திருவள்ளூர், ஜூன் 27–உள்ளாட்சி அமைப்புகளின் சுயாட்சியையும், ஜனநாயக மரபுகளையும் மதிக்காமல் அதிகார பலத்தை வெளிப்படுத்தும் நிகழ்வாக திருவள்ளூர் நகர்மன்றக் கூட்டம் நேற்று மாறியதாக கடும் கண்டனங்கள் எழுந்துள்ளன. மக்களின் பிரச்சினை களை தீர்க்க நடத்தப்பட்ட நகர்மன்றக் கூட்டம், த.வெ.க. அரசின் அரசியல் ஆதிக்க அரங்கேற்ற மாக மாறியதால் பொதுமக்களிடையே அதிருப்தி வெடித்துள்ளது.
திருவள்ளூர் நகராட்சி அலுவலகத்தில் நகர்மன்றத் தலைவர் உதயமலர் பாண்டியன் தலைமையில் நகர்மன்ற உறுப்பினர்கள் கூட்டம் நடைபெற்றது. நகரின்குடிநீர் தட்டுப்பாடு, சாலைப்பழுதுகள், மழைநீர் வடிகால் வசதி, தெருவிளக்கு பராமரிப்பு உள்ளிட்ட மக்கள் நலப் பிரச்சி னைகள் குறித்து விவாதிக்க வேண்டிய முக்கியக் கூட்டமாக இது இருந்தது.
ஆனால் கூட்டம் தொடங்குவதற்கு முன்பே த.வெ.க. தெற்கு மாவட்ட செயலாளர் ஆர்.பிரகாசம் (எ) குட்டி, திருவள்ளூர் சட்டமன்ற உறுப்பினர் டாக்டர் டி.அருண்குமார் உள்ளிட்டோர் தலைமையில் நூற்றுக்கும் மேற்பட்ட கட்சி நிர்வாகிகள் நகராட்சி அலுவலக வளாகத்தை முற்றுகை
யிட்டனர். பின்னர் முதலமைச்சர் விஜயின் புகைப்படத்தை கையில் ஏந்தியபடி நகர்மன்றக் கூடத்திற்குள்நுழைந்து கூட்ட நடவடிக்கைகளை முடக்க முயன்றனர்
நகர்மன்றத்தில் எந்த புகைப்படத்தையும் வைப்பதற்கு மன்றத் தீர்மான மும், அரசாணை நடைமுறைகளும் அவசியம் என்று நகர்மன்றத் தலைவர் மற்றும் உறுப்பினர்கள் விளக்கம் அளித்த போதிலும், அதை ஏற்க மறுத்த த.வெ.க.வினர் கடும் வாக்குவாதத்தில் ஈடுபட்டனர். நகர்மன்றத் தலைவர் அமரும் இடத்தின் முன்பாக அமர்ந்துகூட்டம் நடைபெறாமல் தடுத்ததால், இரண்டு மணி நேரத்திற்கும் மேலாக கூட்டம் முடங்கியதாக கூறப்படுகிறது.
பெண் மக்கள் பிரதிநிதி தள்ளிவிட்டதால் பரபரப்பு
இந்த பரபரப்பின் உச்சக்கட்டமாக, தி.மு.க. பெண் கவுன்சிலர் வசந்தி வேலாயுதம் நகர்மன்றக் கூடத்திற்குள் செல்ல முயன்றபோது, த.வெ.க. நிர்வாகிகள் அவரை தள்ளிவிட்டனர் அதிர்ச்சியை ஏற்படுத்தியுள்ளது. கீழே விழுந்த அவரை சக கவுன்சிலர்கள் எழுப்பி இருக்கையில் அமர வைத்தனர்.
ஒரு பெண் மக்கள் பிரதிநிதியே பாதுகாப்பாக நகர்மன்றக் கூட்டத்தில் பங்கேற்க முடியாத நிலை ஏற்பட்டிருப்பது, த.வெ.க. ஆட்சியில் ஜனநாயக அமைப்புகளின் நிலை என்ன என்ற கேள்வியை எழுப்பியுள்ளது. பெண்களின் கண்ணியத்தையும், தேர்ந்தெடுக்கப்பட்ட பிரதிநிதிகளின் உரிமைகளையும் மதிக்காத அரசியல் கலாச்சாரம் வளர்க்கப்படுகிறதா என்ற சந்தேகமும் எழுந்துள்ளது.
கதவை உடைத்து நுழைய முயற்சி
நகர்மன்றக் கூடத்திற்குள் மேலும் பலர் நுழைய முயன்றபோது காவல்துறையினர் தலையிட்டனர். அத்துமீறி நுழைய முயன்றவர்களை தடுத்து நிறுத்தியபோது தள்ளுமுள்ளு ஏற்பட்டது காவல்துறையினரின் எச்சரிக்கையையும் மீறி ஆளுங்கட்சியில் உள்ள காவல்துறையை ஒழுக என முழக்கங்கள் எழுப்பப்பட்டதால் நகராட்சி அலுவலக வளாகம் போராட்டக் களமாக மாறியது.
மக்கள் பிரச்சினைகள் ஓரங்கட்டப்பட்டன!
குடிநீர் இல்லை, சாலைகள் சேதமடைந்துள்ளன, வடிகால் வசதிகள் குறைபாடாக உள்ளன, தெருவிளக்குகள் பராமரிப்பின்றி கிடக்கின்றன என்று மக்கள் அவதிப்பட்டு வரும் நிலையில், அவற்றைப் பற்றி விவாதிக்க வேண்டிய நகர்மன்றக் கூட்டம் அரசியல் பலப்பரீட்சைக்கான மேடையாக மாற்றப்பட்டிருப்பது வேதனையளிப்பதாக பொதுமக்கள் கருத்து தெரிவித்துள்ளனர்.
மக்களின் வரிப்பணத்தில் இயங்கும் உள்ளாட்சி அமைப்புகளை அரசியல் அதிகாரக் காட்சிக்கான அரங்கமாக மாற்றும் இந்த அணுகுமுறை தொடர்ந்தால், ஜனநாயக அமைப்புகளின் மாண்பு எங்கே நிலைநிறுத்தப்படும் என்ற கேள்வி எழுந்துள்ளது.
ஜனநாயகத்தை மிரட்டலால் நடத்த முடியுமா?
மக்களால் தேர்ந்தெடுக்கப்பட்ட நகர்மன்ற உறுப்பினர்களின் கூட்டத்தை நூற்றுக்கணக்கான ஆதரவாளர்களை அழைத்து வந்து முடக்குவது ஜனநாயகமா? சட்ட நடைமுறைகளை புறக்கணித்து அரசியல் அழுத்தம் செலுத்துவது புதியஆட்சி முறையா? என்ற கேள்விகள் திருவள்ளூர் முழுவதும் பேசுபொருளாகியுள்ளன.
நகர்மன்றத் தலைவர் உதயமலர் பொன் பாண்டியன், நகர்மன்றக் கூட்டத்தில் நடைபெற்ற சம்பவங்கள் தொடர்பாகவும், பெண் கவுன்சிலர் தள்ளிவிட்டு விவகாரம் தொடர்பாகவும் காவல்துறையில் புகார் அளித்து உரிய நடவடிக்கை கோரப்படும் என்று தெரிவித்தார்.
உள்ளாட்சி அமைப்புகளின் சுயாட்சியை மதிக்காமல், அதிகார பலத்தால் ஜனநாயகத்தை அச்சுறுத்தும் போக்கு தொடர்ந்தால்அது மக்கள் ஆட்சிக்கே ஆபத்தாக மாறும் என்பதே திருவள்ளூரில் எழுந்துள்ள முக்கியக்
கவலையாகும்.