சென்னை, ஜூன்28–

“இந்­திய சினி­மா­வில் முடி­சூ­டாத் திரைக்­கதை மன்­ன­ராக விளங்­கி ­ய­வர் பாக்­ய­ராஜ் அவர்­கள்” என்று கழ­கத் தலை­வர் மு.க. ஸ்டாலின் அவர்­கள் விடுத்­துள்ள இரங்­கல் செய்­தி­யில் புக­ழா­ரம் சூட்­டி­யுள்­ளார்.

பிரபல நடிகரும் இயக்குநருமான கே.பாக்யராஜ் மாரடைப்பால்காலமானார். அவருக்கு வயது 73. தமிழ் சினிமாவில் தனது தனித்துவ திரைக்கதை பாணி யால் வெகுவாக ஈர்த்தவரும், நகைச்சுவையுடன் கூடிய நடிப் பாற்றலால் ரசிகர்களை மகிழ் வித்தவருமான பாக்யராஜின் இழப்பால் தமிழ்த் திரையுலகம் சோகத்தில் ஆழ்ந்துள்ளது. பெரும் சோகத்தை ஏற்படுத்தியுள்ளது.

சினிமா துறை மீது கொண்ட ஆர்வம் காரணமாக இயக்குநர் கள் ஜி.ராமகிருஷ்ணன் மற்றும் பாரதிராஜா ஆகியோரின் உதவி இயக்குநராக அவர் பணியாற்றி னார். கடந்த 1977-ல் தனது திரைப் பயணத்தை அவர் தொடங்கினார்.

இதில் பாரதிராஜாவுடன் ‘16 வயதினிலே’, ‘கிழக்கே போகும்ரயில்’ உள்ளிட்ட படங்களில் உதவிஇயக்குநராக பணியாற்றினார். கிழக்கே போகும் ரயில் மற்றும் டிக் டிக் டிக் படங்களுக்கு பாரதி ராஜாவுடன் இணைந்து கதை எழுதினார். சிகப்பு ரோஜாக்கள் படத்துக்கு வசனம் எழுதியவர், துணை கதாபாத்திரங்களிலும் அவர் நடித்து வந்தார்.

சுவர் இல்லாத சித்திரங்கள் படம் மூலம் இயக்குநராக அறிமுக மானார். தொடர்ந்து பல்வேறு படங்களை இயக்கிய அவர், தனது படங்களில் கதாநாயகனாகவும் நடித்துள்ளார். இன்று போய் நாளை வா, அந்த 7 நாட்கள், தூறல் நின்னுபோச்சு, டார்லிங் டார்லிங் டார்லிங், முந்தானை முடிச்சு, தாவணிக் கனவுகள், சின்ன வீடு, அவசர போலீஸ் 100, ராசுக்குட்டி, ஒரு ஊர்ல ஒரு ராஜகுமாரி, சொக்கத்தங்கம், சித்து +2 உள்ளிட்ட படங்களை இயக்கி நடித்துள்ளார். இதோடு திரைப்படத் துக்கு பின்னணி இசை அமைத்து, பாடலும் பாடி உள்ளார். ‘பாக்யா’ என்று வார இதழின் ஆசிரியராக இயங்கி வந்தார்.

‘திரைக்கதை மன்னன்’ என்று போற்றப்படும் பாக்யராஜின் படங் கள் ஜனரஞ்சகமாக இருக்கும். கதை, வசனங்கள், காமெடி என அவரது படங்கள் கவனம் ஈர்க்கும். சிறந்த திரைக்கதை ஆசிரியராக அறியப்பட்டவர்.

தனது சினிமா பணிக்காக பல்வேறு விருதுகளை பெற்றுள் ளார். தமிழகத்தின் பிரதான அரசியல் கட்சிகளில் இணைந்து அவர் பணியாற்றி உள்ளார். இயக்குநர்கள் பார்த்திபன் மற்றும் பாண்டியராஜன் ஆகியோர் பாக்ய ராஜின் உதவி இயக்குநர்களாக பணியாற்றியவர்கள் என்பது குறிப்பிடத்தக்கது.

கடந்த 10-ம் தேதி இயக்குநர் பாரதிராஜா காலமான நிலையில் இன்று (ஜூன் 27) இயக்குநர்பாக்யராஜ், மாரடைப்பு காரணமாககாலமானது திரையுலகை பெரும் சோகத்தில் ஆழ்த்தியுள்ளது.

அவரது மறைவு குறித்து கழ­கத் தலை­வர் மு.க.ஸ்டாலின் அவர்­கள் விடுத்­துள்ள இரங்­கல் செய்தி வரு­மாறு:–

ஆசான் மறைந்த சில வாரங்­க­ளி­லேயே அவ­ரது மாண­வ­ரை­யும்இழந்­து­விட்­டது தமிழ்த் திரை­யு­ல­கம்!

இந்­திய சினி­மா­வில் முடி­சூ­டாத் திரைக்­கதை மன்­ன­ராக, அனை வ­ரை­யும் ஈர்த்த யதார்த்த நாய­க­னாக, சிக்­க­லான சூழ­லை­யும் சிறிய வச­னத்­தில் கடத்­தி­வி­டும் ஆற்­றல் பெற்ற எழுத்­தா­ள­ராக என எல்­லா­வற்­றி­லும் வெற்­றி­பெற்ற அசாத்­திய இயக்­கு­ந­ராகவலம்வந்­த­வர் பாக்­ய­ராஜ் அவர்­கள்.

தன்­னைப் போலவே மேலும் பலரை இயக்­கு­நர்­க­ளாக வளர்த் தெ­டுத்த பெரு­மைக்­கு­ரி­ய­வர்.

சில மாதங்­க­ளுக்கு முன்­பு­ தான், பாக்­ய­ராஜ் அவர்­கள்திரை ­யு­ல­கில் 50 ஆண்­டு­கா­லத்தைநிறை­வு­ செய்­த­தற்­கான விழா­வில் கலந்­து ­கொண்டு, முத­ல­மைச்­ச­ராக மட்­டு­மின்றி, அவ­ரது இர­சி­க­னா­க­வும் அந்த விழா­வில் பேசி­யி­ருந்­தேன். அந்த நினை­வு­கள் இன்­னும் பசு­மை­யாக உள்­ளன.

திரைத்­து­றை­யில் இன்­னும் பலஆண்­டு­கள் பங்­க­ளிக்­கும் வாய்ப்­பை­யும் ஆற்­ற­லை­யும் பெற்­றி­ருந்த அவர் தம் வாழ்வை நிறைவு செய்து கொண்­டு­விட்­டது பெரும் இழப்பு.

அவரை இழந்து தவிக்­கும் திரு­மதி. பூர்­ணிமா பாக்­ய­ராஜ், சாந்­தனு, சரண்யா உள்­ளிட்ட குடும்­பத்­தி­ன­ருக்­கும் திரைத்­துறை நண்­பர்­க­ளுக்­கும் எனது ஆழ்ந்த இரங்­கல்­கள்.

தமது படைப்­பு­க­ளால் பாக்­ய­ராஜ்அவர்­கள் என்­றென்­றும் தமிழ்­நாட்டு மக்­க­ளின் பிரிக்க முடி­யாத அங்­க­மா­கத் தொடர்ந்து வாழ்­வார்.

இவ்­வாறு கழ­கத் தலை­வர் மு.க.ஸ்டாலின் அவர்­கள் தமது இரங்­கல் செய்­தி­யில் கூறி­யுள்­ளார்.