ஒரு குழந்தை 4 வயது வரை பேசவே இல்லை என வருந்திக் கொண்டிருந்த சூழலில், ஒருநாள் குழந்தை பேசியதாம், “அம்மா நீ எப்ப தாலி அறுப்பாய்” என்று.

ஊரார் சொன்னார்கள். “இதற்கு இந்த குழந்தை பேசாமலேயே இருந்திருக்கலாமே” என்று.

சட்டசபையில் இரண்டு, மூன்று நாளா முதல்வர் விஜய் வாயை திறக்காது. உடலை அசைக்காது. வி.ஜி.பி. கடற்கரையில் நிற்பாரே ஒருவர் அவர் போல உட்கார்ந்து இருக்கிறாரே என்று பேசிய காலம் போய் இறுதி நாள் மதியமே பதில் தராமல், வீடு சென்று, யாரோ வீட்டில் எழுதிக் கொடுத்ததை மனப்பாடம் செய்து கொண்டு, மறுநாள் பேசியதின் விளைவு, விஜய்க்கு ஆதரவு தரும் கட்சிகளே விஜயினை கண்டிக்கும் சூழல்தான் விஜயின் நாற்பது நாள் சாதனை.

தளபதி ஸ்டாலினை தேட வேண்டுமா, தேடு. கலைஞர் மகளிர் உரிமைத் தொகையில் தளபதி கிடைப்பார் தேடு. மகளிர் விடியல் பயணத் திட்டத்தில் தளபதி கிடைப்பார் தேடு. காலை உணவு திட்டத்தில் தளபதி கிடைப்பார் தேடு. இல்லம் தேடி சுல்வி, வீடு தோறும் மருத்துவம், உங்களுடன் ஸ்டாலின், நான் முதல்வன் போன்ற எண்ணற்ற திட்டங்களில் தேடிப்பார். அங்கே சிரித்துக் கொண்டே தெரிவார் எங்கள் தங்கத் தளபதி.

நல்லவன் கண்ணுக்கு நல்லதாகத் தெரியும் என புராணங்கள் சொல்கின்றன.

இளைய தலைவர் உதய் வைத்த குற்றச்சாட்டுகளில், உன் குடும்பப் பின்னணி இருந்தால், பதிலுக்கு நீயும் சொன்னால் கூட பெரிய தவறு இல்லை. ஆனால் உன் அரசின் தவறுகளை மட்டுமே சுட்டிக் காட்டினால், அதற்கு ஒரு வரி கூட பதில் சொல்லாமல், எதிர்க்கட்சி வெளிநடப்பு செய்த பின், ஆளில்லாத ஊரில் டீ ஆற்றுவது போல. எதிர்க்கட்சி இல்லாத சூழலில், விஷ வாயுவை ஆற்றுகிறீர்களே நியாயமா?

திவ்யா என்கிற குழந்தை லண்டனில் பட்டம் பெற்று திரும்புகையில், தனது தந்தை இல்லை என தேடியது என்பதையும். தன் கணவன் திருமண உறவுக்கு மீறி உறவு கொண்டுள்ளார் என வழக்குப் போட்டு மனைவி செங்கல்பட்டில் தேடுகிறார் என்பதையும், தன் அப்பாவை மகன் தேடுகிறான் என்றும் எங்களை சொல்ல வைத்து விட்டீர்களே விஜய்

ஒவ்வொரு ஆகஸ்ட் 15–ம் நாள் விடியற்காலையும் அண்ணன் ஆர்.எம்.வீயையும், பின் கலைஞரையும் நேரில் சென்று வாழ்த்துப் பெற்ற பின் தான். தன் வீடு வந்து வாழ்த்துக்களை தொண்டர்களிடம் பெற்றுக் கொள்வார் அண்ணன் டாக்டர் ஜெகத்ரட்சகன். எல்லோரும் அப்படித்தான். நீங்கள் மட்டும்தான் உங்கள் அப்பா அம்மாவையே வீட்டிற்குள்ளும் விடாமல், நேரிலும் செல்லாமல், கோட்டைக்கு வரச் சொல்லி ஆசிபெற்ற அதிசய பிறவி நீங்கள்.

உங்களுக்காக இறந்த 41 பேர் குடும்பத்தையும் உங்கள் இடத்திற்கு வரவழைத்துதான் உங்களால் ஆறுதலே சொல்ல முடிந்தது.

ஏன் அந்த 41 பேர் குடும்பத்தை கரூரில் தேடாமல். மாமல்லபுரத்தில் உங்களால் தேட முடிகிறபோது, தளபதியை அவரின் திட்டங்களிலோ. அறிவாலயத்திலோ தேட முடியாதா?

ஒரு முறை அண்ணன் தினமணி வைத்தியநாதன் அறிவாலயத்தில் நீண்ட கூட்டத்தில் கலைஞரை சந்திக்க முடியாததால், தலைவரே நாளை நான் தலைமைச் செயலகமாம் கோட்டையில் உங்களைச் சந்திக்கிறேன் என்றாராம். அதற்கு கலைஞர் எதுய்யா என் கோட்டை, தலைமைச் செயலகமா, அறிவாலயம் தான்யா என் கோட்டை, அறிவாலயத்தில் நாளை வந்து பார் என்றாராம்.

உங்களைப் போல கட்சி ஆரம்பித்த உடன் இடைத்தேர்தலைக் கூட சந்திக்காமல் நடிப்பே முதல்வர் பதவிக்கான பாஸ்போர்ட் என கோட்டைக்கு நேரடியாக வந்தவர் அல்ல எங்கள் தளபதி. அறிவாலயத்திற்கு வந்துப் பார். தளபதி கம்பீரமாக வலம் வந்து கொண்டிருக்கிறார். அங்கே தேடாமல் சட்டசபையில் தேடுகிறாய். இருக்கும் இடத்தை விட்டு இல்லாத இடம் தேடும் நபர்கள் ஏதும் அறியாதவர்கள்.

எங்களுக்கு முதல்வர் விஜய்யை தேடுவது சிரமம் அல்ல.

ஆமாம் சிலிண்டர் ரோட்டில் போகும்போது எல்லாம் உங்களைப் பார்க்கிறேன். ஆண்டிற்கு 6 சிலிண்டர் என்பது எங்களுக்கு உங்கள் முகத்தை தேடி வந்து காட்டுகிறது.

வெளியூர் பேருந்தில் பெண்கள் பயணம் காசு கொடுத்து செல்லும்போது உங்கள் முகம் நினைவுக்கு வருகிறது.

மின்வெட்டு வரும்போது எல்லாம் முதல்வர் விஜய் முகம் கண் முன் ஆடுகிறது.

பாலியல் கொடுமை நியூஸ் படிக்கும்போது எல்லாம். எங்கள் கண்களுக்குத் தெரிவது முதல்வர் விஜய் முகம் தான்.

விவசாயக் கடன் முழுவதும் தள்ளுபடி செய்யாததால், விவசாயிகளைப் பார்த்தால் முதல்வர் விஜய் முகம்தான் நினைவுக்கு வருகிறது.

தேர்தல் நேரத்தில் தளபதி ஸ்டாலின், “காங்கிரசுடன் சமாதானம் ஆகிவிட்டது” என பொதுவெளியில் அமைதியாகச் சொன்னதை மாற்றி தி.மு.க.வினரை வீழ்த்திவிட்டேன் என்று சட்டசபையில் தமிழக முதல்வர் சொல்வதா?

சட்டமன்றத்தில் தெரியாதுதான். எனக்குத் தெரியாதுதான் என பல தெரியாதுகளை சொல்லி இருக்கிறார் விஜய் மேலும் சில தெரியாதுகளை சேர்த்துக் கொள்ளுங்கள் விஜய் அவர்களே.

தன்னை பெற்ற அப்பா, அம்மாவையே நேரில் சந்தித்து வாழ்த்துப் பெற தெரியாதுதான்.

கரூரில் நீங்கள் கொன்ற 41 பேரை, அவரவர் வீட்டில் சென்று ஆறுதல் கூறத் தெரியாதுதான்.

தான் பெற்ற மகளின் பட்டமளிப்பு விழாவிற்கு செல்லாததோடு, செல்லாமலே. வந்த பிறகாவது வந்த மகளை வாரி அணைத்து முத்தம் கொடுக்கவே தெரியாதுதான்.

பெண்களை வரவழைத்து பானத்தில் மாத்திரை கொடுத்து கெடுத்த சரவணன் எம்.எல்.ஏ. கூட்டத்தை தண்டிக்கத் தெரியாதுதான்.

3 வயது சிறுமியை பாலியல் செய்த குற்றவாளியை பிடி என்றால், 2 வயது சிறுமியை சீரழித்த தி.மு.க.வினர் என்று சட்டசபையிலேயே பொய் சொன்ன ஆதவினை கண்டிக்கத் தெரியாதுதான்.

தமிழக சட்டசபையில் நான்கு ஆண்டுகளாய் தமிழ்த்தாய் வாழ்த்துப் பாடவில்லை என பொய் கூறிய ஆதவை மன்னிப்பு கேட்க வைக்க தெரியாதுதான்.

எனக்கே என் மீது நம்பிக்கையில்லாததால்தான் இரண்டு இடத்தில் நின்றேன் என்று சொல்லத் தெரியாதுதான்.

கவர்னர் ஆட்சி வரக்கூடாது என்பதற்காக மட்டுமல்ல, விஜய் ஆட்சி எப்படி என மக்கள் தெரிந்து கொள்ளட்டும் என்று தளபதி ஸ்டாலின் தன் கூட்டணிக் கட்சிகளை என்னிடம் அனுப்பி வைத்ததை, பெருந்தன்மையுடன் ஒப்புக்கொள்ள தெரியாதுதான்.

கரூரில் வயிற்றுப் பகுதியில் நில்லுங்கள். இங்குதான் இரண்டு நாட்களுக்கு முன்பு எடப்பாடி பழனிச்சாமியும் பேசினார் என்றால், அதைக் கேட்காமல் முண்டிச் சென்று கழுத்துப் பகுதியில் நின்று 41 பேர் சாகக் காரணம் நான்தான் என உங்களுக்கு என்னால் வாக்குமூலம் சொல்லத் தெரியாதுதான்.

மூக்கை பிடித்தும், கழுத்தை கத்தியில் கீறியும் சாக அடித்ததோடு, அரசு மருத்துவமனை கிடங்கு பிணங்களை தூக்கி வந்து இங்கே செந்தில் பாலாஜி ஆட்கள்தான் போட்டார்கள் என பொய் சாட்சி சொன்ன, கரூர் மாவட்ட த.வெ.க. செயலாளர் மதியழகன் மனைவியை கண்டிக்க தெரியாதுதான்.

டெல்லி சென்று பொருளாதாரத்தில், இந்தியாவில் தமிழகம்தான் முதலிடம், பெண்கள் வேலைவாய்ப்பில், படிப்பில் இந்தியாவில் முதலிடம்.

ஜவுளி மின் பொருட்கள் உற்பத்தியில் தமிழகம் தான் முதலிடம் என்று சொன்ன உங்களுக்கு இதற்குக் காரணமான தளபதி ஸ்டாலினுக்கு என் நன்றி என்று கூறத் தெரியாதுதான்.

கோட்டையில் கொடியேற்ற அனுமதி பெற்றுத் தந்த கலைஞருக்குஎன் நன்றி என எம்.ஜி.ஆர். போல பெருந்தன்மையுடன் பாராட்ட தெரியாதுதான்.

கரூர் விஷயத்தில் எந்தத் தலைவனும், தன் தொண்டன் சாவதை விரும்ப மாட்டான் எனச் சொல்லி என்னை காப்பாற்றிய தளபதி ஸ்டாலினுக்கு என் நன்றி என நன்றி சொல்லத் தெரியாதுதான்.

தொட்டவனை விட மாட்டேன் என்று கூறிவிட்டு, திருட்டு லாட்டரி மூலம் ஏழை பணத்தை சுரண்டித் தொட்டவர்களை எல்லாம் ஆதவிலிருந்து அனைவரையும் சேர்த்துக் கொள்ளும் கொடுமை நெஞ்சுக்காரன் நானே என சொல்லத் தெரியாதுதான்.

முஸ்லீம் லீக் ஆரம்பத்தில் நாங்கள் தேடிச்சென்றபோது, “எங்களுக்கு என்று ஏதும் இல்லை. எங்கள் கூட்டணி தலைவர் ஸ்டாலின் சொல்வது தான் முக்கியம்” என்று சொன்னதை இப்போது சொல்லத் தெரியாதுதான்.

த.வெ.க.வை ஆதரிக்கப் போகிறோம் என்று சொன்னபோது முகம் சுளிக்காமல், அந்த உரிமை உங்களுக்கு இருக்கிறது என்று தளபதி ஸ்டாலின் சொன்னதற்காக என் நன்றி எனக் கூறத் தெரியாதுதான்.

அ.ம.மு.க. வெற்றி வேட்பாளர் காமராஜின் பொய்யான கடிதத்தை கவர்னரிடம் கொடுத்து விட்டு, பின் மறுத்து, பின் ஏற்று, இந்தக் கூத்து எந்த நோக்கத்தில் என சொல்லத் தெரியாதுதான்.

சட்டமன்ற உறுப்பினர்களில் அ.தி.மு.க.விலிருந்து 25 நபர்கள் மட்டுமே பிரிந்து போன சூழலில், அவர்களிடம் சென்று நான் வாழ்த்தியது ஏன் என சொல்லத் தெரியாதுதான்.

25 நபரை திரிசங்கு நிலையில் தொங்கவிட்டது ஏன் என சொல்லத் தெரியாதுதான்.

கேரளாவில் பதவி ஏற்பு விழாவுக்கு காங்கிரஸ் அழைத்தும் போகாதது ஏன் என சொல்லத் தெரியாதுதான்.

தருமபுரம் ஆதீனத்தை, மனிதனை மனிதன் தூக்கிடும் பல்லக்குக்கு ஆதரவு தந்தது ஏன் என சொல்லத் தெரியாதுதான்.

கூட்டணி தர்மத்தை மீறி. சும்யூனிஸ்ட் தோழர் மகேந்திரனை தனது த.வெ.க.வில் சேர்த்தது ஏன் என சொல்லத் தெரியாதுதான்.

எப்போது வேலையில்லா பட்டதாரிகளுக்கு ரூ. 4,000/– மும், முதியோர் உதவித் தொகை ரூ.3,000/–மும், திருமணத்திற்கு தாலியும், அரசு கல்லூரியில் படிக்கும் மாணவர்களின் பெற்றோருக்கு ஆண்டுக்கு ரூ.15,000/– மும் வழங்குவது எப்போது என சொல்லத் தெரியாதுதான்.

கொரோனா நேரத்தில் ரூ.1,000/–க்கு மேல் கொடுக்க முடியாது என எடப்பாடி கை விரித்த சூழலில், ஒரு மாதத்தில், குடும்பத்திற்கு நிதியாக தலா 4,000/– ரூபாய் வழங்கிய தளபதி ஸ்டாலின் நிர்வாகத்தை பாராட்டிச் சொல்லத் தெரியாதுதான்.

அன்புத் தாயாக, என் மக்களுக்கு தலா ரூ. 1,000/– கொடுத்தாலே போதும் என மகிழ்ந்த தளபதி ஸ்டாலினை எனக்குப் பாராட்டிச் சொல்லத் தெரியாதுதான்.

டெல்லி சென்று அமைச்சர்களை அடிக்கடி சந்தித்து, நிதி பெற்று வரும் வாய்ப்பினை, ஏன் கோட்டை விட்டேன் என சொல்லத் தெரியாதுதான்.

இப்படி சொல்லலாம், சொல்லலாம் என்றாலும், எஞ்சி நிற்கும் சொல்ல எல்லாம். ஒன்றை மட்டும் சொல்கிறேன்,

ஆர்.கே.நகர் வெற்றிக்குப் பின் தினகரன் தன் வாயில் வந்ததை எல்லாம் பேசினார். அந்த ஒரு வெற்றியோடு முடிந்தது தினகரனுக்கு.

அது போல உங்கள் வார்த்தை மிஞ்சினால் இந்த வெற்றியோடு தமிழக வெற்றிக்கழகமும் முடியும் என்பதை மட்டும் என்னால் சொல்ல முடியும்தான்.

“ஒரு கோமாளி அரண்மனைக்குச் சென்றால் அவன் அரசனாகி விடுவதில்லை”.

“அரண்மனைதான் சர்க்கஸ் கூடாரமாகிவிடும்” என்பது துருக்கியில் பழமொழி, அது தமிழ்நாட்டில் புதுமொழி.