சென்னை, ஜூன் 28 –
“அமைச்சரவைக் கூட்டங்களில் தனது உதவியாளர்கள், ஜான் ஆரோக்கியசாமி, விஷ்ணுரெட்டி பங்கேற்பது குறித்துதீவிரக் கேள்விகள் எழுந்துள்ளது. இதன் மூலம் முதல்வர் தனது ரகசியக் காப்புப் பிரமாணத்தை மீறி விட்டார்” என்று தலைமைக் கழகசட்ட தலைமை ஆலோசகரும் மூத்தவழக்கறிஞருமான பி.வில்சன் எம்.பி. கண்டனம் தெரிவித்துள்ளார்.
இது குறித்து அவர் தமது சமூக வலைதளத்தில் பதிவிட்டிருப்பதாவது: –
முதலமைச்சர் சி.ஜோசப்விஜய் தலைமையில் நடைபெறும் அமைச்சரவைக் கூட்டங்கள், ஆய்வுக் கூட்டங்கள் மற்றும் இதர உயர்மட்ட அரசு ஆலோசனை களில் ஜான் ஆரோக்கியசாமி மற்றும் விஷ்ணு ரெட்டி ஆகியோர் பங்கேற்பது குறித்து தீவிரக் கேள்விகள் எழுந்துள்ளன.
ஆந்திர மாநிலத்தைச் சேர்ந்த ஜான் ஆரோக்கியசாமி மற்றும் விஷ்ணு ரெட்டிஆகிய இருவரும், தமிழக முதலமைச்சர் சி.ஜோசப் விஜய்யின் நெருங்கிய உதவியாளர்களும் நண்பர்களும் ஆவர். இவர்கள் அரசில் என்ன அதிகாரப்பூர்வப் பதவிகளை வகிக்கிறார்கள்என்பது தெளிவாகத் தெரியவில்லை; இருப்பி னும், தலைமைச் செயல கத்தில் முதலமைச்சரின் அறைக்கு அருகிலேயே அவர்களுக்கு ஓர் அறை ஒதுக்கப்பட்டுள்ளது.
எந்தத் தகுதியில்
பங்கேற்கின்றனர்?
அவர்கள் அரசு ஊழியர்கள் இல்லை என்றால், ரகசிய ஆவணங்கள் பரிமாறப்படும் மிக ரகசியமான கூட்டங்களில் அவர்கள் எந்தத் தகுதியின் அடிப்படையில் கலந்து கொள்கிறார்கள்?
முதலமைச்சர் ரகசியக் காப்புப் பிரமாணம் எடுத்துக்கொண்டுள்ளார்.
இத்தகைய நபர்களை இதில் ஈடுபடுத்துவது அரசியலமைப்பு நெறிமுறைகள், அலுவல் விதிகள் (Rules of Business) மற்றும் அவரதுரகசியக் காப்புப்பிரமாணம் ஆகியவற்றைப் பின்பற்று வது குறித்து தீவிரக் கவலைகளை எழுப்புகிறது.
அதிகாரப்பூர்வ
பதவிகளை பகிரங்கப்படுத்துக!
இந்த இருநபர்களின்அதிகாரப்பூர்வப் பதவிகளைமுதலமைச்சர் பகிரங்கப்படுத்த வேண்டும்; அதோடு, எந்த அதிகாரத்தின் கீழ் அவர்கள் அமைச்சரவைக் கூட்டங்களில் கலந்துகொண்டு, அதிகாரிகளுக்கு உத்தரவுகளைப் பிறப்பிக் கிறார்கள் என்பதைப் பொதுமக்களுக்கு விளக்க வேண்டும்!
இவ்வாறு பி.வில்சன் எம்.பி. அவர்கள் தமது சமூக வலைதளத்தில் பதிவிட்டுள்ளார்.