“தமிழக வெற்றிக் கழகத்தின் புதிய அமைச்சரவை தடுமாறுகிறதே. சட்டமன்ற உறுப்பினர்களுக்கு எதுவும் தெரிய வில்லையே” என்று செய்தியாளர்கள் ப.சிதம்பரத்திடம் கேட்கும் போது ‘‘1967–ல் தி.மு.க.வும் அப்படித்தான் புதியவர்களுடன் சிரமப்பட்டது” என்று மேதாவியாக பதில் சொல்கிறார்.

த.வெ.க. வில் கே.ஏ. செங்கோட்டையன், ஜே.சி.டி. பிரபாகரன் தவிர மற்றவர்கள் சட்டசபை பார்வையாளர் மாடம் கூட செல்லாதவர்கள்.

ஆனால் அண்ணா சட்டமன்ற, நாடாளுமன்ற உறுப்பினராக இருந்தவர். 1952–ல் 15 பேரும். 1957–ல் 50 பேருமாக 64 நபர்கள் பழைய சட்டமன்ற உறுப்பினர்கள் திமுகவில் இருந்தனர்.

1967–ல் அமைச்சர்கள் அனைவரும் பழைய சட்டமன்ற உறுப்பினர்கள் தான். மொழிப் போராட்டத்தில் பலமுறை. ஆண்டுக் கணக்கில் சிறை சென்றவர்கள். சட்டமன்றத்தில் காங்கிரஸ் அமைச்சர்களை கேள்வி கேட்டு மடக்கியவர்கள்.

தி.மு.சு.வும்.த.வெ.க.வும் ஒன்றுதான் என்பது. உயர்நிலைப் பள்ளி தலைமை ஆசிரியரும் பால்வாடி தலைமை ஆசிரியரும் ஒன்றுதான் என்பது போல உள்ளது.

அதேபோல் “பா.ஜ.க .தாமரை ஆபரேஷன் என்கிற பெயரில் தேர்தலை சந்திக்காமல் சேர்த்தது. ஆனால் த.வெ.க.வில் மக்களை சந்தித்துவிட்டு வரச் சொல்லி ராஜினாமா செய்துவிட்டு, மீண்டும் மக்களை சந்தித்தது தானே சேர்கிறார்கள்” என்கிறார் ப. சிதம்பரம்.

ப. சிதம்பரம் அவர்களே, த.வெ.க.வில் சேர்ந்த அ.ம.மு.க. உறுப்பினர் காமராஜை, த.வெ.க. ராஜினாமா செய்யச் சொன்னதா? இல்லையே! அவர் வாக்கை வாங்கலாமா? மெஜாரிட்டி இல்லாததால் ராஜினாமா செய்கிறார்கள்.

சி.வி. சண்முகம் கூட்டணி ராஜினாமா செய்து தேர்தலை சந்திக்காதபோது மெஜாரிட்டி இல்லாதவர்கள் அலுவலகத்திற்கு ஏன் ஜோசப் விஜய் சென்று வாழ்த்து சொன்னது ஏன்?

கர்நாடகத்தில் 2018 தேர்தலில் பாரதிய ஜனதாவுக்கு மெஜாரிட்டி இல்லாதபோது. இதேபோல் தான் காங்கிரஸாரை ராஜினாமா செய்து தேர்தலை சந்தித்து தான் வென்ற பின் சேர்த்துக் கொண்டார்கள். பாரதிய ஜனதாவுக்கும், தமிழக வெற்றிக் கழகத்திற்கும் வித்தியாசம் இல்லை. ஆக ஆபரேஷன் தாமரை பா.ஜ.க. எப்படியோ, அப்படித்தான் த.வெ.க. தமிழ்நாட்டில். அந்த பா.ஜ.க.வின் நிழலைத்தான் காங்கிரஸ் பூச்சூடி மகிழ்கிறது.

இந்தியாவில் ஆடும் காங்கிரஸ் அடையாளமாய் உங்கள் சிஷ்யன் விஸ்வநாதன், தமிழகத்தில் பொதுத் தொகுதியில் நின்று வெற்றி பெற்ற ஒரே தலித் என்ற பெருமையை பெற்ற விஸ்வநாதன், பள்ளியில் குத்து பாட்டுக்கு டான்ஸ் ஆடினாரே, ராஜினாமா செய்ய சொல்லி காங்கிரஸ் சொல்ல வேண்டும், குறைந்தபட்சம் மன்னிப்பு கூட கேட்கவில்லை.

காங்கிரஸ்மட்டுமா தமிழக வெற்றிக் கழகம் பக்கம் சென்றது? விடுதலை சிறுத்தைகள் கட்சி, கம்யூனிஸ்ட், முஸ்லிம்லீக்கும்தானே சென்றது என்கிறார் ப.சிதம்பரம், மறுப்பதற்கு இல்லை. தி.மு.க. தலைவர் தளபதியே, ஏன் த.வெ.க. வை அழைக்காமல் கவர்னர் சதி செய்கிறார் என்றார். மறுப்பதற்கு இல்லை.

விடுதலைச் சிறுத்தைகள் கட்சியின் தலைவர் திருமாவளவன் கூட, ‘‘நாங்கள் த.வெ.க.விற்கு ஆதரவு தரப் போகிறோம் என்று தி.மு.க. தலைவரிடம் சொன்னபோது, அதற்கு எதிர்ப்பு தெரிவிப்பார் தளபதி என்று எதிர்பார்த்தேன். நெகிழ்வோடு போய் வாருங்கள் என்று தளபதி சொன்னதை கேட்டு நான் வியந்து போனேன்’’ என்றார்.

த.வெ.க.விற்கு நீங்கள் (காங்கிரஸ்) ஆதரவு கொடுத்தது பிரச்சனை இல்லை. தி.மு.க. தலைவரிடம் நீங்கள் சொல்லாமல் போனது கூட தவறில்லை. ஆனால் உழைத்த கைவலி முடியும் முன்னே “நன்றி” கூட சொல்லாமல் போனது ஏன் என்பது தான் கேள்வி.

ப. சிதம்பரம் போன்ற மூத்த காங்கிரஸ் தலைவர்கள். தி.மு.க.விற்கு நன்றி கூறிவிட்டு, மன்னிப்பு கோரி விட்டு அரசியல் செய்திடுங்கள். உங்கள் இமேஜை நீங்களே கெடுத்துக் கொள்ளாதீர்கள்.

பணம் அதிகமாக இருக்கிறது என்பதற்காக கழுத்தில் மாட்டிக் கொள்ளக் கூடாது. பையில்தான் வைக்க வேண்டும். என்னதான் தேசிய பாட்டு என்றாலும் ஒரு நிகழ்ச்சி ஆரம்பமா – முடிவா என்பதை புரிந்து கொள்ள முதலில் “தமிழ்த்தாய் வாழ்த்தும்” முடிவில் “தேசிய வாழ்த்தும்” இதுவரை கடைப்பிடிக்கப்பட்டது. இரண்டு முறை தேசிய கீதம் பாடம் வேண்டும் என்பது தமிழ்நாடு பண்பாடு இல்லை. வழக்கம் இல்லை.

இதுதான் காங்கிரஸ் ஆட்சியிலும் கடைபிடிக்கப் பட்ட மரபு. இப்போது த.வெ.க. ஆட்சியில் தூக்கி எறியப்பட்டது. அதை காங்கிரஸ் கட்சி கண்டிக்காதது ஏன்? ஒரு கூட்டத்தில் ஆரம்பத்தில் வரவேற்புரை, கடைசியில் நன்றியுரை என்பதுதான் வழக்கம். நன்றியுரை முதலிலும் வரும் கடைசியிலும் வரும் என்றால் எப்படி?

விஜயினை வானளவு பாராட்டி வாசிப்பதும், வரிகளை ஒரு எழுத்துகூட விடாமல், மாற்றாமல், இணைப்பு சேர்க்காமல் ஆளுநர் படிப்பதை பார்த்தால். நடப்பது த.வெ.க. ஆட்சியா அல்லது பா.ஜ.க. ஆட்சியா என தமிழ்நாட்டு மக்களுக்கு ஆச்சரியமாக உள்ளது.

திருநாவுக்கரசர். விஜய் என்ன மந்திரவாதியா என்கிறார். மந்திரவாதி அல்ல – ஜோதிடர் பின் அலைபவர்.

சின்னத்தம்பி படத்தில் பிரபு பாடும் போது திக்காமல் பாடுவார். மற்ற நேரத்தில் திக்குவார். அதைப்போல விஜய்க்கு யாரேனும் எழுதிக் கொடுத்து, ஒரு வாரம் மனப்பாடம் செய்து மேடையில் மட்டும் தான் பேசுவார். சட்டசபையில் பேசவே மாட்டார்.

கர்ஜிப்பது சிங்கத்துக்குப் பழக்கம். பிளிறுவது யானைக்கு வழக்கம். சட்டசபையில் மௌனம் காப்பது விஜய்க்கு பழக்கம். அவர் படம் ஜனநாயகன் வெளிவராததற்கும் அவர் மவுனம்தானா?

வேட்டைக்காரன் படத்தில் விஜய் கூறுவார். நான் ‘சாமி முன்னாடி தான் சாந்தமா பேசுவேன். சாக்கடையின் முன் இல்லை” என்பார்.

சட்டசபை அவர் கண்ணுக்கு “சாக்கடையா” என்று அண்ணன் ப.சிதம்பரம், விஜயிடம் கேட்கவேண்டும்.