சென்னை, ஜூன் 25–
எதிர்த்து கேள்வி கேட்டால் காவல்துறையை ஏவி தி.மு.க. இளைஞர்களை மிரட்டுவதா என த.வெ.க. அரசுக்கு தி.மு.க. அமைப்புச் செயலாளர் ஆர்.எஸ்.பாரதி கண்டனம் தெரிவித்துள்ளார். விஜய்யின் இதுபோன்ற பூச்சாண்டிகளெல்லாம் தி.மு.க.விடம் எடு படாது என்று அவர் எச்சரிக்கை விடுத்துள்ளார்.
சென்னைஅண்ணா அறிவாலயத்தில் செய்தியாளர்களிடம் பேசிய ஆர்.எஸ்.பாரதி,
த.வெ.க. அரசை எதிர்த்து கேள்வி கேட்ட தி.மு.க. இளைஞர்அன்பானந்தன் மீது 5 பிரிவுகளில் வழக்குப்பதிவு செய்து போலீஸார் அராஜகத்தில் ஈடுபட்டுள்ளதாக கண்டனம் தெரிவித்தார்.
சைதாப்பேட்டையில் தி.மு.க. இளைஞர் மீது தாக்குதல் நடத்திய த.வெ.க. வினர்மீது இதுவரை வழக்குப்பதிவு செய்யப்படவில்லை என்று அவர் குற்றம் சாட்டினார். தி.மு.க இளைஞர் மீது தாக்குதல் நடத்திய த.வெ.க. வினர் மீது 24 மணிநேரத்திற்குள் நடவடிக்கை எடுக்காவிட்டால் மிகப்பெரிய போராட்டம் நடத்தப்படும் என்று அவர் தெரிவித்தார்.
காவல்துறையை ஏவி தி.மு.க.வின் GenZ இளைஞர்களை அச்சுறுத்தலாம் என்று ஆளும் த.வெ.க. அரசு நினைத்தால், தி.மு.க அதனை வேடிக்கைப் பார்த்துக் கொண்டிருக்காது என்றும் ஆர்.எஸ்.பாரதி எச்சரித்தார்.
விருதுநகர் மாவட்டம், திருச்சுழி தொகுதி, காரியாபட்டியில் அமைந்துள்ள சட்டமன்ற உறுப்பினர் அலுவலகத்தில் முன்னாள் அமைச்சரும் தொகுதி சட்டமன்ற உறுப்பினருமான தங்கம் தென்னரசு அவர்கள் பொதுமக்களை நேரில் சந்தித்து அவர்களின் கோரிக்கைகளையும் குறைகளையும் கேட்டறிந்தார். அதனைத் தொடர்ந்து, திருச்சுழி தொகுதியின் வளர்ச்சித் திட்டங்கள் குறித்தும், மக்களின் அடிப்படைத் தேவைகளை நிறைவேற்றுவது குறித்தும் கழக நிர்வாகிகள் மற்றும் தோழர்களுடன் விரிவான ஆலோசனை மேற்கொண்டார்.