கோவை, ஜூன் 26 –
த.வெ.க. ஆட்சி பொறுப்பேற்றதில் இருந்து சட்டம் - ஒழுங்கு கேள்விக்குறியாக உள்ளது. கோவை சூலூரில் கடந்த மாதம் 10 வயது சிறுமி பாலியல் பலாத்காரம் செய்யப்பட்டு படுகொலை செய்யப்பட்டார். இந்த வழக்கில் 2 பேர் கைது செய்யப்பட்டனர். இந்த அதிர்ச்சி சம்பவத்தில் இருந்து மீள்வதற்குள் கோவை அருகே காட்டுப்பகுதியில் நிர்வாணமாக அழுகிய நிலையில் 25 வயது மதிக்கத்தக்க இளம்பெண் சடலம் மீட்கப்பட்டது பெரும் பரபரப்பை ஏற்படுத்தி உள்ளது. அவர் பலாத்காரம் செய்து கொலை செய்யப்பட்டாரா? என காவல்துறையினர் தீவிர விசாரணை நடத்தி வருகின்றனர்.
கோவையில் இருந்து பாலக்காடு செல்லும் மேற்கு புறவழிச்சாலை சுகுணாபுரம் அருகே மஞ்சுப்பள்ளம் ஓடை காட்டுப்பகுதி உள்ளது. இங்கு நேற்று முன்தினம் இளம் பெண் ஒருவர். நிர்வாண நிலையில் சடலமாக கிடந்தார். இதனை அங்கு இயற்கை உபாதை கழிக்க சென்ற வாலிபர் ஒருவர் பார்த்துகாவல் துறையினருக்கு தகவல் கொடுத்தார். அதன்பேரில், குனிய முத்தூர் சப்-இன்ஸ்பெக்டர் தாமரைக்கண்ணன் உள்ளிட்ட காவலர்கள் அந்த இடத்துக்கு விரைந்து சென்றனர். அப்போது அங்குள்ள மஞ்சுப்பள்ளம் என்ற காட்டுப் பகுதியில் ஒரு புதருக்குள் சுமார் 25வயது மதிக்கத்தக்க இளம் பெண் அழுகிய நிலையில் நிர்வாணமாக கிடந்தார்.
தொடர்ந்து கோவை மாநகர தெற்கு காவல் துணை ஆணையர் கார்த்திகேயன் நேரில் சென்று விசாரணை நடத்தினார். பின்னர் மோப்பநாய் மற்றும் கைவிரல் ரேகை நிபுணர்கள் வரவழைக்கப்பட்டனர். மோப்பநாய், அங்கிருந்து சிறிது தூரம் ஓடிச் சென்று மீண்டும் திரும்பி வந்தது. யாரையும் கவ்விப் பிடிக்கவில்லை. கைவிரல் ரேகை நிபுணர்கள் அந்த இளம் பெண்ணின் உடலில் ஏதாவது கைவிரல் ரேகைகள் பதிவாகி இருக்கிறதா? என்று ஆய்வு செய்தனர். மிகவும் அழுகிய நிலையில் இருந்ததால், அதில் காயங்கள் எதுவும் இருக்கிறதா? என்பதை கண்டுபிடிக்க முடியவில்லை. அங்குள்ள தடயங்களை சேகரித்து புகைப்படங்களை பதிவு செய்தனர். அங்கிருந்து ஒரு ஜோடி செருப்பு மீட்கப்பட்டது.
இதனையடுத்து காவல் துறை
யினர் சடலத்தை மீட்டு கோவைஇ.எஸ்.ஐ. மருத்துவமனைக்கு அனுப்பிவைத்தனர். அந்த இளம்பெண் யார்? எந்த ஊரை சேர்ந் தவர்? அவர் எப்படி உயிரிழந்தார்? என்பதும் தெரியவில்லை. சடலம் கிடந்த இடம் மதுக்கரை காவல் நிலையத்திற்கு உட்பட்டது என்பதால் மதுக்கரை காவல் துறையினர் வழக்குப்பதிவு செய்துள்ளனர்.
இது குறித்து காவல்துறை அதிகாரிகள் கூறியதாவது:- –
பெண் இறந்து 2 நாட்களுக்கும் மேல் இருக்கும் என தெரிகிறது. உடல் அழுகி உப்பிய நிலையில் இருந்ததால்காயங்கள் உள்ளதா? என அடையாளம் காண முடியவில்லை. பெண்ணின் ஒரு கையில் ‘ஜெகன்’ என்றும்,அதன் அருகே இதய வடிவமும் பச்சை குத்தப்பட்டு இருந்தது. மற்றொரு கையில் ‘எஸ்’, ‘ஜெ’ என்ற எழுத்துகளும் என பச்சை குத்தப்பட்டுள்ளது. அவருக்கு 25 வயது இருக்கலாம். யாரோ? காட்டுப்பகுதிக்கு அழைத்து சென்று பலாத்காரம் செய்து கொலை செய்திருக்கலாம். அந்த பெண் நிர்வாண நிலை யில் பிணமாக கிடந்ததால் பலாத்காரம் செய்து கொலை செய்யப்பட்டு இருக்க வாய்ப்பு உள்ளது. எனினும், பிரேத பரிசோதனை முடிவில்தான் முழு விவரமும் தெரியவரும். இந்த வழக்கு குறித்து தீவிரமாக விசாரணை நடத்தப்பட்டு வருகிறது.
இவ்வாறு அவர்கள் கூறினர்.
கோவை சூலூரில் கடந்த மாதம் 10 வயது சிறுமி பாலியல் பலாத்காரம் செய்யப்பட்டு படுகொலை செய்யப்பட்டார். இந்த வழக்கில் 2 பேர் கைது செய்யப்பட்டனர். இந்த அதிர்ச்சி சம்பவத்தில் இருந்து மீள்வதற்குள் நிர்வாண நிலையில் அழுகிய நிலையில் பெண் சடலம் மீட்கப்பட்டிருப்பது கோவையில் மீண்டும் பரபரப்பைஏற்படுத்தி உள்ளது. தவெக ஆட்சி பொறுப் பேற்றதில் இருந்து சட்டம் - ஒழுங்கு கேள்விக்குறியாகி இருப்பது மக்களிடையே அச்சத்தை ஏற்படுத்தி உள்ளது.
சம்பவம் நடந்த பகுதி ஆட்கள் நடமாட்டம் இல்லாத பைபாஸ் சாலை பகுதி என்பதால் இளம் பெண்ணை உல்லாசத்துக்கு அழைத்து வந்து அப்போது ஏற்பட்ட தகராறில் கொலைசெய்திருக்கலாம் என தெரிகிறது. இந்தபகுதியில் அடிக்கடி இரவு நேரத்தில் வாகனங்களில் இளம் பெண்களைஅழைத்து வந்து காட்டுக்குள் ஜாலியாக இருப்பது வாடிக்கையாக நடைபெறு வதாக தெரியவந்துள்ளது. இதுகுறித்து காவல்துறையினரிடம் பல முறை புகார் அளித்தும் நடவடிக்கை எடுப்பதில்லை என அப்பகுதி மக்கள் குற்றம்சாட்டு கின்றனர்.
காவல் துறையினர் கோவையில் கடந்த சில நாட்களில் காணாமல் போன பெண்களின் விவரங்களை திரட்டி வருகின்றனர். காவல் நிலையங்களில் (மிஸ்சிங் ஆன) காணாமல் போன பெண்களின் பட்டியலை ஆய்வு செய்து கொலை செய்யப்பட்ட பெண்ணை அடையாளம் காணும் முயற்சியில் ஈடுபட்டு வருகின்றனர்.