சென்னை, ஜூன் 26–

GenZ கூட்டம் நடத்திய கழகத் தினர் மீது த.வெ.க. ரவுடிகள் கொலைவெறித் தாக்குதல் நடத்தி யுள்ளனர். அத்துடன் காவல்துறை யினரும் நள்ளிரவில் அத்துமீறி நுழைந்து அராஜகம் செய்கின்றனர். இத்தகைய சோபா மாடல் அரசின்நடவடிக்கைகளை கழகம் வேடிக்கைபார்த்துக் கொண்டிருக்காது என்று எதிர்க்கட்சித் தலைவர் உதயநிதி ஸ்டாலின் அவர்கள் கடுமையாக எச்சரித்துள்ளார்.

GenZகூட்டத்தில் கலந்து கொண்ட இளைஞர் அணி கனி மீது த.வெ.க. ரவுடிகள் சைதாப் பேட்டையில் கொலைவெறி தாக்குதல் நடத்தியுள்ளனர்.

கனியைதாக்கிய குற்றவாளி கள் மீது இதுவரை எந்த வழக்கும் பதிவு செய்யாத காவல்துறை, சிகிச்சைக்காக மருத்துவமனை யில் அனுமதிக்கப்பட்டு இருந்த கனியை மிரட்டி டிஸ்சார்ஜ் செய்ய வைத்துள்ளது த.வெ.க. அரசின் போலீஸ் துறை.

அதேபோன்று (23.6.2026) அன்று நள்ளிரவில் கிருஷ்ணகிரி மாவட்டம், வேப்பனஹள்ளி சட்ட மன்றத் தொகுதிக்குட்பட்ட ராயக் கோட்டை அருகே உள்ள போடம் பட்டி கிராமத்தைச் சேர்ந்தவர் தி.மு.க. விவசாய அணியின் மாநில துணைச் செயலாளர் அரி யப்பன். இவரது இளையமகன் அன்பானந்தம், தி.மு.க.வின் ‘GEN Z’ ஒருங்கிணைப்புக் குழு உறுப்பினராக உள்ளார். சமூக வலைதளங்களில் எப்போதும் சுறுசுறுப்பாக இயங்கி வரும் இவர், தமிழக முதல்வர் விஜய், நடிகை திரிஷா வுடன் பிறந்தநாள் கொண்டாடியது குறித்து விமர்சித்து சமூக வலைதள பக்கத்தில் வீடியோ ஒன்றை பதிவிட்டிருந்தார்.

இந்த நிலையில், 23.06.2026அன்று நள்ளிரவு சுமார் 12:30 மணியளவில் தேன்கனிக் கோட்டை டி.எஸ்.பி. ஆனந்தராஜ்தலைமையில், காவல்ஆய்வாளர்சசிகலா உள்ளிட்ட 10-க்கும் மேற்பட்ட போலீசார் திடீரென அரியப்பனின் வீட்டிற்கு வந்தனர். அவர்கள் அன்பானந்தத்தை விசாரணைக்காக அழைத்துச் செல்ல வேண்டும் என்று கூறி வீட்டினை சோதனையிட் டுள்ளனர்.

இந்நிலையில் சமூகவலை தளத்தில் எதிர்க்கட்சித் தலைவர் உதயநிதி ஸ்டாலின் அவர்கள் பதிவிட்டுள்ளதாவது:–

கழகத்தின் GenZ இளைஞர் களை ஒருங்கிணைத்துக் கூட்டங் கள் நடத்தி வந்த தம்பி அன்பா னந்தன் அரியப்பனை, கிருஷ்ண கிரி ராயக்கோட்டையில் அவரது வீட்டுக்குள்நள்ளிரவில் அத்து மீறி நுழைந்து காவல்துறையினர் கைது செய்ய முயற்சி செய்ததை வன்மையாகக் கண்டிக்கிறேன்.

இதேபோல சமீபத்தில், Gen Z கூட்டத்தில்பேசிய கனி எனும் தம்பி மீது த.வெ.க. ரவுடிகள் சைதாப்பேட்டையில் கொலை வெறி தாக்குதல் நடத்தியுள்ளனர்.

தம்பி கனியை தாக்கிய குற்றவாளிகள் மீது இதுவரை எந்த வழக்கும் பதிவு செய்யாத காவல்துறை, சிகிச்சைக்காக மருத்துவமனையில் அனுமதிக் கப்பட்டு இருந்த தம்பி கனியை மிரட்டி டிஸ்சார்ஜ் செய்ய வைத்தது.

ஆளுங்கட்சியை எதிர்த்தால்

போலீசாரை அனுப்புவதா?

கழக இளைஞர்கள் ஆளுங் கட்சியையும் - அரசையும் எதிர்த்து பேசினால் காவல்துறையை அனுப்புவது, அதுவே, தாக்கிய வர்கள் த.வெ.க.வினர் என்றால் வேடிக்கைப் பார்ப்பது… இது தான் மாற்றமா?

தி.மு.கழகம்

வேடிக்கை பார்க்காது!

நிர்வாகத்திறனற்ற SofaModel அரசின் போலி பிம்பம், இளை ஞர்கள் மத்தியில் சுக்குநூறாக நொறுங்கி வருவதைப் பொறுத்துக் கொள்ள முடியாமல் இந்த ஆட்சியாளர்கள் அடக்குமுறையை கையில் எடுத்து இருக்கிறார்கள்.

கழக இளைஞர்களை காவல் துறையைஏவி அச்சுறுத்தலாம் என்று ஆளும் அரசு நினைத்தால், கழகம் அதனை வேடிக்கைப் பார்த்துக் கொண்டிருக்காது என்று எச்சரிக்கிறேன்.

இவ்வாறு கழக இளைஞர் அணிச் செயலாளர் – எதிர்க்கட்சித் தலைவர் உதயநிதி ஸ்டாலின் அவர்கள் பதிவிட்டுள்ளார்.