விழுப்புரம் வடக்கு மாவட்டம் மேல்மலையனூர் முன்னாள் ஒன்றிய தி.மு.க. செயலாளர் இல. பவுணனின் 28ஆம் ஆண்டு நினைவு தினத்தை முன்னிட்டு வளத்தி ஊராட்சியில் அலங்கரித்து வைக்கப்பட்டிருந்த அவரது திரு உருவப்படத்திற்கு விழுப்புரம் வடக்கு மாவட்டப் பொறுப்பாளர், முன்னாள் அமைச்சர் செஞ்சி மஸ்தான் மாலை அணிவித்து மலர் தூவி மரியாதை செலுத்தினார். தொடர்ந்து கலைஞர் திருமண மண்டபத்தில் நடைபெற்ற மாபெரும் இலவச கண் சிகிச்சை முகாமை தொடங்கி வைத்த அவர் மேல்மலையனூர் ஒன்றியத்தில் 10, 12 ஆம் வகுப்பு பொதுத் தேர்வில் முதலிடம் பெற்ற மாணவ –மாணவிகளுக்கு பாராட்டுச் சான்றிதழ்களை வழங்கினார்.