள் எனும் பெருஞ்­சு­வற்றை தகர்க்­கும் வேலை­கள் நடந்­து­கொண்­டி­ருப்­ப­தா­கவே தோன்­று­கி­றது.

சமூக ஊட­கங்­க­ளில் ‘இனி­மேல் இது­தான் கட­வுள் வாழ்த்து…’ என ஒரு படப்­பா­டலை காண்­பித்து நய்­யாண்டி செய்­கி­றார்­கள். ஆனால் இந்த நய்­யாண்டி என்­பது உண்­மை­யின் மறு­வ­டி­வ­மா­கவேஉள்­ளது என்­பதை மறுக்க முடி­ய­வில்லை. கவலை மேலோங்கு­ கிறது!

‘A B C D, அ ஆ இ ஈ…’ எனச் சொல்ல வேண்­டிய மாண­வச் செல்­வங்­க­ளும், தாங்­கள் படித்­ததை ஆசி­ரி­யர்­க­ளி­டம் வாசித்­துக்­காட்ட வேண்­டிய மாண­வர்­க­ளும் கைக்­கட்­டிக் கொண்டு ‘நண்பா… நண்பா…’ என படப்­பா­டலை பாடிக்­கொண்­டி­ருக்­கி­றார்­கள். இதனை த.வெ.கட்­சி­யி­னர் ரசித்து வீடி­யோ­வும் எடுத்­துள்­ளார்­கள் என்­பது வக்­கி­ர­மா­னது. குழந்­தை­களை பள்­ளிக்கு அனுப்­பி­விட்டு, அன்­றா­டப் பணியை செய்­து­கொண்­டி­ருக்­கும் பெற்­றோர்­க­ளுக்கு இந்த அவ­லம் அந்­நே­ரத்­தில் தெரிந்­தி­ருக்க வாய்ப்­பில்லை. பள்ளி முடிந்து வீட்­டிற்கு வரும் குழந்­தை­களை அதட்டி ‘டிவி பார்க்­காம படி…’ என்­பார்­கள் பெற்­றோர்­கள். ஆனால் சில குரூ­ர­மா­ன­வர்­கள் பள்­ளிக்கு சென்ற குழந்­தை­க­ளி­டம் ‘படிக்­காதே பாட்­டுப் பாடு…’ என்­கி­றார்­கள். எளிய மக்­க­ளின் வருங்­கால நம்­பிக்­கையை, ஒரு தலை­மு­றையை கெடுக்­கும் செயல் தொடங்­கி­யுள்­ளது.

உயர்­கல்­வித் துறை அமைச்­சர் ஒரு பள்­ளிக்கு சென்று நட­னம் ஆடு­கி­றார். அதில் தவ­றில்லை. ஆனால், அந்­தப் பாட்­டின் வரி­க­ளும், அங்கே வெளிப்­பட்டபக்­கு­வ­மின்­மை­யும் முகம் சுளிக்க வைக்­கின்­றன. “Good Touch Bad Touch” பற்றி சொல்­லிக்­கொ­டுக்க வேண்­டிய அமைச்­சரே குழந்­தை­க­ளி­டம் நடந்­து­கொள்­ளும் விதம் என்­பது அமைச்­ச­ருக்­கா­னது அல்ல. அநா­க­ரி­க­மான செயலை அமைச்­சரே செய்­து­கொண்­டி­ருக்­கி­றார்!

யாரை குளிர்­விக்க மாண­வர்­களை பயன்­ப­டுத்­து­கி­றார்­கள் ஆளுங்­கட்­சி­யி­னர் என்­பது புரி­ய­வில்லை. மாண­வர்­களை கொண்டு முத­ல­மைச்­ச­ரின் படத்தை வரை­வது! முத­ல­மைச்­சர் படத்தை வரைந்து அதில் மாண­வர்­களை அமர வைத்து சாத­னை­கள் நிகழ்த்­து­வது என்­பது யாருக்­காக? மாண­வர்­கள் தங்­க­ளின் திற­மை­யின் மூலம் சாதனை படைக்க ஊக்­கு­விக்க வேண்­டும் எனும் எண்­ணம் உங்­கள் அர­சுக்­கும் உங்­கள் கட்­சிக்­கும் இருப்­ப­தாக தெரி­ய­வில்லை. இது­போன்ற செயல்­கள் மாண­வர்­க­ளின் திசை­வ­ழியை மடை­மாற்­று­வது மட்­டு­மல்­லா­மல், தமிழ்­நாட்­டின் நம்­பிக்­கையை சிதைப்­பது ஆகும். “வாழ்க” கோஷத்­தை­யெல்­லாம் மாண­வர்­கள் சொல்ல தூண்­டும் சமூக விரோ­தி­கள் யார்? அவர்­கள் மீது எடுக்­கப்­பட்ட நட­வ­டிக்கை என்ன? தய­வு­செய்து பள்­ளி­களை விட்டு வெளியே போய்­வி­டுங்­கள்!

பள்­ளி­க­ளுக்­குள் நுழைய வேண்­டும் என்­றால் மக்­கள் பிர­தி­நி­தி­கள்­தான் செல்ல வேண்­டும். கட்சி பிர­தி­நி­தி­க­ளுக்கு அங்கே எவ்­வித அனு­ம­தி­யும் கிடை­யாது! பள்ளி நிர்­வா­கம் அனு­ம­தித்­தா­லும் அங்கே முத­ல­மைச்­ச­ரின் போட்­டோவை காட்டி மாண­வர்­களை உணர்ச்சி வசப்­ப­டுத்த எந்த அதி­கா­ர­மும் உங்­க­ளுக்கு கிடை­யாது! படிப்­ப­றை­யில் மாண­வர்­கள் – ஆசி­ரி­யர்­களை தவிர உங்­க­ளுக்கு என்ன வேலை? உங்­க­ளின் வெற்று புரட்­சி­களை மக்­க­ளி­டம் வந்து காண்­பி­யுங்­கள். உங்­க­ளின் செயல் மாண­வர்­க­ளின் கைக­ளில் இருந்து புத்­த­கத்தை பிடுங்­­குவது போல் உள்­ளது.

இதை எடுத்­துச் சொல்­வ­தற்கு அக்­கட்­சி­யில் எவ­ருமே இல்லை என்­ப­து­தான் சகித்­துக்­கொள்ள முடி­யாத உண்­மை­யா­க­வும் இருக்­கி­றது. பாசிச மனப்­பான்­மை­யில் முத­ல­மைச் ­சரும் த.வெ.க தலை­வ­ரு­மான விஜய் உள்­ளாரா? எனும் சந்­தே­கம் எழு­கி­றது. அடுத்த தலை­மு­றை­யின் கண்­கள் புத்­த­கத்­தை­யும் கரும்­ப­ல­கை­யை­யும் மட்­டுமே பார்க்க வேண்­டுமே தவிர, உங்­க­ளின் அநா­க­ரி­யங்­களை பார்க்­கக் கூடாது. ‘கடமை கண்­ணி­யம் கட்­டுப்­பாடு’என்ற பேர­றி­ஞர் அண்­ணாவை மேற்­கோள் காட்­டும் தாங்­கள், தங்­க­ளின் கட்­சி­யி­ன­ருக்கு கட்­டுப்­பாடு என்­றால் என்ன? என ஒரு அறிக்­கை­யா­வது விட்­டுள்­ளீர்­களா? கொஞ்­சம் கூட நாக­ரி­கம் இல்­லா­மல் பள்­ளி­க­ளுக்கு த.வெ.க கொடியை கட்­டு­வ­தெல்­லாம் உங்­க­ளின் கண்­க­ளுக்கு தெரி­கி­றதா சி.எம். சார். இதற்கு கூட வாயைத் திறக்க மாட்­டீர்­களா?

உங்­களை நான் விமர்­சிக்­க­வில்லை. உங்­கள் குற்­றங்­களை சுட்­டிக்­காட்­ட­வில்லை! அன்­பான வேண்­டு­கோள் மட்­டுமே விடுக்­கி­றேன்.

‘தய­வு­செய்து அர­சுப் பள்ளி மாண­வர்­களை தொந்­த­ரவு செய்ய வேண்­டாம்’ என்று மட்­டும் சொல்­லுங்­கள். ‘அவர்­கள் பகுத்­த­றிவு கொண்ட மனி­தர்­க­ளாக உரு­வாக வேண்­டும். அத­னால் அவர்­களை தொந்­த­ரவு செய்­யா­தீர்­கள் நண்பா நண்­பீஸ்’ என ஒரு முறை­யே­னும் சொல்­லி­ வி­டுங்­கள்.

இனி­மே­லும் அரசு கண்­ணைக் கட்­டிக்­கொண்டு இருக்­கக் கூடாது! எளிய மக்­க­ளின் நம்­பிக்கை காப்­பாற்­றப்­பட வேண்­டும். அர­சுப் பள்ளி வளா­கங்­க­ளுக்­குள் அநா­க­ரி­மான செயல்­களை அரங்­கேற்­றம் செய்­யா­தீர்­கள்.