குன்­னூர், ஜூன் 27 –

குன்­னூர் சட்­ட­மன்ற தொகுதி மக்­க­ளின் கோரிக்­கையை ஏற்று 13கோடி ரூபாய் செல­வில் கட்­டப்­பட்டு வந்த மல்டி லெவல் பார்க்­கிங் திட்­டத்தை நிறுத்­திய த.வெ.க அமைச்­சர் ரமே­ஷுக்கு முன்­னாள் குன்­னூர் சட்­ட­மன்ற தொகுதி உறுப்­பி­ன­ரும் – முன்­னாள் அரசு கொற­டா­வும் முன்­னாள்அமைச்­ச­ரு­மான கா.ராமச்­சந்­தி­ரன் விடுத்­துள்ள கண்­டன அறிக்கை வரு­மாறு:

நீல­கிரி மாவட்­டம் என்­பது உல­கப் புகழ்­பெற்ற சுற்­றுலா ஸ்தல­மா­கும். குறிப்­பாக குன்­னூர் சிம்ஸ் பூங்கா, லாம்ஸ் ராக் உள்­ளிட்ட சுற்­று­லாத் தலங்­களை கண்டு ரசிக்க நீல­கிரி மாவட்­டத்­திற்கு வரக்­கூ­டிய பெரும்­பா­லான சுற்­றுலா பய­ணி­கள் வந்து செல்­லும் நிலை­யில் குன்­னூர் நக­ரில் போக்­கு­வ­ரத்து நெரி­சலை தவிர்க்க, சுற்­று­லாப் பய­ணி­க­ளும், பொது­மக்­க­ளும் சொந்த வாக­னங்­க­ளில் வரும் போது அவர்­க­ளுக்கு பார்க்­கிங் வசதி செய்து தர கடந்த தி.மு.க. ஆட்­சி­யில் இந்து அற­நி­லைய துறை கட்­டுப்­பாட்­டில் உள்ள விநா­ய­கர் கோயி­லுக்கு சொந்­த­மான வளா­கத்­தில் நீண்ட கால­மாக இருந்த திரை­ய­ரங்கு மழை வெள்­ளத்­தில் இடிந்து சேத­மா­னது.

இதை அப்­பு­றப்­ப­டுத்தி அப்­ப­கு­தி­யில் குன்­னூர் மக்­க­ளும் சுற்­று­லாப் பய­ணி­க­ளும் பயன் பெறும் வகை­யில் 13 கோடி ரூபாய் மதிப்­பீட்­டில் அதி­ந­வீன மல்டி லெவல் பார்க்­கிங் அமைத்­திட முன்­னாள் முத­ல­மைச்­சர்மு.க.ஸ்டாலின் அவர்கள் உத்­த­ர­வின் பெய­ரில் அப்­போ­தைய இந்து அற­நிலையத் துறை அமைச்­சர் சேகர்­பாபு கோவை­யில் உள்ள மரு­த­மலை கோவி­லில் இருந்து 13 கோடி ரூபாய் நிதி ஒதுக்கி அர­சாணை வெளி­யி­டப்­பட்­டது.

இதன் மூலம் மல்டி லெவல் பார்க்­கிங் அமைத்­திட பணி­கள் துவங்­கப்­பட்ட நிலை­யில் தற்­போ­தைய த.வெ.க அர­சின் இந்து அற­நி­லையத்­துறை அமைச்­சர் ரமேஷ் பணி­களை நிறுத்­திட உத்­த­ர­விட்­டி­ருப்­பது குன்­னூர் பகுதி மக்­களை அதிர்ச்சி அடைய செய்­துள்­ளது. மல்டி லெவல் பார்க்­கிங் திட்­டம் நிறை­வேற்­றப்­பட்­டால் அதி­லி­ருந்து வரும் வரு­மா­னம் குன்­னூ­ரில் உள்ள விநா­ய­கர் நிர்­வா­கத்­திற்கு தான் செல்­லும் என்ற உண்மை நிலையை அறி­யா­மல் ரத்து செய்­துள்­ள­தற்கு முன்­னாள் அமைச்­சர் மற்­றும் முன்­னாள் குன்­னூர் சட்­ட­மன்ற உறுப்­பி­னர் என்ற முறை­யில் கடும் கண்­ட­னத்தை தெரி­வித்­துக் கொள்­கி­றேன்.

கடந்த தி.மு.க. ஆட்­சி­யில் குன்­னூர் பேருந்து நிலை­யத்தை இரண்டு கோடி ரூபாய் நிதி ஒதுக்­கப்­பட்டு விரி­வாக்க பணி, பழமை வாய்ந்த மார்க்­கெட் கட்­டிட நிதி ஒதுக்­கப்­பட்டு, குன்­னூ­ரில் உள்ள தோட்ட தொழி­லா­ளர்­கள் ஏழை, எளிய மக்­க­ளின் குழந்­தை­கள் பயன்­பெ­றும் வகை­யில் புதி­தாக அரசு கலைக்­கல்­லூரி, 10 கோடி ரூபாய் மதிப்­பீட்­டில் சர்­வ­தேச ஹாக்கி (HOCKEY)மைதா­னம் அமைக்­கும் பணி ,இளை­ஞர்­க­ளுக்கு வேலை­வாய்ப்பு ஏற்­ப­டுத்தி தர குன்­னூ­ரில் புதிய தொழில்­நுட்ப பூங்கா அமைக்க நட­வ­டிக்கை என எண்­ணற்ற திட்­டங்­கள் குன்­னூ­ ருக்கு கொண்­டு­வ­ரப்­பட்­டுள்ள நிலை­ யில் த.வெ.க அரசு திட்­டங்­களை முடக்­கும் நோக்­கில் செயல்­ப­டு­வது வருத்­த­ம­ளிப்­ப­தா­க­வும், உட­ன­டி­யாக நிறுத்­தப்­பட்ட மல்டி லெவல் பார்க்­கிங் திட்­டத்தை மீண்­டும் துவக்க வேண்­டு­மென திமுக முன்­னாள் அமைச்­ச­ரும், திமுக தேர்­தல் பணிக்­குழு செய­லா­ள­ரு­மான கா.ராமச்­சந்­தி­ரன் வெளி­யிட்­டுள்ளஅறிக்­கை­யில் கூறி­யுள்­ளார்.