இ
ந்திய மாநிலங்களில் இரட்டை இலக்கப் பொருளாதார வளர்ச்சி கொண்ட ஒரே மாநிலமாகத் தமிழ்நாட்டை உயர்த்தியது திராவிட மாடல் ஆட்சி. அதில் தொழில்துறை முதலீடுகளுக்கு மிக முக்கிய பங்கு உண்டு. பன்னாட்டு நிறுவனங்களின் தொழிற்சாலைகளை தமிழ்நாட்டில் ஒரே இடத்தில் குவிக்காமல், பரவலான அளவிலும் அந்தந்தப் பகுதிகளுக்கு ஏற்ற வகையிலும் தொடங்கச் செய்து அங்குள்ள இளைஞர்களுக்கும் பெண்களுக்கும் வேலைவாய்ப்பினைத் திராவிட மாடல் அரசு உருவாக்கித் தந்தது. இதில் ‘நான் முதல்வன்’ திட்டத்தின் பங்களிப்பு மிக முக்கியமானதாகும்.
வியட்நாமில் உள்ள உலகப் புகழ்பெற்ற வின்ஃபாஸ்ட் மின்கல வாகனங்கள் உற்பத்தி நிறுவனம் திராவிட மாடல் அரசுடன் புரிந்துணர்வு ஒப்பந்தம் போட்டதன் விளைவாக, தூத்துக்குடியில் தனது தொழிற்சாலையை நிறுவிய போது, அந்தத் தொழிற்சாலைக்குத் தேவையான தொழில்நுட்பத் திறன் கொண்ட பணியாளர்களை தூத்துக்குடி மாவட்டத்திலேயே தேர்வு செய்ய வேண்டும் என திராவிட மாடல் அரசு வலியுறுத்தியது. அத்துடன், ‘நான் முதல்வன்’ திட்டத்தின் கீழ் தூத்துக்குடி மாவட்டத்தில் உள்ள அரசு மற்றும்தனியார் பாலிடெக்னிக்கை சேர்ந்த 300 மாணவர்களுக்குத் திறன் மேம்பாட்டுப் பயிற்சி அளிக்கப்பட்டது. அதில் 200 ஆண்- – பெண் மாண வர்களை வின்ஃபாஸ்ட் நிறுவனம் தனது பணியாளர்களாகத் தேர்ந்தெடுத்தது. இவர்களில் 105
பேர் அரசு பாலிடெக்னிக்கில் படித்தவர்கள் என்பது சிறப்பாகும்.
தூத்துக்குடியில் மட்டுமல்ல; தமிழ்நாட்டின் பல்வேறு பகுதிகளிலும் தொடங்கப்பட்ட பன்னாட்டு நிறுவனங்களில், நான் முதல்வன் திட்டத்தின் கீழ் திறன் மேம்பாட்டுப் பயிற்சி அளிக்கப்பட்டு, பணிக்குச் சேர்ந்த இளைய தலைமுறையினர் 45 இலட்சத்திற்கும் மேற்பட்டவர்களாகும். அதிக ஊதியம் பெறக்கூடிய வேலைகளில் தமிழ்நாட்டு இளைய தலைமுறைக்குப் பெரும் வாய்ப்பை உருவாக்கித் தந்தது நான் முதல்வன் திட்டம். ஜப்பான் உள்ளிட்ட வெளிநாடுகளில் தேவைப்படும் தகவல் தொழில்நுட்ப பணியாளர்கள், மென்பொருள் பணியாளர்களுக்கு அந்தந்த நாட்டு மொழிகளுடன் கூடிய திறன் பயிற்சி அளிக்கப்பட்டு, பலரும் பணிக்குச் சேர்ந்துள்ளனர்.
ஒன்றிய அரசின் யு.பி.எஸ்.சி. தேர்வுகளுக்குத் தயாராகும் மாணவர்களுக்குப் பயிற்சியுடன்
10 மாதங்களுக்கான உதவித் தொகையாக 7,500 ரூபாயும் வழங்கி அவர்கள் ஐ.ஏ.எஸ். தேர்வில் வெற்றி பெறத் துணை நின்றது கழகத் தலைவர் மு.க.ஸ்டாலின் அவர்கள் தலைமையில் தமிழ்நாட்டை உயர்த்திய திராவிட மாடல்அரசு. 1000 மாணவர்கள் இதற்காகத் தேர்ந்தெடுக்கப்பட்டு பயிற்சி அளிக்கப்பட்டு, இந்திய அளவில்
நல்ல ‘ரேங்க்’ பெற்று, வரலாற்றுச் சாதனைப் படைத்தனர்.
விஜய் தலைமையிலான அரசு அமைந்தபிறகு, நான் முதல்வன் திட்டத்தின் மீது காழ்ப்புணர்வு கொண்டு, அதன் பெயரை மாற்றியிருப்பதுடன், அரசின் அதிகாரப்பூர்வ இணையதளம் மற்றும் சமூக வலை தளங்களில் நான் முதல்வன் திட்டம் குறித்தும்- அதன் பயனாளிகள் தங்கள் வாழ்க்கையில் ஏற்பட்ட மாற்றங்கள் குறித்தும் பதிவிடப்பட்டிருந்த காணொலிகளும் நீக்கப்
பட்டுள்ளன. யு.பி.எஸ்.சி. தேர்வுக்குத் தயாராகும்மாணவர்களுக்கான உதவித் தொகையும் வழங்கப்படாமல் இழுத்தடிக்கப்படுகிறது.
‘நான் முதல்வன்’ திட்டத்தின் பெயரை, ‘திறன் தமிழ்நாடு’ என்று மாற்ற வேண்டிய தேவை என்ன என்று விஜய் அரசில் அமைச்சராக உள்ள நிர்மல்குமாரிடம் ஊடகத்தினர் கேட்டபோது, “அந்தப் பெயரைப் பார்த்தால், தமிழ்நாட்டின் முதல்வராவதற்கு பயிற்சி அளிப்பது போன்ற குழப்பம் ஏற்படுகிறது. அதனால்தான், அதன் பெயர் மாற்றப் பட்டுள்ளது” என்று விநோதமான விளக்கத்தை அளித்துள்ளார்.
கழகத் தலைவர் அவர்கள் 2021ல் தன்னை முதல்வராக்கிய தமிழ்நாட்டின் ஒவ்வொரு குடும்பத்திலும், திறன் மிகுந்த சாதனையாளர்ககளாவும், தங்கள் துறையில் முதல்வராகவும் ஒருவர் உருவாக வேண்டும் என்ற நோக்கத்தில் 2022ஆம் ஆண்டில் நான் முதல்வன் எனும் மகத்தானத் திட்டத்தைக் கொண்டு வந்தார். ஆனால், மலிவான சிந்தனை கொண்ட விஜய் ஆட்சியில், இளைஞர்களின் திறன் மேம்பாட்டிற்காக, ‘நான் முதல்வன்’ திட்டத்தை சீரழிக்கும் வேலைகள் தொடங்கியுள்ளன. பெயர் மாற்றம், உதவித் தொகை நிறுத்தம் எனத் தொடரும் போக்குகளால், இளைய தலைமுறையின் எதிர்காலம் கேள்விக்குறியாகியுள்ளது.
கல்விக் கூடங்களில் பாடங்களைச் சொல்லிக் கொடுப்பதிலோ, படித்துப் பட்டம் பெறுபவர்களுக்குத் திறன் மேம்பாட்டுப் பயிற்சி அளிப்பதிலோ அக்கறை இல்லாமல், பள்ளிக்கூடங்களில் புகுந்து விசிலடிக்கும் திறமையை வளர்க்கும் வேலையை செய்தால் போதும் என இந்த அரசு முடிவெடுத்து விட்டதா?