நாமக்கல், ஜூன் 30 –
நாமக்கல் மேற்கு மாவட்ட தி.மு.க. மாணவர் அணி சார்பில், முத்தமிழறிஞர் கலைஞர் அவர்களின் பிறந்தநாளை முன் னிட்டு “மகத்தான தலைவர் கலைஞர்” என்ற தலைப் பில் மாணவர்களுக்கான கருத்தரங்கம் திருச்செங் கோட்டில் நடைபெற்றது.
மாநில மாணவர் அணி துணைச் செயலாளர் ஆர். சுரேஷ்குமார் தலைமை வகித்தார். மாவட்ட மாணவர் அணி அமைப்பாளர் பாலசுப்பிரமணியன் வரவேற்றார். திருச்செங்கோடு மேற்கு நகர செயலாளர் நடேசன், கிழக்கு நகர செயலாளர் கார்த்திகேயன், நகர்மன்றத் தலைவர் நளினி சுரேஷ்பாபு ஆகியோர் முன்னிலை வகித்தனர்.
கருத்தரங்கில் தி.மு.க. துணைப் பொதுச் செயலாளரும், மாநிலங்களவை தி.மு.க. குழுத் தலைவருமான திருச்சி சிவா எம்.பி., நாமக்கல் மேற்கு மாவட்ட தி.மு.க. பொறுப்பாளரும் முன்னாள் எம்.எல்.ஏ.வு மான கே.எஸ். மூர்த்தி, மாநில மாணவர் அணி செயலாளர் திருமதி ஈரோடு வீரமணி ஜெயக்குமார் ஆகியோர் சிறப்பு அழைப்பாளர்களாக பங்கேற்றனர்.
கருத்தரங்கில் பேசிய திருச்சி சிவா எம்.பி., அண்ணா வகுத்த இருமொழிக் கொள்கை, மாநில உரிமைகள், புதிய கல்விக் கொள்கைக்கு எதிர்ப்பு உள்ளிட்ட கொள்கைகளை தற் போதைய ஆட்சியும் பின்பற்ற வேண்டிய நிலை ஏற்பட்டுள்ளதாக தெரிவித்தார். இந்தியாவில் 2035-ஆம் ஆண்டுக்குள் உயர்கல்வி பயிலும் மாணவர்களின் எண்ணிக்கையை 50 சதவீதமாக உயர்த்த இலக்கு நிர்ணயிக்கப்பட் டுள்ள நிலையில், தி.மு.க. ஆட்சியிலேயே தமிழ்நாட்டில் அந்த எண்ணிக்கை 51 சதவீதத்தை எட்டியதாக கூறினார்.
மேலும், சமூகநீதி மற்றும் இடஒதுக்கீட்டு கொள்கையால் அனைத்து சமூகத்தினருக்கும் உயர்கல்வி மற்றும் அரசு பணிகளில் வாய்ப்பு கிடைத்துள்ளதாககுறிப்பிட்ட அவர், தமிழ்நாட்டின் கல்வி வளர்ச்சிக்கும் சமூக முன்னேற்ற த்திற்கும் திராவிட இயக் கமே காரணம் என்றார். ஆட்சி மாறியது ஆதங்கம் அல்ல; அரசு இயந்திரம் துருப்பிடிக்காமல் பாதுகாக்கப்பட வேண்டும் என்ற அண்ணாவின் சிந்தனையே முக்கியமானது என்றும் தெரிவித்தார்.
“நாம் எதையும் இழக்கவில்லை. ஒன்றரை லட்சம் கோடி வாக்காளர்கள் நமக்கு வாக்களித்துள்ளனர். இது ஒரு இடைவேளை மட்டுமே. மீண்டும் ஆட்சிக்கு வருவோம். தமிழ்நாட்டில் நம்மைத் தவிர்த்து யாரும் ஆட்சிக்கு வர முடியாது. இதுகுறித்து யாரும் கவலைப்படத் தேவையில்லை” என்று தொண்டர்களுக்கு அவர் நம்பிக்கை அளித்தார்.
கருத்தரங்கில் பேசிய மாநில மாணவர் அணி செயலாளர் வீரமணி ஜெயக்குமார், திமுக ஆட்சியில் பெண்களுக்கு பாதுகாப்பு உறுதி செய்யப்பட்டதால் தமிழ்நாட்டில்பெண்கள் அதிகளவில் பணிக்குச் செல்வதாக மத்திய அரசின் அறிக்கையே தெரிவிப்பதாக கூறினார். தற்போதைய த.வெ.க. ஆட்சியில் பெண்களுக்கு பாதுகாப்பு இல்லாத சூழல் நிலவுவதாக குற்றம் சாட்டிய அவர், அமைச்சர் ஆதவ் அர்ஜுனா சமூக வலைத்தளங்களில் தவறான தகவல்களை பரப்பி மக்களிடையே குழப்பத்தை ஏற்படுத்தி வருவதாகவும் விமர்சித்தார்.
இந்நிகழ்ச்சியில் திருச்செங்கோடு ஒன்றிய செயலாளர்கள் தங்கவேல், தாமரைச்செல்வன், அருண் குமார், நகர மற்றும் ஒன்றிய தி.மு.க. நிர்வாகிகள், மாணவர் அணி பொறுப்பாளர்கள் உள்ளிட்டோர் கலந்து கொண்டனர். மேலும், மாணவர் அணியைச் சேர்ந்த 1,500-க்கும் மேற்பட்டோர் கருத்தரங்கில் பங்கேற்றனர். இறுதியாக மாவட்ட மாணவர் அணி துணை அமைப்பாளர் நானா நாணி கார்த்தி நன்றிகூறினார்