ஈரோடு, ஜூன். 29–
ஈரோடு மத்திய மாவட்ட தகவல் தொழில்நுட்ப அணி மாவட்ட துணை அமைப்பாளரும், முன்னாள் ஒன்றிய குழு உறுப்பினருமான ஆர்.செந்தில்குமார் மறைவெய்தினார் என்பதை அறிவிக்க வருந்துகிறோம்.
தகவல் அறிந்து ஈரோடு தெற்கு மாவட்ட கழக செயலாளரும், முன்னாள் அமைச்சருமான சு.முத்து சாமி, ஈரோடு நாடாளுமன்ற உறுப்பினர் கே. இ.பிரகாஷ் உள்ளிட்ட மாநில, மாவட்ட, மாநகர, நகர, ஒன்றிய, பேரூர், வார்டு கழக நிர்வாகிகள், அனைத்து சார்பு அணிகளின் நிர்வாகிகள், அனைத்து கட்சி பிரமுகர்கள், கழக உடன்பிறப்புகள் பலர் அன்னாரின் உடலுக்கு அஞ்சலி செலுத்தி குடும்பத்தாருக்கு ஆறுதல் கூறினார்கள்.
உதயநிதி ஸ்டாலின்
இரங்கல் செய்தி!
அன்னாரின் மறைவு செய்தி அறிந்த சட்டமன்ற எதிர் கட்சி தலைவரும், கழக இளைஞரணி செயலாளருமான உதயநிதி ஸ்டாலின் அவர்கள் தனது இரங்கல் அறிக்கையில் ஈரோடு மத்திய மாவட்ட தகவல் தொழில்நுட்ப அணி மாவட்ட துணை அமைப்பாளரும், முன்னாள் ஒன்றிய குழு உறுப்பினருமான ஆர்.செந்தில்குமார் காலமானார் என்பதையறிந்து மிகவும் வேதனையடைந்தேன்.
2018- ம் ஆண்டு நடைபெற்ற கழகத்தின் மண்டல மாநாட்டிற்கு தனது கடின உழைப்பை தந்தவர். பெருந்துறை ஊராட்சி ஒன்றிய குழு உறுப்பினராக திறம்பட பணியாற்றியவர். அவரது மறைவிற்கு எனதுஆழ்ந்த இரங்கலை தெரிவித்து கொள்கிறேன். அவரை இழந்து வாடும் குடும்பத்தாருக்கும், கழகத்தினருக்கும் எனது ஆறுதல்களை தெரிவித்து கொள்கிறேன் என கூறியுள்ளார்.