திருவள்ளூர், ஜூன் 27–
திருவள்ளூர் அருகே காஞ்சிபாடி பகுதியில் செயல்பட்டு வரும் தனியார் பள்ளியில் கல்விக் கட்டண விவகாரத்தை முன்னிட்டு த.வெ.க. நிர்வாகி ஒருவர் அராஜகத்தில் ஈடுபட்டதாக கூறப்படும் சம்பவம் அப்பகுதியில் பெரும் பரபரப்பை ஏற்படுத்தியுள்ளது.
பள்ளியில் பயிலும் தனது உறவினர் மாணவரின் கல்விக் கட்டணமாக சுமார் ரூ.13 ஆயிரம் நிலுவையில் இருந்ததாக கூறப்படுகிறது. இந்த நிலையில், மாணவருக்கு மாற்றுச் சான்றிதழ் (டி.சி.) வழங்க வேண்டும் என வலியுறுத்தி த.வெ.க. நிர்வாகியான ராஜேஷ் என்பவர் பள்ளிக்குச் சென்றதாக தகவல்கள் தெரிவிக்கின்றன.
அப்போது, கல்விக்கட்டணத் தொகையை செலுத்த முடியாது என்றும், உடனடியாக மாற்றுச் சான்றிதழை வழங்க வேண்டும் என்றும் பள்ளி நிர்வாகத்திடம் வாக்குவாதத்தில் ஈடுபட்டதாக கூறப்படு கிறது. இதனைத் தொடர்ந்து பள்ளி வளாகம் மற்றும் அதன் நுழைவாயில் பகுதியில் பரபரப்பான சூழல் நிலவியதாகவும், பள்ளி
நிர்வாகிகள் மற்றும் ஆசிரியர்களிடம் கடுமையான வார்த்தைப் பிரயோகங்கள் மேற்கொள்ளப்பட்டதாகவும் புகார் எழுந்துள்ளது.
இதுமட்டுமின்றி, பள்ளி வாசலின் முன்பாக தனது காரை குறுக்கே நிறுத்தி மாணவர்கள், பெற்றோர்கள் மற்றும் ஆசிரியர்கள் சிரமப்படும் படி செயல்பட்டதாகவும் கூறப்படு கிறது. இதனால் பள்ளிக்கு வந்த மாணவர்கள் மற்றும் பெற்றோர்கள் கடும் அவதிக்குள்ளானதாக தகவல்கள் தெரிவிக்கின்றன.
கல்வி நிலையங்கள் என்பது மாணவர்களின் எதிர்காலத்தை உருவாக்கும் புனிதமான இடங்களாகக் கருதப்படுகின்றன. ஆனால், அரசியல் செல்வாக்கை பயன்படுத்தி பள்ளி நிர்வாகங்களை மிரட்டும்போக்கு அதிகரித்து வருவதாக சமூக
ஆர்வலர்கள் வேதனை தெரிவிக்கின்றனர். கல்வி நிறுவனங்களுக்குள்ளேயே இத்தகைய அழுத்த அரசியல் நடைபெறுவதாக எழும் குற்றச்சாட்டு கள் பொதுமக்கள் மத்தியில் அதிருப்தியை ஏற்படுத்தியுள்ளன.
கடந்த சில மாதங்களாக திருவள்ளூர் மாவட்டத்தின் பல்வேறு பகுதிகளில் த.வெ.க. நிர்வாகிகள் தொடர்பான சர்ச்சைகள், மிரட்டல் புகார்கள் மற்றும் அதிகார துஷ்பிரயோக குற்றச்சாட்டுகள் தொடர்ந்து வெளிவந்து கொண்டிருப்பதாக எதிர்க்கட்சியினர் சுட்டிக்காட்டு கின்றனர். இதுபோன்ற சம்பவங்கள் மீண்டும் மீண்டும் நிகழ்வதால் பொதுமக்களிடையே அச்ச உணர்வு அதிகரித்து வருவதாகவும் அவர்கள் குற்றம்சாட்டு கின்றனர்.
சென்னை, ஜூன் 27–
போடி நாயக்கனூர் தொகுதி முன்னாள் சட்டமன்ற உறுப் பினர் சுருளிவேல் அவர்களின் மறைவுக்கு கழகத் தலைவர் மு.க. ஸ்டாலின் அவர்களின் இரங்கல் செய்தி வருமாறு:–
மொழிப்போரில் பங்கெடுத்தவரும், நெருக்கடி நிலைக் காலத்தில் மிசா சிறை வாசம் மேற்கொண்டவருமான போடிநாயக்கனூர்
சட்டமன்றத் தொகுதியின் முன்னாள் உறுப்பினர்
சுருளிவேல் அவர்கள் மறைந்த செய்தியறிந்து
மிகவும் வருந்தினேன்.
அன்னாரது மறைவுக்கு ஆழ்ந்த இரங்கலைத் தெரிவித்துக் கொள்வதோடு, அவரைப் பிரிந்து வாடும் அவரது குடும்பத்தினர், உறவினர்கள் மற்றும்
நண்பர்கள் அனைவருக்கும் ஆறுதலைத் தெரி
வித்துக் கொள்கிறேன்.
இவ்வாறு கழகத் தலைவர் மு.க.ஸ்டாலின் அவர்கள் தமது இரங்கல் செய்தியில் கூறியுள்ளார்.