#Title
மொ
மொகஞ்சதாரோவின் புகழ்பெற்ற நடன மங்கையின் சிலையும் என்.சி.இ.ஆர்.டியின் நிலையும்!
கஞ்சதாரோ–-(அரப்பா) நாகரிகம் சம்பந்தமான புத்தகங்களைப் படித்தவர்களுக்கு அதிலுள்ள நடன மங்கையின் வெண்கலச் சிலையைப் பார்க்காமல் படித்திருக்க முடியாது. அச்சிலை வடிவிலுள்ள நடன மங்கைக்கு சில ஆபரணங்கள் அணிவிக்கப்பட்டு இருக்கும். நிற்கிற வடிவமாய் இருக்கும் அச்சிலை ஆடை எதுவுமின்றி இருக்கும். புகழ்பெற்ற இந்த வெண்கலச் சிலையானது 9-ஆம் வகுப்புக்கான கலைக்கல்வி பாட புத்தகமான மதுரிமாவின் முதல் அத்தியாயத்தில் ‘கலைவரலாறு’ எனும் பகுதியில் இடம் பெற்று இருக்கிறது. சிலை அதன் உண்மை வடிவத்தில் இடம் பெறாமல் மாற்றம் செய்யப்பட்டு இருக்கிறது. அதாவது ஆடை அணிவிக்கப்பட்ட நடன மங்கையாக 9-ஆம் வகுப்பு பாடப் புத்தகத்தில் இடம் பெற்று இருக்கிறது.
இப்படி நடன மங்கையின் உண்மை வடிவம் மாற்றப்பட்டுள்ளது. இதைத் தேசிய கல்வி ஆராய்ச்சி மற்றும் பயிற்சிக் குழுவின் இயக்குநர் தினேஷ் சக்லானி உறுதிப்படுத்தி உள்ளார்.
தேசிய கல்வி ஆராய்ச்சி மற்றும் பயிற்சிக் குழுவை National council of Educational Reasearch and Training (NCERT) என்று ஆங்கிலத்தில் சொல்கிறார்கள். நடன மங்கையின் உண்மையான வெண்கலச்சிலை ஆடை அணிவிக்கப்பட்டு மாற்றப் பட்டுள்ளது தான் 9 ஆம் வகுப்புப் பாடப் புத்தகத்தில் இடம் பெற்று இருக்கிறது. இதை மொகஞ்சதாரோ உண்மை சிலையோடு ஒப்பிட்டுப் பார்த்தால் நாம் புரிந்து கொள்ள முடியும். 9ஆம் வகுப்புப் பாடப் புத்த கத்தில் மறைக்கப்பட்ட மேனி, 6ஆம் வகுப்புப் பாட புத்தகத்தில் சமூக அறிவியல் பாடத்தில் இடம் பெற்றுள்ள நடன மங்கை சிலை உண்மை வெண்கலச் சிலைக்கு மிக நெருக்கமான வடிவத்தில் உள்ளது. என்.சி.இ.ஆர்.டி.யின் 9, 6ஆம் வகுப்புப் பாட புத்தகங்களில் நடன மங்கையின் மறைக்கப்பட்ட மேனி படமும், உண்மை வெண் கலச் சிலைக்கு நெருக்கமாக உள்ள ஆடையின்றி இருக்கிற படமும் வெளி யிடப்பட்டு இருக்கிறது.
கூகுளில் தேடினால் உண்மையான - வெண்கலச்சிலையைப் பார்க்கலாம். நாம் கல்விக் குழுவினருக்குச் சொல்ல வருவது
9 ஆம் வகுப்புப் பாட புத்தகத்திலும் 6ஆம்
வகுப்புப் பாட புத்தகங்களிலும் இருவேறு வடிவங்களில் ஏன் வெளியிடுகிறீர்கள்? வெளியிட வேண்டும் என்று கருதினால் ஒரே மாதிரியாக அல்லவா வெளியிட்டு இருக்க வேண்டும். ஆடை அணிவித்து வெளியிட வேண்டும் பள்ளிப் பிள்ளைகளுக்கு திறந்த மேனி சிலை வடிவத்தை காட்டக் கூடாது என்று கல்விக் குழு கருதியிருக்கலாம். ஆனால் அது உண்மை வடிவத்திற்கு மாறாக வெண்கலச்சிலை இருப்பதை வெளிப்படுத்தி இருக்கிறது; அப்படி வெளிப்படுத்தினால் அது உண்மை வரலாறாக இருக்க முடியாது. அப்படிப் பாடப் புத்தகத்தில் இருக்கக் கூடாது.
கல்விக் குழுவினர், 9, 6 ஆம் வகுப்புகளுக்குத் திருத்தப்பட்ட சிலை வடிவங்களை உயர்நிலைப் பள்ளி மாணவர்களுக்கு வெளியிட வேண்டும் என்று அவசியம் இல்லை. கலைப்பாடம் பற்றிய வரலாற்றை மேல் கல்விப் படிக்கும் போது அம்மாணவர்கள் அங்கே உண்மை வடிவத்தைப் பார்த்துக் கலைப்பாடங்களைப் படித்துக் கொள்வார்கள். என்.சி.இ.ஆர்.டி. கல்விக் குழுவினர் அப்படங்களைப் பாடப்புத்தகத்தில் சேர்த்து ஒரு குழப்பத்தை ஏற்படுத்தி இருக்க வேண்டாம். வரலாற்று உண்மைக்கு மாறாக ஆடையை நடன மங்கைக்கு அணிவித்தும் இருக்க வேண்டாம்.
இது குறித்து, கடந்த ஜூன்16 ஆம் தேதி வெளியான ஆங்கில இந்து நாளேடு மொகஞ்சதாரோ நடன மங்கையைப் பற்றி ஒரு கேலிச் சித்திரத்தை வெளியிட்டு இருந்தது. அதனை இந்தக் கட்டுரையினூடே வைத்து இருக்கிறோம். அந்தக் கேலிச் சித்திரத்தில் என்.சி.இ.ஆர்.டி குழுவினர் ஆடை அணிவிக்கப்பட்ட நடன மங்கையை மாணவர்களிடம், காட்டி ‘கடைசி யாக அவர்களை நாங்கள் நாகரிகப்படுத்தி விட்டோம்’ என்று கூறி நக்கல் அடிக்கிறது. என்.சி.இ.ஆர்.டி குழுவினர் வருங்
காலத்தில் கவனமாகச் செயல்படக் கேட்டுக் கொள்கிறோம். தங்கள் நிறுவனத்தில் இருக் கும் கல்வியும் ஆராய்ச்சியும் பயிற்சியும் பெயர் பலகையில் இருந்து என்ன இலாபம்? அது செயல்பாட்டில் இருக்க வேண்டாமா?
நன்றி:
இந்து ஆங்கில நாளேடு (16.06.2026)
மொ