புதுக்கோட்டை, ஜூன் 27 –
திமுக மாநில விவசாய தொழிலாளர் அணி துணைத் தலைவர் சந்திரசேகரின் தாயார் பிச்சையம்மாள் பட திறப்பு விழா நிகழ்ச்சி விராலிமலை யில் நடைபெற்றது. இதில் முன்னாள் அமைச்சர்கள் கே. என்.நேரு, எஸ் ரகுபதி, சிவ.வீ.மெய்யநாதன், புதுக்கோட்டை வடக்கு மாவட்ட கழக செயலாளர் கே.கே.செல்லப்பாண்டியன் ஆகியோர் கலந்து கொண்டு படத்தை திறந்து வைத்தனர்.
அப்போது இந்த நிகழ்ச்சியில் முன்னாள் அமைச்சர் கே.என்.நேரு பேசுகையில்,
தமிழ்நாடு முதலமைச்சர் ஜோசப் விஜய் நம்ம தலைவரை பார்த்துகேட்கிறார் எங்க உங்க அப்பாவ காணோம் என்று, வருவார் சீக்கிரமே வந்துடுவார், அதுதான் எங்களால் சொல்ல முடியும், எவ்வளவு விரைவாக சட்டமன்றத்தில் மீண்டும்பொறுப்பேற்பார். அது உறுதி.
நேற்று வரை திமுகவினர் அமைதியாக இருந்தார்கள். ஆனால் நேற்று தமிழ்நாடுமுதலமைச்சர் இதுபோன்று பேசியவுடன் அனைவரும் கிளம்பி உட்கார்ந்து விட்டார்கள். இனி விடமாட்டார்கள் என்றார்.
இதற்கு முன்னதாக முன்னாள் அமைச்சர் எஸ்.ரகுபதி பேசுகையில்:
சட்டமன்றம் திரையரங்கு போல அல்ல திரைப்பட படப்பிடிப்பு அரங்கம் போல் ஸ்டுடியோ போல் நடந்து கொண்டிருக்கிறது. முதலமைச்சர் கதாபாத்திரத்தில் ப்ரோ விஜய் நடித்துக் கொண்டிருக்கிறார்.
தமிழ்நாட்டு மக்களை எப்படி நடித்து ஏமாத்தினாரோ அதைபோல் சட்டமன்றத்தில் நடித்து வருகிறார். முதலமைச்சர் விஜய் முந்தாநாள் ஒரு தோற்றம் நேற்று ஒரு தோற்றம் முந்தாநாள் மாலை நடிகை திரிஷாவின் வீட்டில் வேறு ஒரு தோற்றம். இதுபோன்று தோற்றம் இருப்பது நடிகருக்கு ஆச்சரியப்படுவதற்கு ஒன்றுமில்லை ஆனால் அரசியலிலும் இதுபோன்று நடிப்பதற்காக வந்திருக்கிறார் என்றால் தமிழ்நாட்டு நிலைமையை எண்ணி வருத்தப்படுகின்ற சூழ்நிலை இருக்கிறது.
17 லட்சம் வாக்குகள் மாறி விழுந்ததால் அவர்கள் தற்பொழுது ஆட்சியில் அமர்ந்துள்ளனர்.
ஒரு குற்றச்சாட்டை சொல்வதற்கு முன்பு அந்த குற்றச்சாட்டை சொல்வதற்கு தனக்கு தகுதி இருக்கிறதா என்பதை பார்க்க வேண்டும். நாம் அந்தத் தவறை செய்திருக்கிறோமா என்பதை எண்ணிப் பார்த்து தான் பேச வேண்டும்.
சட்டமன்றத்தில் இருந்து எதிர்க்கட்சித் தலைவர் உதயநிதி ஸ்டாலின் வெளிநடப்புக்கு பிறகு தமிழ்நாடு முதலமைச்சர் விஜய் குட்டி கதை ஒன்றை கூறியுள்ளார். அதில் அப்பாவை தேடி கொண்டு இருப்பதாக பேசியுள்ளார். உதயநிதி ஸ்டாலினுக்கு அப்பாவை தேட வேண்டிய அவசியம் இல்லை. அவரது அப்பா எங்கு இருக்கிறார் என்று அவருக்கு தெரியும். தமிழ்நாடு முதலமைச்சர் விஜய்க்கு தெரியவில்லை என்றால் நாங்கள் பொறுப்பு அல்ல.
தேர்தலுக்கு முன்பு எங்கள் தலைவரிடம் நாங்கள் கூறினோம். நடிகராக அவதாரம் எடுத்திருக்கின்ற அரசியல் கட்சித் தலைவர். ஒரு கணவன் சரியாக இருந்தால் விவாகரத்து கேட்டு செங்கல்பட்டு நீதிமன்றத்திற்கு செல்வாரா ஒரு தகப்பன் சரியாக இருந்தால் மகன் தகப்பனை விட்டு செல்வாரா என்று கேட்டோம். தந்தை நல்லவனாக இல்லை தந்தை நல்லவனாக இருந்தால் தந்தையை விட்டு விட்டு தாயுடன் மட்டும் மகன் இருப்பாரா. இதைக் கேட்டால் தமிழ்நாட்டு மக்கள் புரிந்து கொள்வார்கள். தன் குடும்பத்தையே நிர்வகிக்க முடியாத வர் எப்படி தமிழ்நாட்டை நிர்வகிப்பார் என்ற கேள்வியே அன்றைக்கே கேட்டிருந்தால் இன்றைக்கு நமக்கு இந்த நிலைமை வந்திருக்காது. இன்றைக்கு இந்த கேள்வியை நாம் கேட்டுக் கொண்டிருக்கிறோம்.
வாக்களித்தவர்களுக்கு தெரியாது. அவர்களது பின்புலம் என்ன? அவர்கள் எப்படிப்பட்டவர்கள் என்று தெரியாது. நாம் தான் எடுத்து சொல்லி ஆக வேண்டும் தமிழ்நாட்டுடைய தலையெழுத்து நாம் திராவிட மாடல் திராவிட புரட்சியை உருவாக்கினோம்.
ஆனால் இன்று விசில் மாடல் ஆட்சியை செய்து கொண்டிருக்கிறார்கள். விசில் புரட்சியில் வேதனை தான். எந்த நேரத்தில் தேர்தல் வந்தாலும் மக்களிடம் நாங்கள் பட்டியல் போட்டு காண்பிப்போம் என்று தெரிவித்தார்.
சென்னை, ஜூன் 27–
சென்னை கிழக்கு மாவட்டக் கழகச் செயலாளர் – முன்னாள் அமைச்சர் பி.கே.சேகர்பாபு
எம்.எல்.ஏ.வின் மைத்துனர் எம்.கண்ணன் (வயது 62) அவர்கள் நேற்று முன்தினம் (25.6.2026 – வியாழக்கிழமை) மதியம் 2 மணியளவில் உடல் நலக் குறைவால் இயற்கை எய்தினார் என்பதை
அறிவிக்க வருந்துகிறோம்.
அன்னாரின் மறைவுச் செய்தி அறிந்து, கழகத்
தலைவர் மு.க.ஸ்டாலின் அவர்கள் விடுத்துள்ள
இரங்கல் செய்தி வருமாறு:–
சென்னை கிழக்கு மாவட்டக் கழகச் செயலாளர்
பி.கே.சேகர்பாபு அவர்களின் மைத்துனர்
எம்.கண்ணன் அவர்கள் மறைந்த செய்தியறிந்து
வருத்தமுற்றேன்.
அன்னாரை இழந்து தவிக்கும் சகோதரர் சேகர்பாபு அவர்களுக்கும் அவர்தம் குடும்பத்தினருக்கும் எனது ஆழ்ந்த இரங்கலையும் ஆறுதலையும் தெரிவித்துக் கொள்கிறேன்.
இவ்வாறு கழகத் தலைவர் மு.க.ஸ்டாலின் அவர்கள் அச்செய்தியில் தெரிவித்துள்ளார்.