மதுரை, ஜூன் 25–
உசிலம் பட்டி அருகே குடிநீர் வசதி கோரி காலிக்குடங்களுடன் பெண்கள் சாலை மறியலில் ஈடுபட்டதால் பரபரப்பு ஏற்பட்டது.
மதுரை மாவட்டம், உசிலம்பட்டி அருகே குளத்துப்பட்டி கிராமம் அமைந்துள்ளது. இந்த கிராமத்தில் வசிக்கும் மக்களுக்கு முறையாக குடிநீர், கழிவுநீர் கால்வாய், பேருந்து நிறுத்தம் உள்ளிட்ட அடிப்படை வசதிகள் செய்து தரப் படவில்லை. இதுகுறித்து இக்கிராம மக்கள் கலெக்டர் அலுவலகத்தில் நடைபெறும் குறைதீர் கூட்டங்களில் தொடர்ந்து கோரிக்கை மனுக்களை அளித்து வந்தனர். இருந்தும் நடவடிக்கை எடுக்கப்படவில்லை.
இதையடுத்து குடிநீர் உள் ளிட்ட அடிப்படை வசதிகளை நிறைவேற்றித் தரக்கோரி நேற்று முன்தினம் காலிக் குடங்களுடன் மதுரை தேனி செல்லும் நெடுஞ்சாலையில் மறியல் போராட்டத்தில் ஈடுபட் டனர். இதனால் அப்பகுதியில் பரபரப்பு ஏற்பட்டது. போராட்டம் காலையில் நடைபெற்றதால், பள்ளி மற்றும் கல்லூரி மாணவ, மாணவிகள் மற்றும் பல்வேறு வேலைகளுக்கு செல்லும் பொது மக்களின் வாகனங்கள் தொடர்ந்து செல்ல முடியாது போக்குவரத்து பாதிக்கப்பட்டது.
இதையடுத்து விரைந்து வந்த உசிலம்பட்டி தாலுகா போலீசார், சாலை மறியலில் ஈடுபட்ட கிராம மக்களிடம்பேச்சுவார்த்தை நடத் தினர். அப்போது அடிப்படை வசதிகள் செய்து தருவது குறித்து அதிகாரிகளிடம் பேச்சுவார்த்தை நடத்தி தீர்வு காணலாம் என்றுகூறி னர். இதனை ஏற்று பொதுமக்கள் தங்கள் போராட்டத்தைமுடிவுக்கு கொண்டு வந்தனர். இந்த திடீர் போராட்டத்தால், அப்பகுதியில் சுமார் ஒரு மணி நேரத்திற்கும் மேலாக போக்குவரத்து பாதிக் கப்பட்டது.இதனால் நீண்டதூரத் திற்கு வாகனங்கள் அணிவகுத்து நின்றன.
முத்தமிழறிஞர் கலைஞர் அவர்களின் 103–வது பிறந்தநாளை யொட்டி காஞ்சிபுரம் வடக்கு மாவட்ட தி.மு.க. மகளிர் தொண்டர் அணி சார்பில் நடைபெற்ற மாபெரும் பொதுக்கூட்டம் மாவட்ட மகளிர் அணி அமைப்பாளர் உதயா கருணாகரன் தலைமையில் நடைபெற்றது. இக்கூட்டத்தில் தலைமைக் கழக பேச்சாளர் கோவை நாகநந்தினி கலந்துகொண்டு சிறப்புரையாற்றினார். அருகில் மாவட்டச் செயலாளர் – முன்னாள் அமைச்சர் தா.மோ.அன்பரசன், மாநில மருத்துவ அணி துணைச் செயலாளர் கிருத்திகா தேவி, மாவட்ட மகளிர் தொண்டர் அணி அமைப்பாளர் சசிகலா, ஒன்றியச் – நகர செயலாளர்கள் மற்றும் மகளிர் அணி நிர்வாகிகள் உள்ளனர்.