சென்னை, ஜூன் 25 –

NLCIL நிறு­வ­னத்­தின் 3% பங்கு விற்­பனை முடி­வைத் திரும்­பப் பெற ஒன்­றிய அரசை வலி­யு­றுத்த வேண்­டும் என முன்­னாள் அமைச்­ச­ரும் திட்­டக்­குடி சட்­ட­மன்­றத் தொகு­தி­யின் உறுப்­பி­ன­ரு­மான சி.வெ.கணே­சன் திரா­விட முன்­னேற்­றக் கழ­கத் தலை­வர் மு.க.ஸ்டாலின் அவர்­க­ளி­டம் வைத்த கோரிக்­கை­யை­ய­டுத்து, கழ­கத் தலை­வர் அவர்­க­ளின் அறி­வு­றுத்­த­லில் கழக நாடா­ளு­மன்­றக் குழுத் தலை­வர் கனி­மொழி கரு­ணா­நிதி அவர்­கள், ஒன்­றிய நிலக்­கரி மற்­றும் சுரங்­கத் துறை அமைச்­சர் G.கிஷன் ரெட்டி அவர்­க­ளுக்­குக் கடி­தம் எழு­தி­யுள்­ளார்.

அதன் விவ­ரம் வரு­மாறு:–

தமிழ்­நாடு, கட­லூர் மாவட்­டம், நெய்­வே­லி­யில் அமைந்­துள்ள, நிலக்­கரி அமைச்­ச­கத்­தின் கீழுள்ள நவ­ரத்னா பொதுத்­துறை நிறு­வ­ன­மான நெய்­வேலி லிக்­னைட் கார்ப்­ப­ரே­ஷன் (என்.எல்.சி) இந்­தியா லிமி­டெட் நிறு­வ­னத்­தில், 3% பங்­கு­களை விற்­பனை செய்ய ஒன்­றிய அரசு எடுத்­துள்ள திடீர் முடிவு குறித்து தாங்­கள் தலை­யி­டக் கோரி இந்த மனு சமர்ப்­பிக்­கப்­ப­டு­கி­றது.

பங்கு விற்­ப­னைக்­கான இந்த முன்­மொ­ழி­வா­னது ஊழி­யர்­கள், தொழிற்­சங்­கங்­கள் மற்­றும் பொது­மக்­க­ளி­டையே பெரும் கவ­லையை ஏற்­ப­டுத்­தி­யுள்­ளது. நடப்பு நிதி­யாண்­டில் என்.எல்.சி நிறு­வ­னம் சுமார் ரூ.3,769 கோடி இலா­பம் ஈட்­டி­யுள்ள நிலை­யில், அதன் வலு­வான நிதிச் செயல்­பாடு மற்­றும் இலா­பத் தன்­மை­யை­யும் மீறி இந்­ந­ட­வ­டிக்கை மேற்­கொள்­ளப்­ப­டு­கி­றது. நிறு­வ­னத்­தின் தொடர்ச்­சி­யான சிறப்­பான செயல்­பாடு மற்­றும் மூலோ­பாய முக்­கி­யத்­து­வத்­தைக் கருத்­தில் கொள்­ளும்­போது, இந்­தத் முத­லீட்டு விலக்­கத்­திற்­கான கார­ணங்­க­ளும் நியா­யங்­க­ளும் தெளி­வாக இல்லை.

முன்­ன­தாக என்.எல்.சி நிறு­வ­னத்­தில் அர­சின் பங்­கு­க­ளைக் குறைக்க எடுக்­கப்­பட்ட முயற்­சி­கள் கடும் எதிர்ப்­பைச் சந்­தித்­தன என்­பதை இங்கு நினை­வு­ கூ­ரு­வது பொருத்­த­மா­னது. கடந்த 2006-ஆம் ஆண்­டில், 10% பங்­கு­களை விற்­பனை செய்­யும் முன்­மொ­ழிவு, தொழி­லா­ளர்­கள், பொறி­யா­ளர்­கள், அதி­கா­ரி­கள் மற்­றும் பல்­வேறு நலச் சங்­கங்­க­ளின் பர­வ­லான போராட்­டங்­க­ளைத் தொடர்ந்து திரும்­பப் பெறப்­பட்­டது. அதே­போல், 2013-இல் 5% பங்கு விற்­பனை முன்­மொ­ழி­யப்­பட்­ட­ போது, தமிழ்­நாடு அரசு தலை­யிட்டு 3.56% பங்­கு­களை வாங்­கி­ய­தன் மூலம் இந்­நி­று­வ­னத்­தின் பொதுத்­துறை தன்­மை­யைப் பாது­காக்க உத­வி­யது.

இத்­த­கைய சூழ்­நி­லை­யில், தற்­போது மேலும் 3% பங்­கு­களை விற்­பனை செய்­வ­தற்­கான முடிவு, ஊழி­யர்­கள் மற்­றும் பொது­மக்­க­ளி­டையே, இது படிப்­ப­டி­யாக அர­சின் உரி­மை­யைக் குறைத்து, இறு­தி­யில் நிறு­வ­னத்­தைத் தனி­யார்­ம­ய­மாக்­கு­வ­தற்கு வழி­வ­குத்­து­வி­டுமோ என்ற அச்­சத்தை ஏற்­ப­டுத்­தி­யுள்­ளது.

என்.எல்.சி நிறு­வ­னத்­தின் மூலோ­பாய முக்­கி­யத்­து­வம், இலா­ப­க­ர­மான செயல்­பா­டு­கள், பொரு­ளா­தா­ரம் மற்­றும் வேலை­வாய்ப்பு உரு­வாக்­கத்­தில் அதன் கணி­ச­மான பங்­க­ளிப்பு ஆகி­ய­வற்­றைக் கருத்­தில் கொண்டு, என்.எல்.சி. இந்­தியா லிமி­டெட் நிறு­வ­னத்­தில் 3% பங்­கு­க­ளைத் திரும்­பப் பெறும் முன்­மொ­ழிவை மறு­ப­ரி­சீ­லனை செய்து, அத­னைத் திரும்­பப் பெற வேண்­டும் என்று அரசை நான் கேட்­டுக்­கொள்­கி­றேன்.

இவ்­வி­வ­கா­ரத்­தில் தங்­க­ளது அமைச்­ச­கம் உட­ன­டி­யா­கத் தலை­யிட்டு, தகுந்த நட­வ­டிக்கை எடுக்­கு­மாறு கேட்­டுக்­கொள்­கி­றேன்.

இவ்­வாறு கனி­மொழி கரு­ணா­நிதி எம்.பி. அவர்­கள் வலி­யு­றுத்­தி­ உள்­ளார்.