சென்னை, ஜூன் 28–
தமிழ்நாடு அரசின் டெல்லி சிறப்பு பிரதி
நிதியாக கர்நாடகத்தைச் சேர்ந்த முதலமைச்சர் விஜய் நடித்த ‘ஜனநாயகன்’ திரைப்படத்தின் தயாரிப்பாளர் ஒருவரை நியமித்திருப்பது பல்வேறு கேள்விகளையும் கவலைகளையும் எழுப்பியுள்ளது.
காவிரி நீர் உரிமை பிரச்சினை தொடர்ந்து தமிழ்நாட்டின் வாழ்வாதாரப் போராட்டமாக நீடித்து வரும் சூழலில், இந்த நியமனம் விஜய் அரசின் அரசியல் புரிதலையும் முன்னுரிமைகளையும் சந்தே கிக்க வைக்கிறது.
காவிரி என்பது வெறும் நீர்ப் பிரச்சினை அல்ல; அது தமிழக விவசாயி களின் உயிர்வாழ்வு உரிமை. டெல்டா மாவட்ட மக்களின் பொருளாதாரம், விவசாயம், குடிநீர் தேவைகள் அனைத்தும் காவிரி நீருடன் நேரடியாக தொடர்புடையவை. இத்தகைய உணர்வுப்பூர்வமான பிரச்சினையில் தமிழ்நாட்டின் உரிமைகளை வலிமையாக முன்வைத்து போராட வேண்டிய பொறுப்பு டெல்லி சிறப்பு பிரதிநிதிக்குப் பெரிதும் உள்ளது.
இந்த நிலையில், கர்நாடக அரசியலுடனும் சமூக உணர்வுகளுடனும் தொடர்புடைய ஒருவரை நியமிப்பது தேவையற்ற சந்தேகங்களையும் அரசியல் சர்ச்சைகளையும் உருவாக்குகிறது. இது தமிழ்நாட்டு மக்களின் மனநிலையையும் காவிரி விவகாரத்தில் அவர்களின் நீண்டகால வேதனையையும் புறக்கணிக்கும் செயலாகவே பார்க்கப்படுகிறது.
தமிழகத்தின் உரிமைகள், மொழி, நீர்வளங்கள் மற்றும் கூட்டாட்சி உரிமைகள் குறித்து தெளிவான புரிதலும் உறுதியான நிலைப்பாடும் கொண்ட பல திறமையான தமிழர்கள் இருக்கும்போது, இந்த நியமனம் எந்த அடிப்படையில் செய்யப்பட்டது என்பதை அரசு வெளிப்படையாக விளக்க வேண்டும்.
தமிழ்நாட்டின் உரிமைகளை பாதுகாக்க வேண்டிய பொறுப்பில் இருப்பவர்கள், தமிழக மக்களின் உணர்வுகளுடன் முழுமையாக ஒன்றிப்போனவர்களாக இருக்க வேண்டும். இல்லையெனில், அது மக்களிடையே நம்பிக்கையின்மையையும் அதிருப்தியையும் அதிகரிக்கும்.
எனவே, தமிழ்நாடு அரசு இந்த நியமனத்தை மறுபரிசீலனை செய்து, காவிரி உள்ளிட்ட மாநில உரிமைப் பிரச்சினைகளில் தமிழகத்தின் குரலை தைரியமாகவும் தெளிவாகவும் எடுத்துரைக்கும்நபரை நியமிக்க வேண்டும்என்று வலியுறுத்துகிறேன் என்று பேராசி ரியர் எம்.எச்.ஜவாஹிருல்லா விடுத்துள்ள அறிக்கையில் கூறியுள்ளார்.