நாமக்கல், ஜூன் 27–
நாமக்கல் நகரின் மையப்பகுதியில் பலபட்டறை மாரியம்மன் கோயில் உள்ளது. இந்த கோயிலில் அனைத்து சமூகத்தினருக்கும் சாதி பாகுபாடு இன்றி வழிபாடு செய்து வருகின்றனர்.
இந்து சமய அறநிலையத்துறையின் கட்டுபாட்டில் இந்த கோயில் உள்ள இக்கோயிலில் கடந்த 22 ஆம் தேதி தமிழ்நாடு முதல்வர் விஜய்யின் பிறந்த நாளை முன்னிட்டு, தவெகவினர் கோயிலின் கருவறையில் விஜய்யின் படத்தை வைத்துபூஜை செய்தது தற்போது தெரிய வந்துள்ளது.
இதுதொடர்பான வீடியோ காட்சிகள் சமூக வலைதளங்களில் பரவி வருகிறது.விஜய்யின் பிறந்ததினத்தையொட்டி, தவெகவினர் விஜயின் போட்டோவுடன் கோயிலுக்கு சென்றுள்ளனர். அந்த போட் டோவை அம்மன் சிலை உள்ள கருவறை யில் வைத்து பூஜை செய்யும்படி, கோயில பூசாரி வெங்கடேசிடம் கூறியுள்ளனர். இதற்கு அவர் தயங்கியுள்ளார்.
பின்னர் தவெகவினர் எந்த பிரச்சினையும் வராது, நாங்கள் பார்த்து கொள்கிறோம் என கூறியுள்ளனர்.
இதனால் கருவறையில் விஜய்யின் படத்தை வைத்து பூசாரி வெங்கடேசன், விஜய்யின் நட்சத்திரத்தை குறிப்பிட்டு அர்ச்சனை செய்துள்ளார். பின்னர் தீபாரதனை காட்டப்பட்டு முதல்வரின் படம் கருவறையில் இருந்து எடுக்கப்பட்டு கட்சியினரிடம் பூசாரி கொடுத்துள்ளார்.
இது பக்தர்களை அதிர்ச்சிக்குள்ளாக்கியுள்ளது. கோயில்கருவறையில், பூஜைபொருட்கள் மட்டுமே கொண்டு செல்ல அனுமதி உண்டு. அர்ச்சர்களை தவிர வேறு யாரும் கருவறைக்குள் செல்லமுடியாது.
நாமக்கல் பலபட்டறை மாரியம்மன் கோயிலில் ஆகம விதிமுறைகளை மீறி, முதல்வர் விஜய்யின் படம் வைத்து பூஜை செய்யப்பட்டது.
கேள்வி குறியாக்கும் வகையில், தவெகவினர் நாமக்கல் பலபட்டறை மாரியம்மன் கோயிலில் நடந்து கொண்டது பக்தர்களை அதிர்ச்சியில் தள்ளியுள்ளது.
இந்த வீடியோ காட்சிகள் வெளிவந்த உடன். இந்து சமயஅறநிலையத் துறைஅதிகாரிகள், கோயில் பூசாரி வெங்கடேசை அழைத்து கேட்டுள்ளனர். அதற்கு அவர், கட்சியினர் மிரட்டியதால் என்னால் எதுவும் செய்ய முடியவில்லை. அவர்கள் கூறியபடி பூஜை செய்து முடித்தேன் என தெரிவித்துள்ளார்.
பல்வேறு அரசியல் கட்சி தலைவர்களின் பிறந்ததினத்தையொட்டி, கட்சியினர் இந்த கோயிலிலில் வழிபாடு செய்து பக்தர்களுக்கு அன்னதானம் வழங்குவது வழக்கம். ஆனால் இதுபோல கருவறையில் தலைவர்களின் படத்தை வைப்பது இல்லை என கோயில் பூசாரிகள் தெரிவித்தனர்.